Gàlesìyà 3:21 - The New Testament in the Babanki language

²¹ Kə le diʼi la Əsoʼ ə tensə kənyʉ̀ kə ghʉ kə kikə a Nyìngòŋ ə nghʉ li mu? Kə ko diʼ alì no fa mphen. Kə diʼ la Nyìngòŋ a sətsen ə ndiʼ mu ghə̀ nkuli əsoʼ mibu ghə̀ nè la viʼi ntsi, a na ndiʼ mù ghə̀ zizi nè la viʼi nti akayn ashɨ ə Nyìngòŋ.

Gàlesìyà 3:21 ပူးပေါင်းရင်းမြစ်များ

Ŋwàʼlə̀ Luk 20:16

Ghə̀ à vì ə zhwilə viʼi a vyi no vətsèm ə lyɨ̀ sɨm ayì ə ku a viʼi kədyàŋ.” Yesò ne myètə̀ ngàyn a ghèn, viʼi vyì zhʉtə alə̀ ə gàʼ la kə Nyìngòŋ lə̀ byɨmə wìʼ ne nki kənyʉ̀ kènkə a viʼi shyèʼ sɨm a vyì nlù mwòm lə̀.

Lumans 3:31

Kə ko diʼi tebè la vəghəŋ maʼa Əsoʼ luwen byìʼì byɨmə ə vəghəŋ. Vəghəŋ boŋsə diʼ ə shɨtə ə ghaʼ Əsoʼ luwen ando vəghəŋ byɨmə li lə̀.

Lumans 3:4

Kə zi ko kə lu ndiʼ ali! byìʼàndo Nyìngòŋ ə gaʼa to nəmwèʼè no tèbe azhʉ̀ a viʼi tsèntə to mbi ə tsèm ə zhò ndzɨ̀ŋ, to ndə̀ŋndəŋ ando və nyoʼo li a Ŋwàʼlə̀ Nyìngòŋ la: “kənyʉ̀ kə Nyìngòŋ kə diʼ to nəmwèʼè, Nyìngòŋ ə soʼo zhɨ̀ nsòʼ wen wenə viʼi.”

Lumans 3:6

Alì, kə zizi ko kə lu ndiʼ alə̀ no fa mphen! Nyìngòŋ ə sətsen ə faŋ ke diʼ fəchìʼ, ghə̀ lu soʼ viʼi mbyi ale?

Lumans 9:31

ali a viʼi Islel ando və kəŋ ndiʼ viʼi kənyʉ̀ kətɨməkə ashɨ Nyìngòŋ ə chò fa əsoʼ, vəwenə gho li ə ghaʼa əsoʼ na yi.

2 Kolìntyàns 3:7

Ghə̀ŋ kɨli la Əsoʼ ə ndiʼ a mbì a ŋwàʼlə̀ mu və nyoʼ a ngùʼ ali, ghə̀ diʼi baynə Nyìngòŋ. Əsoʼ ə nè li la əkə̀ʼ ə Mosìs ə nbàynə̀ no nànto, viʼi Islel ə gho ə ki, no tèbe ando ghə̀ baynə ali, lɨmə dyʉ̀ dyʉ̀. Əsoʼ ə sətsen ndiʼ mu ghə̀ diʼi li nki bayn na ghèn ali, vi nə̀ əpfʉ̀,

Gàlesìyà 2:17

Alì vəghəŋ sətsen ə mwomsə ə nti a nkàyn a shɨ ə Nyìngòŋ byìʼì ando vəghəŋ və Yesò diʼ amuʼ, ə be yenə la vəghəŋ ne mbyɨ, kə a ndiʼi la Yesò ə nè la vəghəŋ ə ne mbyɨ mu? Kə ko diʼ alì no fa mphen!

Gàlesìyà 2:19

Mà tə ntsi a tyi Əsoʼ alì ko ndiʼ la ghə̀ gyàmtə̀ mò. Luwen ma nghʉsə soʼ na yi ndi ə ntsi to kuʼsə Nyìngòŋ.

Gàlesìyà 2:21

Mà zizi ko ma lu tensə ətyɨm ə jùŋə ghə̀ Nyìngòŋ. Wìʼ sətsen sə diʼ ndiʼ ti a nkayn wenə Nyìngòŋ byìʼì to ando ghə̀ ghʉ Əsoʼ, à ne ndiʼ la Yesò mpfʉ to kədyàŋ.”

Gàlesìyà 6:14

Alì fa mò, mà ko na kumə kədyʉ̀ʼ kumə tebè kənyʉ̀ kə tsen kə, a bwen to byìʼì kənyʉ̀ a Bobo vəghəŋ Yesò Klistò nè a mò a kəntò. A diʼ kənyʉ̀ kəwenkə a kə nè, fo ə mbyi ə sə diʼ to a mò to nə̀ əfo ə pfʉkəvə, no tèbe nkàyntə̀ mò diʼ to nə̀ kəfo kə pfʉkə kùmə̀ fo ə mbyi.

Hibùlù 11:7

Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

Hibùlù 7:18

Kə le diʼi la Nyìngòŋ ə maʼa li əsoʼ ə mughə byìʼì ando ghə̀ ko kiʼi kədyòʼ a ghə̀ zizi ghə̀ lu gyàmtə̀ wìʼ.

Hibùlù 7:19

Əsoʼ ə Mosìs nko kiʼi tebè kədyòʼ ə nè la wìʼ diʼ wù kənyʉ̀ kətɨməkə ashɨ Nyìngòŋ. Alì luwen, kənyʉ̀ kə kədyàŋ a və kɨ kə kuʼmə chò əsoʼ, a kə diʼi ji la vəghəŋ nkwèntə boʼsə dyʉ̀ a Nyìngòŋ.