Gàlesìyà 3:22 - The New Testament in the Babanki language

²² Alì Ŋwàʼlə̀ Nyìngòŋ gàʼa la kədyòʼ kə mbyɨ kə diʼ a kətʉ viʼi vətsèm a mbyi. Kə diʼi alə̀ ndiʼ Nyìngòŋ ə ghʉ kənyʉ̀ kə ghʉkə ki a ghə̀ nghʉ, a viʼi vyi a və byɨmə a Yesò Klistò.

Gàlesìyà 3:22 ပူးပေါင်းရင်းမြစ်များ

Ŋwàʼlə̀ Mak 16:16

No mə ndò a ghə̀ byɨmə ə̀ shì mu, ghə̀ nè bwòŋ. No ndò a ghə̀ tyenə ke byɨmə Nyìngòŋ lù byɨbsə wen.

Joyn 12:46

Mà vi a mbyi to nə̀ əbayn ndiʼ wìʼ faŋ kò ghə̀ lə be ndiʼ a kəbəŋ kə fenəkə, mu ghə̀ byɨmə li a mò.

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Shwèʼ 16:31

Vəwenə gàʼ à wen la, “Byɨmə à Bobo Yesò, a Nyìngòŋ a bwòŋsə wù wenə̀ viʼi ngə̀ŋ wù no vətsèm.”

Lumans 10:9

Yès ə gàʼa la no ndò sətsen ə gàʼ nə̀ əchʉ̀ ə wenə la Yesò diʼ Bobo ə byɨmə a wen a tyɨm la Nyìngòŋ ə nlùsə li wen fa pfʉ, ghə̀ lù bwòŋ.

Lumans 11:32

Nyìngòŋ ə kwiʼi li viʼi no vətsèm ə nè la və to kətʉ ndiʼ ghə̀ diʼ kusə ə shinsə yì a ghə̀ kiʼi a vəwenə.

Lumans 3:22

Nyìngòŋ ə ne lyɨ no ndo a wù kənyʉ̀ kətɨməkə chò fa wen a əbyɨmə a Yesò Klistò, nəkwoŋ ko be lu ndiʼ a wu ə tsen.

Lumans 3:23

Viʼi və tsèm sə diʼ mù və ne li mbyɨ, ko əbaynə ə Nyìngòŋ ə be diʼ a vəwenə.

Lumans 5:12

Kə diʼ a ji ghèn lə, wù ə mùʼ ə nè mbyɨ, ghə̀ vi nə̀ ə pfʉ ə a mbi. Kə lə diʼi la pfʉ ə nvi li to a viʼi vətsèm byìʼì ando viʼi və tsèm nè li mbyɨ.

Gàlesìyà 3:14

Klistò ə nè alə ndiʼ mbwàʼsə̀ yì a Nyìngòŋ ə ghʉ li a Ablaham, boŋ ə dyʉ̀ a viʼi a ko diʼ viʼi Jus. Ghə̀ ə nè alə ndiʼ əbyɨmə ə vəghəŋ nè vəghəŋ boŋ kiʼi Kəzhwì kə Ŋwoʼkə na kì a Nyìngòŋ ə nghʉ li.

Gàlesìyà 3:17

Mà lə gàʼà ə diʼ la, Nyìngòŋ ə zhɨ̀ məkàyn mù ghʉ kənyʉ̀ fa ambì wenə Ablaham, ko ghə̀ zizi ghə̀ lu ə faŋ ke nè. Mibu və sə shɨtə Əsoʼ na ghenə, mu ngʉ̀ʼsə cho li əghɨ kàʼ nə̀ ngʉʼsə məwumə ə ntàʼ a və zhɨ məkàyn, Əsoʼ na yì ə zizi ko ghə̀ lu be tensə məkàyn na mèyn be tensə kənyʉ̀ ken a Nyìngòŋ ə nghʉ lə̀.

Gàlesìyà 3:23

A ndiʼ mibu ə zhʉ əbyɨmə a Klistò vì, Əsoʼ ne li və ghə̀ŋ sə tsi to ne viʼi mfɨŋ. Əsoʼ nghaʼa li a vəghəŋ zaʼa ando Nyìngòŋ ə ndiʼi làynsə əbyɨmə na ghenə a Klistò.

Gàlesìyà 3:29

Ghə̀ŋ sətsen ndiʼ viʼi Yesò alə̀, a ghə̀ŋ ne diʼ vunə a Ablaham, diʼi la ghə̀ŋ be lu kiʼi əfo vì a Nyìngòŋ ə ghʉ a wen.

2 Timotì 1:1

A ə nyòʼò mò Bol, nyòʼo ŋwàʼlə̀ ghèn à wù a Timotì. Mà dìʼ wù ə ntɨm ə̀ Yesò Klistò mu a ntsuʼ Nyìngòŋ. Ghə̀ ntsuʼ mò la mà shə̀ʼtə̀ ntɨm ə jùŋ kùmə̀ ntsìnə̀ yi a ghə̀ ko lə me to ando ghə̀ əghʉ̀ li. Ntsìnə̀ a ghèn ə diʼ to zhʉ a vəghəŋ diʼ to kənyʉ̀ kəmùʼ vəghəŋ və Yesò Klistò.

Hibùlù 9:15

A lə kənyʉ̀ ki a Yesò diʼ wìʼ yi a ghə̀ bàtə məkàyn mə mfimə̀ ə ne la viʼi vi a Nyìngòŋ dzàŋ kiʼi mbwaʼsə yì a ghə̀ ghʉ̀ mu ghə̀ faŋ li to nəmwèʼè. Kə diʼ alə̀ byìʼì ando Yesò ə npfʉ̀ li ə bwoŋsə̀ viʼi fa mbyɨsə yi a vəwenə ne achʉʼ ə məkàyn mə mumə̀.

2 Bità 1:4

A diʼ a ji na ghèn a Nyìngòŋ ə lwinsə li kənyʉ̀ kə ghʉkə kikə a ghə̀ ə nghʉ̀ la ghə̀ lu ku kəku kə jùŋ kə kə kaynəkə, la kə gyamtə vəghəŋ la vəghəŋ nyɨŋ fʉ̀ fa nyʉ̀ ə byɨvə yi a njòsə wensə ə vi nə̀ wenəvə a mbi ashə və byɨbsə viʼi, ə boŋsə tsi ntsìnə̀ Nyìngòŋ.

2 Bità 3:13

Alì vəghəŋ ə ŋwʉ̀ʼ luwen, kəʼtə to la əkaŋ ə fìghə nə̀ nse ə fi vi, a no tèbe ghò tsu ə ti a kayn, to ndə̀ŋndəŋ ando Nyìngòŋ ə ghʉ li.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.