Gàlesìyà 3:18 - The New Testament in the Babanki language

¹⁸ Nyìngòŋ ə sətsèn ə nku fo wen a viʼi byìʼì ando və ghʉ Əsoʼ, mu a li ko be diʼ kənyʉ̀ a ghə̀ nghʉ̀. Nyìngòŋ nku li ə fo a Ablaham ando ghə̀ nghʉ̀.

Gàlesìyà 3:18 ပူးပေါင်းရင်းမြစ်များ

Lumans 8:17

Vəghəŋ sətsen ə ndi vunə Nyìngòŋ, kə ne diʼi la vəghəŋ lu kiʼi əghoʼ ə Nyìngòŋ, diʼ lù kiʼi əghoʼ na yi, vəghəŋ və Yesò to muʼ. Vəghəŋ lu kiʼi əghoʼ na ghèn nə̀ vəghəŋ və Yesò to azhʉ̀ a vəghəŋ ə boŋ yen nə̀ ngəʼ yì a Yesò ə yen ə̀ ndi vəghəŋ boŋ kiʼi əbayn yì a ghə̀ kiʼi.

Gàlesìyà 2:21

Mà zizi ko ma lu tensə ətyɨm ə jùŋə ghə̀ Nyìngòŋ. Wìʼ sətsen sə diʼ ndiʼ ti a nkayn wenə Nyìngòŋ byìʼì to ando ghə̀ ghʉ Əsoʼ, à ne ndiʼ la Yesò mpfʉ to kədyàŋ.”

Gàlesìyà 3:10

Viʼi vyi a və kəŋ ə ghʉ tə Əsoʼ ndi nti a nkayn wenə və Nyìngòŋ, ngəʼ Nyìngòŋ diʼ a vəwenə a kətʉ, byìʼì ando və nyoʼo li a Ŋwàʼlə̀ Nyìngòŋ la, “Nyìngòŋ ne nè ngəʼ ndiʼ a kətʉ no ndò yi a ghə̀ ko ghʉ təsoʼ no tətsèm a tə diʼi a ŋwàʼlə̀ Əsoʼ.”

Gàlesìyà 3:12

Əsoʼ ə ko kiʼi to kənyʉ̀ kùmə̀ ə byɨmə. Və boŋsə li nyòʼ a ŋwàʼlə̀ Nyìngòŋ la, “no ndò yi a ghə̀ ne ando Əsoʼ ə kəŋ, lu ə ntsi to byìʼì wen ghə̀”.

Gàlesìyà 3:16

Nyìngòŋ ə nghʉ li kənyʉ̀ ken a Ablaham wenə ngwaʼ wen. Ŋwàʼlə̀ Nyìngòŋ ko gàʼ la və ku a wenə vunə və ghoʼo və. Ŋwàʼlə̀ Nyìngòŋ tòŋtə to wàyn ə mùʼ, wàyn na ghèn diʼ Klistò.

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gàlesìyà 3:29

Ghə̀ŋ sətsen ndiʼ viʼi Yesò alə̀, a ghə̀ŋ ne diʼ vunə a Ablaham, diʼi la ghə̀ŋ be lu kiʼi əfo vì a Nyìngòŋ ə ghʉ a wen.