Gàlesìyà 3:5 - The New Testament in the Babanki language

⁵ Nyìngòŋ ə nku kəzhwì kə wen a ghə̀ŋ ə be nè nyʉ̀ ə kaynəvə a ghə̀ŋ a ntìntìn byìʼì ando ghə̀ŋ ghʉ Əsoʼ mu, mu byìʼì ando ghə̀ŋ nzhʉ̀ ntɨm ə jùŋ ə byɨmə lo?

Gàlesìyà 3:5 ပူးပေါင်းရင်းမြစ်များ

Shwèʼ 14:3

Byìʼì alə̀, Bol wenə̀ Balnabas tsi tsu no alə̀, gàʼà nyʉ̀ byìʼì Bobo kè nə̀ faynə. Bobo dìʼ la ntɨm yì a vəwenə nziʼi byìʼì boŋə tyɨm Nyìngòŋ ndìʼ nəmwèʼè, ə̀ kù kədyòʼ la vəwenə ndìʼì chwitə be nè nyʉ̀ kanəvə.

Lumans 10:17

Kə le diʼi nəmwèʼè la wìʼ ə byɨmə to azhʉ̀ a ghə̀ zhʉ̀ ntɨmə Nyìngòŋ, wìʼ ə zhʉ̀ to azhʉ̀ a və shə̀ʼtə li ntɨm kumə Yesò a wen.

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.

1 Kolìntyàns 12:10

Kəzhwì na kèn to kə mùʼ nə̀ dyʉ̀ a wu ə tsen, kə ne la ghə̀ nshwèʼè təshwèʼ tə kaynətə, ə dyʉ̀ a wutsen, kə ku kədyòʼ la ghə̀ nshə̀ʼtə̀ nyʉ̀ mu və lù fa Nyìngòŋ. Kə dyʉ̀ a wu ə tsen, kə nè la ghə̀ nkɨ nəkwoŋ yì a ghə̀ diʼ a ntìntìn nyʉ̀ yi a və lù fa Kəzhwì kə Ŋwoʼkə nə̀ vyi a və lù fa zhwì ə tsevə. Kəzhwì na kì ne sə dyʉ̀ a wutsen, kə ne la ghə̀ ə nkɨ ə gàʼ təgàʼ ko andiʼ la ghə̀ ziʼi fa wìʼ, ə dyʉ̀ a wìʼ ə tsen, kə ne la ghə̀ ə nzhʉ kɨ təgàʼ a titə, shə̀ʼtə̀ kənyʉ̀ ki a tə gàʼà titə gàʼà.

2 Kolìntyàns 10:4

Əfo ghòŋ ə yès ko diʼ ə əfo a shɨtə wìʼ nə̀ kəvu kə, à kù Nyìngòŋ a yès la yès ə nsoynə zhɨ kədyòʼ kəbəŋ kəfenəkə tsu.

2 Kolìntyàns 12:12

Ma tə bwaʼmə ə lyɨ̀ əzhʉ̀ ə diʼ nchwisə nyʉ̀ a ghə̀ŋ nə̀ tənki tə nyʉ̀ ə kaynəvə tə tsentə, nə̀ təshyèʼ tə kaynə tə, tə diʼi la ma diʼ to no nkàyntə̀ wù ə ntɨm.

2 Kolìntyàns 13:3

Ma a vì ə diʼ a ghə̀ŋ la ma gàʼà no tèbe la ghò, mu à gàʼ Yesò byìʼì ando à diʼ kənyʉ̀ kì a ghə̀ŋ kəŋ ə zhʉ. Ma diʼ a ghə̀ŋ la Yesò ko bwaʼa, la ghə̀ boŋsə diʼi tò nò kədyòʼ kə wen a ghə̀ŋ a ntìntìn.

2 Kolìntyàns 3:8

ko kəzhwì kə Ŋwoʼkə a vi nə̀ baynə ghə̀ chò ghə̀ əsoʼ a?

2 Kolìntyàns 9:10

A kù Nyìngòŋ ku ngwaʼ a viʼi la və we, a ku to wen ku əfo ə zhɨvə, a diʼ to wen ə ku ə kwʉ̀ʼsə ngwaʼ a ghə̀ŋ, a ghə̀ŋ a ntsìnə̀sə ndiʼ ghə̀ŋ we ə na pfì jùŋ no ghoʼo.

Gàlesìyà 3:2

Ghə̀ŋ shə̀ʼtə̀ kənyʉ̀ kəmùʼ ken a mò. Ghə̀ŋ shə̀ʼtə̀ a mò la, Nyìngòŋ nku kəzhwì kə wen a ghə̀ŋ byìʼì ando ghə̀ŋ ghʉ Əsoʼ mu ghə̀ nku byìʼì ando ghə̀ŋ zhʉ̀ ntɨm ə jùŋ ə byɨmə lo?

Filìbàyns 1:19

Ma saŋlə byìʼì ando ma kɨli la əjɨ̀m ə ghəŋə nə̀ gyamtə kəzhwì kə Yesò Klistò kə gyàmtə̀ mà nè bwòŋ ə fʉ̀ fa nfɨŋ ashə.