Gàlesìyà 4:13 - The New Testament in the Babanki language

¹³ Ghə̀ŋ kɨli la ma ə nvi ə shə̀ʼtə̀ ntɨm ə jùŋ a ghə̀ŋ fa ambì zhʉ mu à nè kwaʼa a ma tə kwaʼa.

Gàlesìyà 4:13 ပူးပေါင်းရင်းမြစ်များ

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

1 Kolìntyàns 2:3

Ma ndiʼ a ghə̀ŋ a ntìntìn, əwen ghomə bwaʼa, ma tsɨŋtə̀ fwàynə̀ no nànto.

2 Kolìntyàns 10:10

Byìʼì viʼi vətsenvə gàʼa la ma zhʉsə nyoʼo ŋwàʼlə̀, gaʼa yì ə sə to kiʼi kədyòʼ ali ma ne sə boŋsə vi a ghə̀ŋ ashɨ ma sə bwaʼsə gaʼa diʼ sə ma ko ki ə gàʼ a ntìntìn ə viʼi.

2 Kolìntyàns 11:30

Mà sətsen ndiʼ ə nghaŋsə tèbe əwen, a mà ne ghaŋsə kumə nyʉ̀ vyi a və diʼi la ma bwaʼa.

2 Kolìntyàns 11:6

Ma kɨli la ma ko kɨ ə gàʼ ashɨ viʼi ali, kɨ kənyʉ̀ ki a ma gàʼà. Yès sə diʼ mù yès ə diʼi li nakèn kə a ghə̀ŋ to ji sə tsèm.

2 Kolìntyàns 13:4

Kə diʼ nəmwèʼè la ghə̀ ko kiʼ tebè kədyòʼ azhʉ̀ a və mbàyntə wen a kəntò ali, ə bwensə lu sə tsi byìʼì kədyòʼ kə Nyìngòŋ. Kə le diʼi la à diʼ ə ntsìnə̀ yi a yès ə̀ tsì və ghə̀ŋ, yès gho kədyòʼ to nə̀ wen ali be boŋ tsi to tsi byìʼì kədyòʼ kì a Nyìngòŋ ə nkù li a wen.

Gàlesìyà 1:6

Ma diʼ nə̀ əkaynə la ghə̀ŋ zaŋsə li kaʼkə fa bàm ə Nyìngòŋ yi a ghə̀ ndzàŋ ghə̀ŋ byìʼì ətyɨm ə jùŋə ghə̀ ə Klistò, luwen ghə̀ŋ sə dzɨ̀mtə̀ dyʉ̀ nə̀ ntɨm ə kədyàŋ.

Gàlesìyà 4:12

Vəlemə vwomə a byɨmə, ma sensə la ghə̀ŋ diʼ to nə̀ mò byìʼì ando mà sə diʼ to nə̀ ghə̀ŋ. Ghə̀ŋ ko nè kənyʉ̀ kəbyɨkə kətsen a mò.

Gàlesìyà 4:14

Əkwaʼa ghomə na yi ə ndiʼ a ghə̀ŋ to nə̀ əmwòmsə̀ ə tsen ghə̀, ali ghə̀ŋ ko nyeʼsə mò ko ghə̀ŋ lu maʼa mò. Ghə̀ŋ ə nshisə mò ando ghə̀ŋ zi ghə̀ŋ shisə ntsɨŋ Nyìngòŋ. Ghə̀ŋ ə shisə mò ando ghə̀ŋ zi ghə̀ŋ shisə nkàyntə̀ Yesò Klistò.

Gàlesìyà 4:18

Kə bòŋə to no ə lɨ̀mə̀ a nyʉ̀ a wù ne azhʉ a diʼ nyʉ̀ jùŋə və no zhʉ̀ko. Ghə̀ŋ ə lɨ̀mtə̀ to məzhʉ ntsèm a ko diʼ to azhʉ̀ a vəghəŋ diʼ to muʼ.