Gàlesìyà 3:17 - The New Testament in the Babanki language

¹⁷ Mà lə gàʼà ə diʼ la, Nyìngòŋ ə zhɨ̀ məkàyn mù ghʉ kənyʉ̀ fa ambì wenə Ablaham, ko ghə̀ zizi ghə̀ lu ə faŋ ke nè. Mibu və sə shɨtə Əsoʼ na ghenə, mu ngʉ̀ʼsə cho li əghɨ kàʼ nə̀ ngʉʼsə məwumə ə ntàʼ a və zhɨ məkàyn, Əsoʼ na yì ə zizi ko ghə̀ lu be tensə məkàyn na mèyn be tensə kənyʉ̀ ken a Nyìngòŋ ə nghʉ lə̀.

Gàlesìyà 3:17 ပူးပေါင်းရင်းမြစ်များ

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Shwèʼ 7:6

Nyìngòŋ ngàʼa à wen la, Ngwaʼa ngə̀ŋ wù lu tsi a loʼ kətɨm a tì ngwʉ̀ʼ ghɨ̀ kàʼ, viʼi loʼ a vyi ne vəwenə shwèʼè a nə̀ kòsə, a tì zhʉ̀ aghèn və be nyàblə̀ nə̀ vəwenə.

Lumans 3:25

Nyìngòŋ ə nku wen la ghə̀ vi pfʉ ndiʼ mənlyuŋ mə wen ne ghə̀ lyesə ku mbyɨsə viʼi chò fa əbyɨmə ə vəwenə. Na kènkə ndiʼ ə diʼ ji nəmwèʼè ə Nyìngòŋ. Ghə̀ nko ku ngəʼ a viʼi a ambì kumə mbyɨsə vəwenə. Ghə̀ ə wensə achʉʼ a yi,

Lumans 3:3

Alì kə lə diʼ ale a viʼi Jus vətsenvə vi a və ko ə byɨmə a? Kə le diʼ la Nyìngòŋ ə tsuʼ li ə tyɨmə wen fa vəwenə a wen mu?

1 Kolìntyàns 1:12

Kənyʉ̀ kì a ma gàʼà diʼ la no ndò fa ghə̀ŋ a ntìntìn sə gàʼà to nə̀ nəkwoŋ. Viʼi vətsenvə ə gàʼa la, vəwenə dzɨ̀mtə̀ ziʼi Bol vətsevə gàʼà la, vəwenə dzɨ̀mtə̀ ziʼi Abolòs; vətsevə gàʼà la, vəwenə dzɨ̀mtə̀ ghə̀ Sefàs; vətsevə gàʼà la, vəwenə diʼ a ghə̀ Yesò.

1 Kolìntyàns 1:17

Yesò ə ko ntɨm mo la mà vi əku mu a viʼi. Ghə̀ ntɨm la mà vi ə shə̀ʼtə̀ ntɨm ə jùŋ, shə̀ʼtə̀ ko ndiʼ nə̀ ətof ə viʼi. Ma nshə̀ʼtə̀ ali, ndi kə pfʉ ə wen a kəntò a le kədyòʼ kì a ghə̀ kiʼi.

1 Kolìntyàns 10:19

A ghə̀ŋ lə zhʉ̀ kɨ no tèbe kənyʉ̀ kì a ma gàʼà a? Ma gàʼà ə boʼ la əfo ə zhɨvə vyi a və moʼo a əse a nshəʼsə ə diʼ no kəfo kə tsenkə mu, la no nshəʼsə a vyi diʼ kəfo lo?

1 Kolìntyàns 7:29

Nò kənyʉ̀ kì a ma gàʼà a vəlemə vwomə, diʼ la, zhʉ̀ yi a və ghʉ̀ sə diʼ mù ghə̀ boʼsə li. Ə zìtə̀ fa luwèn ə dyʉ̀ nə̀ mbì, viʼi vyi a və kiʼi ki diʼ ə̀ ntsi to sə vəwenə ko kiʼ,

2 Kolìntyàns 1:20

A diʼ wen a ghə̀ nè no ghò na yi a Nyìngòŋ ə nghʉ kə kwʉ̀ʼ. A lə kənyʉ̀ ki a vəghəŋ nə̀ ngàʼa la, “Amèyn” chò fa a wen azhiʼ, kuʼsə Nyìngòŋ.

2 Kolìntyàns 9:6

Ghə̀ŋ diʼ kɨ la no ndò a ghə̀ wè to ntèʼ, a ghə̀ lù be pfì to ntèʼ, no ndò a ghə̀ wè no kə ghoʼo, a ghə̀ lù pfì to no kə ghoʼo.

Gàlesìyà 3:15

Vəlemə vwomə a byɨmə, ma kù nchwi kənyʉ̀ a ghə̀ŋ, a və fʉ̀ to mətsi ə ntsèm. Viʼi və bò nə̀ byɨmə kənyʉ̀ ə zhɨ̀ məkàyn, ko wìʼ be ə diʼ ə tsuʼ kò ə kwʉ̀ʼsə kənyʉ̀ tsu.

Gàlesìyà 3:21

Kə le diʼi la Əsoʼ ə tensə kənyʉ̀ kə ghʉ kə kikə a Nyìngòŋ ə nghʉ li mu? Kə ko diʼ alì no fa mphen. Kə diʼ la Nyìngòŋ a sətsen ə ndiʼ mu ghə̀ nkuli əsoʼ mibu ghə̀ nè la viʼi ntsi, a na ndiʼ mù ghə̀ zizi nè la viʼi nti akayn ashɨ ə Nyìngòŋ.

Gàlesìyà 5:16

Ma kəŋə gàʼ a ghə̀ŋ la, Ghə̀ŋ ə tsi ando kəzhwì kə Ŋwoʼkə ə tisə ghə̀ŋ. Ghə̀ŋ sətsen ə nè alə, ko ghə̀ŋ be na nè nyʉ̀ vyi a və fwomə a njòsə wen.

Gàlesìyà 5:4

Ghə̀ŋ vyi a ghə̀ŋ kəŋ ə nti akayn ashɨ Nyìngòŋ ə byìʼì ando ghə̀ŋ ghʉ Əsoʼ ghenə, kɨ la ghə̀ŋ gə̀sə̀ li təwen ətəŋtə fa Klistò. Ghə̀ŋ tyenli ətyɨm ə jùŋə ghə̀ yi a Nyìngòŋ ə diʼi li a ghə̀ŋ.

Efisyàns 2:12

Kə ghə̀ŋ lyesə la a ə ndiʼ a tʉʼ a yi, ghə̀ŋ nko kiʼ to kənyʉ̀ ə ne nə̀ Yesò, ko ghə̀ŋ diʼ a nòyn nə̀ viʼi Islel, ko andiʼ la ghə̀ŋ kiʼ to kəvu a nyʉ̀ yi a Nyìngòŋ ə ghʉ a vəwenə. Ghə̀ŋ ə tsi to tyi mbyi, ko ghə̀ŋ kwòʼtə̀ tebè njùŋ ə tsen akəshi, ko ghə̀ŋ kɨ kənyʉ̀ əkùm Nyìngòŋ.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Kòlòsyàns 2:4

Ma gaʼa nyʉ̀ venə a ghə̀ŋ, ndiʼ və ne kə no to wìʼ lù lobtə ghə̀ŋ nə̀ gaʼa ə fwomə ghə̀.

Hibùlù 11:13

Viʼi na venə no vətsèm nki li əbyɨmə a Nyìngòŋ ə lu kaʼ əpfʉ to nə̀ wenə ghə̀. Vəwenə ə nsə pfʉ ko a vəwenə kiʼi li kənyʉ̀ kì a Nyìngòŋ nghʉ̀ ali, vəwenə sə saŋlə to saŋlə, ki dyʉ̀sə nə̀ kənyʉ̀ ki a Nyìngòŋ ə ndiʼ lù nè. Vəwenə ngaʼa li to no nə̀ əchʉ vəwenə la vəwenə diʼ a nse ashə to nə̀ viʼi ghayn.

Hibùlù 7:18

Kə le diʼi la Nyìngòŋ ə maʼa li əsoʼ ə mughə byìʼì ando ghə̀ ko kiʼi kədyòʼ a ghə̀ zizi ghə̀ lu gyàmtə̀ wìʼ.

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.