Gàlesìyà 3:1 - The New Testament in the Babanki language

¹ Ghə̀ŋ nkoyn ə viʼi Gàlesìyà venə! Və lùʼ ghə̀ŋ lùʼu mu? A və tə diʼ mwetə to no ando və ə bayntə Yesò Klistò a kəntò a ghə̀ŋ!

Gàlesìyà 3:1 ပူးပေါင်းရင်းမြစ်များ

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 7:26

“Alì, mu a zhʉ̀ no ndo zhʉ ənyʉ̀ ə vwomə a venə a mà gàʼa la ə mù faŋ ke ne to ando mà gàʼa, ghə̀ nə̀ ndiʼ to nə̀ kəndzɨ̀ŋtə̀ kə wìʼ kì a kə nlu lyɨ̀ ngə̀ŋ wen ə dyʉ̀ bwom a kətʉ kə kəsese,

Ŋwàʼlə̀ Luk 24:25

Ghə̀ mù bwènsə̀ gàʼ a vəwenə la. Ghə̀ŋ ndiʼi ndzə̀ŋtə̀, tətyɨm tyəŋtə bwaʼa ghə̀ŋ byɨmə kənyʉ̀ a nshə̀ʼtə̀sə ngaʼa.

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Shwèʼ 6:7

Kənyʉ̀ kə Nyìngòŋ kə mù sə sàykə̀ dyʉ̀ tò nə̀ mbì, viʼi və byɨməvə a Jelusalèm bè sə̀ ghoʼo dyʉ̀ tò nə̀ mbì. Vəpfèm və ngə̀ŋ Nyìngòŋ no vəghoʼo zhʉ ziʼi aghenə bè byɨmə.

Lumans 10:16

Alì, à ko diʼ viʼi və tsèm a və zhʉ̀ ntɨm ə jùŋ na ghèn ə sə wʉ̀ kətʉ tsu. Kə diʼ to ndə̀ŋndəŋ ando nshə̀ʼtə̀ əsoʼgho ə gaʼa ə bèm la, “Viʼi vi a və zhʉ̀ ntɨm yì a yès shə̀ʼtə ə byɨmə le bè diʼ no və ndo a Bobo?”

Lumans 2:8

Ghə̀ lu soʼ viʼi vyi a və kəŋ to kənyʉ̀ ngeŋsə ə vəwenə, ko və lu zhʉ kənyʉ̀ ki a kə diʼi nəmwèʼè ali kòŋ to ndzɨ̀ŋ. Ghə̀ lu soʼ vəwenə ə diʼ tin ə fwi ə wen a vəwenə.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

1 Kolìntyàns 11:26

Kə le diʼi la ghə̀ŋ sətsen ə zhɨ̀ kəbayn kènkə, nyʉ ndoŋ ghèn no zhʉ̀ko, a kə a ndiʼ la ghə̀ŋ shə̀ʼtə̀ ntɨm əpfʉ ə Bobo ə zaʼa ando ghə̀ lù bwenə vì.

1 Kolìntyàns 2:2

Ma ndiʼ mu ma nghʉ̀ li la mà ko ba ə kwoʼtə kənyʉ̀ kətsen kə ando ma diʼ a ghə̀ŋ a ntìntìn, a bwen to ə ngàʼà kumə Yesò Klistò, nə̀ əpfʉ̀ ə wenə a kəntò.

2 Kolìntyàns 10:5

Yès ə byɨbsə kəngùmə̀ kì a vi kuʼsə wen nè la kə viʼi kɨ Nyìngòŋ. Yès ə tisə təkwòʼtə̀ tə viʼi, ne la vəwenə kwoʼtə nyʉ̀ a ji yi a Yesò ə kəŋ la və nkwoʼtə fa tsu.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

Gàlesìyà 1:2

Yo və vəlemə və byɨmə vì a və diʼ ashen ə tɨmə ətoŋtə a ghə̀ŋ ntsèntə̀sə viʼi və byɨməvə vyi a və diʼi shə ə Gàlesìyà.

Gàlesìyà 1:6

Ma diʼ nə̀ əkaynə la ghə̀ŋ zaŋsə li kaʼkə fa bàm ə Nyìngòŋ yi a ghə̀ ndzàŋ ghə̀ŋ byìʼì ətyɨm ə jùŋə ghə̀ ə Klistò, luwen ghə̀ŋ sə dzɨ̀mtə̀ dyʉ̀ nə̀ ntɨm ə kədyàŋ.

Gàlesìyà 2:14

A sə diʼ ando mà yen la vəwenə ne nyʉ̀, ko diʼ nyʉ̀ ə tɨməvə to ando ntɨm ə jùŋ yì a ghə̀ diʼi nəmwèʼè ə nziʼi, ma gàʼ a Bità to ashɨ ə viʼi və tsèm ə bèm la, “Wù jeʼ ale ə ndiʼ wù ə Jus, tsi to nə̀ wù kətɨm, boŋsə kaynə la viʼi kətɨm ə ntsi to nə̀ viʼi Jus a?

Gàlesìyà 3:3

Ghə̀ŋ dzɨŋtə ghò alə a? Ghə̀ŋ tə zìtə̀ ə sə tsi byìʼì Kəzhwì kə Nyìngòŋ, ə sə kəŋ ə tsì ə mwetə nə̀ kədyoʼkə ngeŋsə ə ghə̀ŋ byìʼì ghò?

Gàlesìyà 4:9

Alì ghə̀ŋ sə ə kɨ Nyìngòŋ luwen. Ma zì ma gaʼa la a diʼ Nyìngòŋ a ghə̀ kɨ ghə̀ŋ. Ghə̀ŋ zizi ghə̀ŋ be bwensə ə shyèʼ a nə̀ ə kəkòs a zhwì ə bwaʼvə kədyàŋ kədyàŋ venə a və soʼ mbyi lə? Byìʼì ghò a ghə̀ŋ kəŋ ə be ə kaʼkə əkòs a əzhwì bwaʼvə kədyàŋ kədyàŋ venə a?

Gàlesìyà 5:11

Və le bè ə tsuʼ to kəghʉ komkə a gho, a vəlemə vwomə, azhʉ̀ a kə diʼ nəmwèʼè la, ma ziʼi la və diʼ ə shətə ndyə̀ ə viʼi a? Kə sətsen ə ndiʼ nəmwèʼè, mu ziʼi yì a ma ziʼi kumə Klistò a ghə̀ mpfʉ a kəntò ko be zafə viʼi Jus.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Efisyàns 5:15

Ghə̀ŋ ə ntùʼmə̀ li a ji yi a ghə̀ŋ tsi fa tsù. Kə ghə̀ŋ nè ntsi to nə̀ nkoynə, ghə̀ŋ ə̀ ntsi to nə̀ viʼi və tofəvə.

2 Tèsàlonyà 1:8

A lu ndiʼ ando ghə̀ shiʼi vi wenə ə ntsɨŋsə wen na shisə, kəlwàŋ kə əzhiʼ kə ə bolə, ghə̀ bwensə lòʼ viʼi vyi a və tə mò Nyìngòŋ ə be tensə la və ko zhʉ̀ tebè kənyʉ̀ ki a ntɨm ə jùŋ kumə Bobo vəghəŋ Yesò ə gàʼa.

1 Timotì 6:4

ghə̀ ghaŋsə̀ tò əwen kədyàŋ kədyàŋ, ko ghə̀ lu kɨ no kənyʉ̀, ətyɨm ə wen ko diʼ a nkàyn. Ghə̀ kəŋ ngùmə̀ to ənyʉ̀, bè taŋmə wen ə viʼi byìʼì ətof yi a ghə̀ diʼi a mənyʉ̀tə. Ənyʉ̀ a venə ə vi tò nə̀ kənghə̀ʼ kə nə̀ soynə nə̀ mbaʼsə nə̀ kwoʼtə ə byɨghə byìʼì viʼi,

Hibùlù 11:8

Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 4:17

Kə diʼ alə̀ byìʼì ando zhʉ̀ kʉʼʉ li a Nyìngòŋ a soʼ mbi, ghə̀ diʼ ə zìtə̀ nə̀ viʼi wen. Ghə̀ lə sətsen ndiʼ boŋsə zìtə̀ ə soʼ vəghəŋ a ambì, kə lə na ndiʼ ale a viʼi a və ko byɨmə ntɨm ə jùŋ a?

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

Kəmwetə 18:3

Kə diʼ alə̀ byìʼàndo viʼi mbyi no vətsèm ə nyʉ li məlyʉ̀ʼ mə wen, mə ntomə̀ mì a mə nè viʼi və tsi ntsìnə̀ kəmɨ̀ŋ wenə̀ ki. Təfòyn tə mbi tə tsi li nə̀ wen tò tətsèm, viʼi mbàʼànkùm ə mbe ghoʼkə tò byìʼ ntsìnə̀ njèʼtə̀ wen aghèn.”

Kəmwetə 2:20

Alì mà ghàmə̀ ghə̀ŋ to kənyʉ̀ kènkə kə mùʼ: la ghə̀ŋ ə ghʉsə li wùwì ghèn ə Jezebel a ghə̀ gàʼà la yì dìʼ ə nshə̀ʼtə̀ ghoʼo, ghə̀ sə lobtə̀ viʼi shyèʼ mò la vəwenə ntsi nə̀ ki ko nə̀ lʉmə à ko kiʼ vəwenə. Ghə̀ be nè la vəwenə nzhɨ ə̀fo zhɨvə a və moʼò vənyìngòŋ tsu.