Gàlesìyà 4:14 - The New Testament in the Babanki language

¹⁴ Əkwaʼa ghomə na yi ə ndiʼ a ghə̀ŋ to nə̀ əmwòmsə̀ ə tsen ghə̀, ali ghə̀ŋ ko nyeʼsə mò ko ghə̀ŋ lu maʼa mò. Ghə̀ŋ ə nshisə mò ando ghə̀ŋ zi ghə̀ŋ shisə ntsɨŋ Nyìngòŋ. Ghə̀ŋ ə shisə mò ando ghə̀ŋ zi ghə̀ŋ shisə nkàyntə̀ Yesò Klistò.

Gàlesìyà 4:14 ပူးပေါင်းရင်းမြစ်များ

Matìyò 10:40

“A tùʼmə̀ no ndo nə̀ ghə̀ŋ mu ghə̀ tùʼmə̀ nə̀ mo, à tuʼmə no ndo nə̀ mo, mu ghə̀ tùʼmə̀ nə̀ wìʼ yì a ghə̀ tɨmə mò.

Matìyò 18:5

No ndò a ghə̀ shisə wàyndyə anə̀ ghèn byìʼì mò mu ghə̀ shisə li mò.”

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Ŋwàʼlə̀ Luk 10:16

Ghə̀ gàʼ alì mù gàʼ à viʼi ntɨm vyi la,“No məndò a ghə̀ tyen əzhʉ ghə̀ŋ mu ghə̀ tyenli əzhʉ mò. No məndò a ghə̀ tyen mo mu ghə̀ tyenli wìʼ a ghə̀ tɨmə mo.”

Joyn 13:20

Ma gaʼa a ghə̀ŋ no nəmwèʼè la, no ndo a ghə̀ à shisə wìʼ a mà tɨmə, mù ghə̀ shisə li mò, no ndo à ghə̀ shisə mo, mù ghə̀ shisə li Wìʼ a ghə̀ tɨmə mo.”

1 Kolìntyàns 1:28

Nyìngòŋ ə tsuʼ viʼi və bwaʼ və vi a və ko lyɨ tebè vəwenə a kənyʉ̀, be tsùʼtə əfo vi a viʼi ə yen la və ko diʼ kə fo ə byɨbsə vi a və nyenə la à diʼ nkàyntə̀ əfo,

1 Kolìntyàns 4:10

Yès ə diʼ nkoyn a viʼi byìʼì Yesò, ghə̀ŋ diʼ viʼi və tofəvə a nyʉ̀ ə Yesò. Yès ə̀ bwaʼa ali ghə̀ŋ to. Viʼi ə kuʼsə ghə̀ŋ ali ko və lə lyɨ tebè yes a kənyʉ̀.

2 Kolìntyàns 5:20

A lə ji yì, a yès lyɨ kəshi kə Yesò, Nyìngòŋ sə gàʼà chò fa yès. Yès sensə ghə̀ŋ a əzhiʼ ə Yesò la ghə̀ŋ baʼtə̀ ntsìnə̀ shəŋsə wyè və Nyìngòŋ.

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Gàlesìyà 4:13

Ghə̀ŋ kɨli la ma ə nvi ə shə̀ʼtə̀ ntɨm ə jùŋ a ghə̀ŋ fa ambì zhʉ mu à nè kwaʼa a ma tə kwaʼa.

Gàlesìyà 4:15

A tə fʉ ghò kumə saŋlə yì a ghə̀ŋ tə nkiʼ a? Ma gaʼa to no nəmwèʼè la, kə tu tə mbwaʼmə mu ghə̀ŋ ə ntsuʼtə li ashɨ à ghəŋə ə ku a mò.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

1 Tèsàlonyà 4:8

A sətsen a tensə no ndo tensə kənyʉ̀ ki a yes ə ziʼi, ghə̀ tensə Nyìngòŋ a ghə̀ ku kəzhwì kə Ŋwoʼkə a ghə̀ŋ.

Hibùlù 13:2

Kə ghə̀ŋ ne lyesə ə nshɨtə shisə viʼi ghayn a ghə̀ŋ a loʼ byìʼì ando viʼi vətsevə nshɨtə li ə shisə viʼi ali, ko vəwenə kɨ la vəwenə shisə a diʼ ətsɨŋsə ngə̀ŋ Nyìngòŋ.