Gàlesìyà 2:8 - The New Testament in the Babanki language

⁸ Nyìngòŋ a ghə̀ ne la Bità ə ndiʼ wù ntɨm a viʼi Jus diʼ to wen yi a ghə̀ ne la mà ə ndiʼ wù ə ntɨm a viʼi a ko diʼi viʼi Jus.

Gàlesìyà 2:8 ပူးပေါင်းရင်းမြစ်များ

Shwèʼ 1:25

ndi ghə̀ lyɨ kəshi kə wù ntɨm wù ə nè shwèʼ yi a Judàs tə mòʼtə̀ ə̀ dyʉ̀ à wen a kəshi kə ngə̀ŋ.”

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 15:12

Bità gàʼ a lì viʼi vətsèm chiʼ tò la kùʼ. Bol wenə̀ Balnabas shə̀ʼtə̀ chwitə bènə̀ nyʉ̀ kanəvə a Nyìngòŋ tə gyàmtə̀ nè, vəwenə dìʼ à viʼi tɨm.

Shwèʼ 19:26

Ghə̀ŋ zhʉ li be nyen kənyʉ̀ a Bol ghèn ə nè fà ghə̀ŋ a ngəŋsə. Ghə̀ ne li nghoʼo viʼi a Efesùs nə̀ a Asìyà no vətsèm mbyɨmə la vənyìngòŋ vi a və shɨ̀tə̀ lì ko diʼ nkàyntə̀ vənyìngòŋ.

Shwèʼ 21:19

Bol toŋtə vəwenə ə̀ shə̀ʼtə̀ no nyʉ̀ tsèm a Nyìngòŋ ə ne à viʼi tɨm əchò fà wen a shwèʼ.

Shwèʼ 22:21

Bobo bè gàʼ à mò tò la, ‘Lu, byìʼàndo ma tɨm wù no kəghaf à viʼi tɨm.’”

Shwèʼ 4:4

Nghoʼo viʼi a və nzhʉ ziʼi Bità wenə̀ Joyn byɨmə ə nè nòyn viʼi a və byɨmə kuʼu chò nkamsə tayn.

Shwèʼ 8:17

Bità wenə̀ Joyn ghʉ avu à vəwenə a tʉ, Kəzhwì kə ŋwòʼəkə mù vì à vəwenə.

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

1 Kolìntyàns 15:10

Alì byìʼì ətyɨm ə jùŋə Nyìngòŋ, ma sə diʼ kəfo kì a ma diʼi kəwenkə luwen. Ətyɨm ə jùŋə na ghenə ko lè kədyàŋ. Ma boŋsə li shwèʼ no nə̀ kədyoʼkə, shwèʼ chò no ndò a ntìntìn ə̀ viʼi ntɨm no tèbe ando à ko tə nlaynsə shwèʼè mò, à tə nshwèʼè ətyɨm ə jùŋə Nyìngòŋ na yi a mò a wèn.

1 Kolìntyàns 9:2

Mà sətsèn ke ndiʼ tebè wù ə ntɨm a viʼi vətsenvə, a mà ndiʼ wù ə ntɨm a ghə̀ŋ, byìʼì ando ji yi a ghə̀ŋ diʼi fa tsù a Bobo diʼ byìʼì shwèʼ ə ghomə to nə̀ wù ə ntɨm.

Gàlesìyà 3:5

Nyìngòŋ ə nku kəzhwì kə wen a ghə̀ŋ ə be nè nyʉ̀ ə kaynəvə a ghə̀ŋ a ntìntìn byìʼì ando ghə̀ŋ ghʉ Əsoʼ mu, mu byìʼì ando ghə̀ŋ nzhʉ̀ ntɨm ə jùŋ ə byɨmə lo?

Kòlòsyàns 1:29

A diʼ byìʼì ənyʉ̀ a venə a ma taŋkə, shwèʼè nə̀ kədyoʼkə kì a ghə̀ kù a mo.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.