Gàlesìyà 4:3 - The New Testament in the Babanki language

³ Kə diʼ to ndə̀ŋndəŋ ando vəghəŋ ə mbo ndiʼ ko vəghəŋ kɨ nyʉ̀ vyi a və diʼi nəmwèʼè, vəghəŋ shyèʼ kəkòs a zhwì vyi a və soʼo mbi.

Gàlesìyà 4:3 ပူးပေါင်းရင်းမြစ်များ

Matìyò 11:28

“Ghə̀ŋ vi a ghə̀ŋ byèʼè ngəʼsə be shyèʼ mbwaʼkə, ghə̀ŋ vi à mò a mà ne ghə̀ŋ zhʉ̀tə.

Joyn 8:31

Yesò ə ngaʼa li a viʼi Jus vyi a və byɨmə a wen la, “Ghə̀ŋ sətsen ghaʼ ziʼi ə ghomə mu ghə̀ŋ lutə diʼ to no ndzɨ̀mtə̀sə bàm ə mo.

Shwèʼ 15:10

Byìʼì ghò a ghə̀ŋ mwòmsə̀ luwèn ənè la tin Nyìngòŋ fwi a? Ghə̀ŋ ə kəŋə la ndzɨ̀mtə̀sə bàm Yesò shìsə byeʼe kəbwèʼè, a vətìʼ və vəghəŋ və mbì ko vəghəŋ nko zì və byeʼe byìʼì ghò?

Lumans 7:14

Vəghəŋ ə kɨ la Əsoʼ ə diʼ mu à ku Nyìngòŋ, ali ma kumə diʼ to wìʼ a və baʼlə a kəkòs a mbyɨ.

Lumans 8:15

Nyìngòŋ ə nko ku kəzhwì kə fwaynə a ghə̀ŋ ə kə kaʼsə ghə̀ŋ a əkòs. Nyìngòŋ ə ku kəzhwì la kə nè, ghə̀ŋ ə boŋsə diʼ vunə wen, a diʼ kəwenkə a kə kù adyòʼ la vəghəŋ ə dì a Nyìngòŋ, toŋtə Nyìngòŋ la, “Bàba! Tìʼ yès!”

2 Kolìntyàns 11:20

Ghə̀ŋ moʼtə li viʼi, və sə lyɨ ghə̀ŋ a əkòs, nyàblə̀ nə̀ ghə̀ŋ. Ghə̀ŋ moʼtə li vəwenə sə lobtə ghə̀ŋ, zəʼtə ghə̀ŋ be telə ghə̀ŋ.

Gàlesìyà 2:4

Kənyʉ̀ a kèn la və shətə ndyə̀ Taytùs ə fʉ mu à lùsə viʼi və byɨməvə kənlobtə vətsenvə tsu, a və vi nyoʼtə kwen a yès a ntìntìn ə sə mwòmsə ə yen la yes ə tsi ntsìnə̀ yi a yes ə tsi fa yes a ngəŋsə yo və Yesò Klistò a kənyʉ̀ kəmùʼ ale lo. Vəwenə ə kəŋ to ji ə bwensə nè yès ndiʼ əkòs a əsoʼ ə viʼi Jus.

Gàlesìyà 3:19

Əshyèʼ əsoʼ lə̀ diʼ no ghò? Nyìngòŋ ə nkù Əsoʼ ə kwʉ̀ʼsə a məkàyn mèyn ndiʼ wìʼ ne fəŋə, ghə̀ kɨ la ghə̀ nè li mbyɨ. Əsoʼ ndiʼ ə ndiʼ to diʼi ə zaʼa ando wàyn a Nyìngòŋ ə ghʉ kənyʉ̀ ken byìʼì wen vi. Nyìngòŋ ntɨm ə ntsɨŋsə wen la vəwenə ku əsoʼ a Mosìs la ghə̀ chòsə̀ a viʼi. Mosìs ndiʼ wìʼ a ghə̀ nti a ntìntìn Nyìngòŋ wenə viʼi.

Gàlesìyà 4:2

Ghə̀ sə kiʼ viʼi a və tuʼmə nə̀ əfo ə wen, be tùʼmə̀ no tebe nə̀ wen, ə zaʼa ando ghə̀ kwi kwʉ̀ʼ ando tìʼ wen nkəŋ.

Gàlesìyà 4:24

Vəghəŋ zizi və lyɨ nyʉ̀ na venə ə shəʼmə kənyʉ̀ tsu. Ki venə və bò lə̀ ndiʼ to nə̀ məkàyn na mèyn ə mbò. Ghə̀ muʼ ə lyɨ kəshi kə məkàyn mi a Nyìngòŋ ə zhɨ̀ wenə Mosìs a phèn ə Sinày, ghə̀ bwi li vunə, vəwenə ndiʼ ə ndiʼ əkòs. Əzhiʼ wùwì na ghèn ə ndiʼ Hagà.

Gàlesìyà 4:25

Hagà lyɨ kəshi kə phèn ə Sinày alòʼ ə Alabìyà. Ghə̀ lyɨ kəshi kə Jelusalèm yì a ghə̀ diʼi luwen. Wen wenə vunə wen diʼ əkòs.

Gàlesìyà 4:31

Ghə̀ŋ yen li a vəlemə vwomə a byɨmə la, vəghəŋ ko diʼ vunə wùwì kəkòs yì. Vəghəŋ ə diʼ vunə wùwì yi à ko diʼ kəkòs.

Gàlesìyà 4:8

A ndiʼ fa ambì ando ghə̀ŋ nko tɨmə ə bo kɨ Nyìngòŋ, ghə̀ŋ ndiʼ əkòs a fo ə tsenəvə, a ko diʼ tèbe Vənyìngòŋ.

Gàlesìyà 4:9

Alì ghə̀ŋ sə ə kɨ Nyìngòŋ luwen. Ma zì ma gaʼa la a diʼ Nyìngòŋ a ghə̀ kɨ ghə̀ŋ. Ghə̀ŋ zizi ghə̀ŋ be bwensə ə shyèʼ a nə̀ ə kəkòs a zhwì ə bwaʼvə kədyàŋ kədyàŋ venə a və soʼ mbyi lə? Byìʼì ghò a ghə̀ŋ kəŋ ə be ə kaʼkə əkòs a əzhwì bwaʼvə kədyàŋ kədyàŋ venə a?

Kòlòsyàns 2:20

Ghə̀ŋ sə diʼ to sə ghə̀ŋ və Klistò pfʉ li amuʼ zhwi vi a və soʼo mbi li ko be kiʼi kədyòʼ a ghə̀ŋ kətʉ. Kə le diʼ alə̀, ghə̀ŋ sə bo ghʉ̀ to təsoʼ tə mbi to nə̀ viʼi mbyi byìʼì ghò?

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

Hibùlù 5:12

Ghə̀ŋ sə diʼ ə ndiʼ luwen mu ghə̀ŋ sə ziʼi viʼi nə̀ kənyʉ̀ kə Nyìngòŋ ali kə bo boŋ wìʼ be ziʼi ghə̀ŋ nə̀ nyʉ̀ ə mbì vyi a ghə̀ŋ, a ghə̀ŋ diʼ zhʉ kumə kənyʉ̀ kə Nyìngòŋ. Ghə̀ŋ bo diʼ to ə nyoŋ zhwin to nə̀ vunə və bwaʼvə. Ghə̀ŋ ko təmə ə kwʉ̀ʼ nzhɨ̀ əfo ə zhivə ə tovə.

Hibùlù 7:16

Və ko ghʉ̀ wen a pfèm ngə̀ŋ Nyìngòŋ byìʼì təsoʼ tə ngwaʼ ngə̀ŋ ə wen. Ali Və nghʉ̀ pfèm byìʼì ghə̀ nkiʼi kədyòʼ ntsi to ghayn əmùʼ