Gàlesìyà 3:28 - The New Testament in the Babanki language

²⁸ Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Gàlesìyà 3:28 ပူးပေါင်းရင်းမြစ်များ

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Joyn 11:52

Ghə̀ ko pfʉ to a vəwenə. Ghə̀ ə̀ pfʉ tamə a kətʉ vunə Nyìngòŋ vyi a və ghəsə li ndiʼ vəwenə bwènsə̀ zhùŋtə̀ vi ndiʼ to kənyʉ̀ kə mùʼ.

Joyn 17:11

Luwen diʼ alə̀, ko ma diʼ ə faŋ a mbyi, ali vəwenə bo diʼ to mbyi. Tìʼ ghom ə laynə, tuʼmə nə̀ vəwenə a wù kədyòʼ, a yi kədyòʼ kì a wù tə kù a mò ndi vəwenə ndiʼ to a kənyʉ̀ kə mùʼ to ndə̀ŋndəŋ ando yowù diʼ to a kənyʉ̀ kə mùʼ.

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Lumans 3:22

Nyìngòŋ ə ne lyɨ no ndo a wù kənyʉ̀ kətɨməkə chò fa wen a əbyɨmə a Yesò Klistò, nəkwoŋ ko be lu ndiʼ a wu ə tsen.

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

Lumans 9:24

Vəghəŋ diʼ alə̀, diʼ vəghəŋ vi a ghə̀ ə dzàŋ shisə fa ntìntìn ə viʼi Jus ə be dzàŋ shisə fa ntìntìn ə viʼi ətɨm.

1 Kolìntyàns 7:14

Kə diʼ alə̀ byìʼì ando Nyìngòŋ ə na ne wulɨm yi a ghə̀ ko byɨmə la ghə̀ laynə byìʼì wi wen, ə be nè wùwì yi a ghə̀ ko byɨmə la ghə̀ ə̀ laynə byìʼì lɨmə wen. A bwen a li ko vu vəwenə a ndiʼ nə̀ laynə, ali kə sə diʼ nəmwèʼè la vəwenə ne laynə.

1 Kolìntyàns 7:19

Ə shɨtə ndyə̀ wìʼ ko ə faŋ ke shɨtə, kə ko kiʼi kənyʉ̀ ə nè. Kənyʉ̀ kə tokə diʼ to ə ghʉ̀ təsoʼ tə Nyìngòŋ.

Gàlesìyà 3:14

Klistò ə nè alə ndiʼ mbwàʼsə̀ yì a Nyìngòŋ ə ghʉ li a Ablaham, boŋ ə dyʉ̀ a viʼi a ko diʼ viʼi Jus. Ghə̀ ə nè alə ndiʼ əbyɨmə ə vəghəŋ nè vəghəŋ boŋ kiʼi Kəzhwì kə Ŋwoʼkə na kì a Nyìngòŋ ə nghʉ li.

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gàlesìyà 4:14

Əkwaʼa ghomə na yi ə ndiʼ a ghə̀ŋ to nə̀ əmwòmsə̀ ə tsen ghə̀, ali ghə̀ŋ ko nyeʼsə mò ko ghə̀ŋ lu maʼa mò. Ghə̀ŋ ə nshisə mò ando ghə̀ŋ zi ghə̀ŋ shisə ntsɨŋ Nyìngòŋ. Ghə̀ŋ ə shisə mò ando ghə̀ŋ zi ghə̀ŋ shisə nkàyntə̀ Yesò Klistò.

Gàlesìyà 5:24

Viʼi Yesò Klistò diʼ mu vəwenə bayntə li njòsə əwèn nə̀ vəwenə boʼsə nə̀ nyʉ̀ vyi a və fwomə la və nə̀ nè a kəntò.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Efisyàns 1:1

A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

Efisyàns 4:4

Ghə̀ŋ diʼ bàs əwèn ə mùʼ, kəzhwì kə Nyìngòŋ kì a kə shwèʼè a wèn a yi ə diʼ to kə kəmùʼ, to ndə̀ŋndəŋ ando Nyìngòŋ ə ndzàŋ shisə ghə̀ŋ fa mbyi ə ne ghə̀ŋ sə ki to kənyʉ̀ kə mùʼ kɨ la ghə̀ŋ lu bwòŋ.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Kòlòsyàns 1:4

Yès ə ku kəzòŋ a Nyìngòŋ byìʼì ando yès əzhʉ li la ghə̀ŋ byɨmə li a Yesò Klistò be sə kòŋ viʼi Nyìngòŋ no və tsèm.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

1 Timotì 1:12

Mà ku kəzòŋ à Bobo vəghəŋ Yesò Klistò ando ghə̀ ku kədyòʼ la mà ə nè shwèʼ a ghenə, bè choʼsə mò, mbe tsuʼ mò la ma nshwèʼè a wen.

2 Timotì 1:1

A ə nyòʼò mò Bol, nyòʼo ŋwàʼlə̀ ghèn à wù a Timotì. Mà dìʼ wù ə ntɨm ə̀ Yesò Klistò mu a ntsuʼ Nyìngòŋ. Ghə̀ ntsuʼ mò la mà shə̀ʼtə̀ ntɨm ə jùŋ kùmə̀ ntsìnə̀ yi a ghə̀ ko lə me to ando ghə̀ əghʉ̀ li. Ntsìnə̀ a ghèn ə diʼ to zhʉ a vəghəŋ diʼ to kənyʉ̀ kəmùʼ vəghəŋ və Yesò Klistò.