Gàlesìyà 2:19 - The New Testament in the Babanki language

¹⁹ Mà tə ntsi a tyi Əsoʼ alì ko ndiʼ la ghə̀ gyàmtə̀ mò. Luwen ma nghʉsə soʼ na yi ndi ə ntsi to kuʼsə Nyìngòŋ.

Gàlesìyà 2:19 ပူးပေါင်းရင်းမြစ်များ

Lumans 4:15

Kə diʼ alə̀ byìʼì ando Əsoʼ ə nè to la Nyìngòŋ ə fwisə tin a viʼi byìʼì ando vəwenə kwaʼa əsoʼ a yi, mu əsoʼ ə faŋ ke ndiʼ, ko wìʼ lu kwaʼa.

Lumans 5:20

Nyìngòŋ ə nku Əsoʼ ndi və yenə mwetə kədyòʼ kə mbyɨ, ali mbyɨ sə ghoʼ, ətyɨm ə jùŋə Nyìngòŋ ə be ghoʼ dyʉ̀ to ambì.

Lumans 6:11

Kə le diʼi la ghə̀ŋ diʼ ə lyɨ̀ la ghə̀ŋ boŋ li pfʉ a mbyɨ, ko mbyɨ ə be kiʼi kənyʉ̀ kətsen kə ə nè kumə ghə̀ŋ, vye və Yesò Klistò na ə tsi luwen ə kùʼsə to Nyìngòŋ.

Lumans 6:14

Ghə̀ŋ nè alə ndiʼ ko mbyɨ be a ə kiʼ kədyòʼ a ghə̀ŋ kətʉ byìʼì ando Nyìngòŋ sə diʼ mù ghə̀ diʼi li ətyɨm ə jùŋə ghə̀ a ghə̀ŋ, ko ghə̀ŋ ə be tsi tebè a ti əsoʼ.

Lumans 6:2

Kə zizi ko kə lu ndiʼ ali no fa mphen! Mbyɨ ko be kiʼi kənyʉ̀ kumə vəghəŋ no fa mphen. Vəghəŋ sə diʼ mù və ə mpfʉ li a mbyɨ ko vəghəŋ zizi vəghəŋ be ntsi a ti mbyɨ.

Lumans 7:14

Vəghəŋ ə kɨ la Əsoʼ ə diʼ mu à ku Nyìngòŋ, ali ma kumə diʼ to wìʼ a və baʼlə a kəkòs a mbyɨ.

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

Lumans 8:2

Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

1 Kolìntyàns 10:31

Kə lə diʼ la, ghə̀ŋ sə nzhɨ̀ no tèbe ghò, kò ghə̀ŋ nyʉ nyʉ, kò ghə̀ŋ nè no tèbe ghò, ghə̀ŋ ne to ə ku kuʼsə a Nyìngòŋ.

1 Kolìntyàns 9:20

Ma dyʉ̀ a viʼi Jus, ma sədiʼ to nə̀ wù ə Jus, ə ne la vəwenə be byɨmə, ma sə dyʉ̀ a viʼi vyi a vəwenə ə̀ ghʉ̀ Əsoʼ, ma sədiʼ to nə̀ wìʼ a ghə̀ ghʉ̀ Əsoʼ no tèbe ando ma ko diʼ a tyi Əsoʼ. Ma ne ma sə ne alə̀ ndiʼ vəwenə be tuʼu byɨmə, to kədə̀ŋ.

2 Kolìntyàns 5:15

Yesò ə mpfʉ̀ to a viʼi və tsèm ndiʼ viʼi sə ntsi ko və be ntsi a ji yi a vəwenə kòŋ, ali ntsi to byìʼì Yesò. Kə diʼ alə̀ byìʼì ando Yesò mpfʉ̀ byìʼì vəwenə və bwensə lùsə̀ wen fa pfʉ̀.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Gàlesìyà 3:10

Viʼi vyi a və kəŋ ə ghʉ tə Əsoʼ ndi nti a nkayn wenə və Nyìngòŋ, ngəʼ Nyìngòŋ diʼ a vəwenə a kətʉ, byìʼì ando və nyoʼo li a Ŋwàʼlə̀ Nyìngòŋ la, “Nyìngòŋ ne nè ngəʼ ndiʼ a kətʉ no ndò yi a ghə̀ ko ghʉ təsoʼ no tətsèm a tə diʼi a ŋwàʼlə̀ Əsoʼ.”

Gàlesìyà 3:24

Əsoʼ ə ntùʼmə̀ to tuʼmə nə̀ vəghəŋ ə zaʼa ando Klistò ə nvi ə nè la vəghəŋ diʼi viʼi kənyʉ̀ kətɨməkə byìʼì əbyɨmə.

Gàlesìyà 6:14

Alì fa mò, mà ko na kumə kədyʉ̀ʼ kumə tebè kənyʉ̀ kə tsen kə, a bwen to byìʼì kənyʉ̀ a Bobo vəghəŋ Yesò Klistò nè a mò a kəntò. A diʼ kənyʉ̀ kəwenkə a kə nè, fo ə mbyi ə sə diʼ to a mò to nə̀ əfo ə pfʉkəvə, no tèbe nkàyntə̀ mò diʼ to nə̀ kəfo kə pfʉkə kùmə̀ fo ə mbyi.

Kòlòsyàns 2:20

Ghə̀ŋ sə diʼ to sə ghə̀ŋ və Klistò pfʉ li amuʼ zhwi vi a və soʼo mbi li ko be kiʼi kədyòʼ a ghə̀ŋ kətʉ. Kə le diʼ alə̀, ghə̀ŋ sə bo ghʉ̀ to təsoʼ tə mbi to nə̀ viʼi mbyi byìʼì ghò?

Kòlòsyàns 3:3

byìʼì ando ghə̀ŋ sə diʼ mù ghə̀ŋ pfʉ li, və lyomtə ə ntsìnə̀ ghə̀ŋ vye və Yesò yi a ghə̀ diʼi wenə Nyìngòŋ amuʼ.

1 Tèsàlonyà 5:10

Ghə̀ npfʉ̀ byìʼì vəghəŋ ndi vəghəŋ nə̀ vəwenə lu ndiʼ to muʼ azhʉ̀ a ghə̀ bwenə vi, kò vəghəŋ ndiʼ və to, ko və pfʉkə li.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

1 Bità 2:24

Ghə̀ ə mbyèʼè li mbyɨsə vəghəŋ a wen a wèn, a kəntò. Ghə̀ ə nè alə ndiʼ vəghəŋ ə boŋsə tsi ətsìnə̀sə tɨməsə, ko mbyɨ ə be ə kiʼi to kənyʉ̀ ə ne a vəghəŋ a ntsìnə̀sə. A nè tə chʉtəshi wen la ghə̀ŋ to,

1 Bità 4:6

A le kənyʉ̀ ki a və ə nboŋ shə̀ʼtə̀ ntɨm ə jùŋ no tèbè a viʼi vyi a və pfʉkə li. Nyìngòŋ ə nsə diʼ mu ghə̀ ə soʼ li vəwenə achʉʼ a vəwenə nbo tsì a kətsoʼ kə wèn to ndə̀ŋndəŋ ando ghə̀ nsoʼ viʼi və tsèm. Və nshə̀ʼtə̀ ntɨm ə jùŋ nà ghèn a vəwenə ndiʼ vəwenə ntsi a kəzhwì to ando Nyìngòŋ ə kəŋ.