Gàlesìyà 1:6 - The New Testament in the Babanki language

⁶ Ma diʼ nə̀ əkaynə la ghə̀ŋ zaŋsə li kaʼkə fa bàm ə Nyìngòŋ yi a ghə̀ ndzàŋ ghə̀ŋ byìʼì ətyɨm ə jùŋə ghə̀ ə Klistò, luwen ghə̀ŋ sə dzɨ̀mtə̀ dyʉ̀ nə̀ ntɨm ə kədyàŋ.

Gàlesìyà 1:6 ပူးပေါင်းရင်းမြစ်များ

Ŋwàʼlə̀ Mak 6:6

Yesò yen la vəwenə ko kiʼ byɨmə, sə diʼ no nə̀ kanə ghoʼo ghə̀. Ghə̀ mù lù sə jèʼè ziʼì dyʉ̀ nə̀ viʼi a ntə̀ʼsə sətsensə a sə mboʼsə̀ tsu.

Joyn 9:30

Wìʼ aghèn ə bwensə la, “A diʼ kənyʉ̀ kə kaynəkə la ghə̀ŋ ko kɨ la ghə̀ lù fa fe, ali mu ghə̀ nè li la, ma ə yenə shi!

Shwèʼ 15:11

Kə ko diʼ a lì byìʼàndo vəghəŋ ə byɨmə la Nyìngòŋ bwoŋsə̀ li vəghəŋ byìʼì boŋə tyɨm ə Bobo Yesò, ndə̀ŋndəŋ ando ghə̀ be bwòŋsə̀ vəwenə tò a lì.”

Lumans 10:3

Vəwenə ko kɨ ji yì a Nyìngòŋ nə̀ lyɨ viʼi kənyʉ̀ kətɨməkə fa tsù. A le kənyʉ̀ ki a vəwenə tensə li ji na ghèn ə boŋsə shɨtə ghə̀ vəwenə.

Lumans 5:2

A ne wen la vəghəŋ nkiʼi ətyɨm ə jùŋə ghə Nyìngòŋ ə byìʼì əbyɨmə ə vəghəŋ. Vəghəŋ ə ti to a kwi ətyɨm ə jùŋə ghə̀ a ghèn be naynə, kɨ nəmwèʼè la Nyìngòŋ ə lu gətə ku vəghəŋ nə̀ əbayn yì a ghə̀ kiʼi.

Lumans 8:28

Vəghəŋ ə kɨ la à fʉ̀ no tèbe ghò, Nyìngòŋ ə shɨtə a sə diʼ njùŋ a viʼi vyi a və kòŋ wen, a diʼ viʼi vi a ghə̀ dzàŋ la vəwenə ə nè ando ghə̀ bàtə.

Lumans 8:30

Ghə̀ dzàŋ li viʼi vi a ghə̀ sə diʼ mù ghə̀ tsuʼ li a wèn ə viʼi ə be ghʉ̀ viʼi na venə a ghə̀ dzàŋ a viʼi kənyʉ̀ kətɨməkə. Ghə̀ ə ghʉ̀ ali ə be boŋ gətə ku əbayn ə ghoʼo ghə̀ ə wen a vəwenə.

1 Kolìntyàns 4:15

Ghə̀ŋ nkiʼi tebe viʼi a və tuʼu, tyɨftə ghə̀ŋ kumə Yesò, və taŋtə lè ali ghə̀ŋ kiʼ to Tìʼ ə mùʼ. Mà sə diʼ mù ma vi li to nə̀ tìʼ a ghə̀ŋ a kənyʉ̀ ə Yesò Klistò chò fa ntɨm ə jùŋ ə wen yì a ma nziʼi ghə̀ŋ tsu.

2 Kolìntyàns 11:4

Ma fwàynə̀ alə̀ byìʼì ando mà yèn li la ndìʼsə̀ sə dzɨŋ sə sə̀ ziʼi ghə̀ŋ nə̀ nyʉ̀ kədyàŋ kumə Yesò ko andiʼ nyʉ̀ a yès tə ziʼi ghə̀ŋ kumə wen tsu, ghə̀ŋ moʼtə to moʼtə. Wìʼ ə vì, a ghə̀ŋ nə̀ kəzhwì kə, a ko diʼ kəzhwì kə Ŋwoʼkə kì a yès nku a ghə̀ŋ, ghə̀ŋ shi to shi, ə mbe byɨmə ntɨm yì to byɨmə a ghə̀ shə̀ʼtə̀, a ko diʼ ntɨm ə jùŋ yì a yès ə nshə̀ʼtə̀ a ghə̀ŋ.

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

Gàlesìyà 1:11

Vəlemə vwomə a byɨmə, ma kəŋə la ghə̀ŋ ə kɨ la ntɨm ə jùŋ yì a ma shə̀ʼtə̀ ə ko lù fa wìʼ.

Gàlesìyà 1:15

Alì, Nyìngòŋ a ghə̀ ntsuʼ mo mibu və bwi mò, ə dzàŋ mò byìʼì ətyɨm ə jùŋə ghə̀ wen la mà ə shyèʼè a wen.

Gàlesìyà 1:7

Ma ko gàʼà tebè la ntɨm ə jùŋə tsen be diʼ. Ma gàʼà la viʼi vətsenvə sə boŋsə sàsə̀ ətof ə ghəŋə, mwomsə ə nkwitə ntɨm ə jùŋ byìʼì ə Yesò.

Gàlesìyà 2:14

A sə diʼ ando mà yen la vəwenə ne nyʉ̀, ko diʼ nyʉ̀ ə tɨməvə to ando ntɨm ə jùŋ yì a ghə̀ diʼi nəmwèʼè ə nziʼi, ma gàʼ a Bità to ashɨ ə viʼi və tsèm ə bèm la, “Wù jeʼ ale ə ndiʼ wù ə Jus, tsi to nə̀ wù kətɨm, boŋsə kaynə la viʼi kətɨm ə ntsi to nə̀ viʼi Jus a?

Gàlesìyà 2:2

Ma nkuʼ tsu byìʼì ando Nyìngòŋ ə diʼi a mò la ma diʼ ə kuʼ. A ndiʼ to ando ma diʼi tsu, ma nyoʼtə gàʼ to fa abàm fa abàm yo viʼi vyi a və ndiʼ tʉtʉ ntsèntə̀sə viʼi vəbyɨməvə a Jelusalèm, ə shətə shə̀ʼtə̀ ntɨm ə jùŋ yì a ma ə nshə̀ʼtə̀ a viʼi a nko diʼ viʼi Jus. Ma ə nshə̀ʼtə̀ ali ndiʼ shyèʼ yì a ma ne luwen nə̀ yi a mà tə nè, kə ghə̀ lə lè to kədyàŋ.

Gàlesìyà 2:5

Yès ə nko ə byɨmə kənyʉ̀ na ki no tebe a fəshinə fəzhʉ no fa mpfen, byìʼì ando yès ə kəŋə la ntɨm ə jùŋ ə ghèn a diʼ nəmwèʼè lə faŋ to ghayn ə mùʼ a ghə̀ŋ.

Gàlesìyà 2:7

Vəwenə ə mboŋsə li yen la Nyìngòŋ ə wè li shwèʼ a ghenə a mo a kəvu la mà shə̀ʼtə̀ ntɨm ə jùŋ a viʼi a ko diʼ viʼi Jus, ndə̀ŋndəŋ to ando ghə̀ ə mbe wè a kəvu a Bità la ghə̀ shə̀ʼtə̀ a viʼi Jus.

Gàlesìyà 5:14

Nò təsoʼ tə tsèm tsèntə vi fʉ to a əsoʼ ə mùʼ la, “Kòŋ no ndò a wù yenə to ndə̀ŋndəŋ ando wù kòŋ wenə wù.”

Gàlesìyà 5:4

Ghə̀ŋ vyi a ghə̀ŋ kəŋ ə nti akayn ashɨ Nyìngòŋ ə byìʼì ando ghə̀ŋ ghʉ Əsoʼ ghenə, kɨ la ghə̀ŋ gə̀sə̀ li təwen ətəŋtə fa Klistò. Ghə̀ŋ tyenli ətyɨm ə jùŋə ghə̀ yi a Nyìngòŋ ə diʼi li a ghə̀ŋ.

2 Tèsàlonyà 2:14

Nyìngòŋ ə ndzàŋ li ghə̀ŋ chò fa a ntɨm ə jùŋ yi a yès ə shə̀ʼtə̀ a ghə̀ŋ ndi ghə̀ŋ vi ə boŋ kiʼ əghoʼ yì a Bobo vəghəŋ Yesò Klistò ə kiʼ.

1 Timotì 1:14

Bobo vəghəŋ ə ndiʼ li ətyɨm ə jùŋ ghə̀ wen à mò no nànto, ə ne la mà byɨmə à wen ə bè nkiʼ ə kòŋ a ghə̀ lu fà Yesò Klistò.

1 Timotì 1:3

A ndiʼ ando ma lu sə dyʉ̀ a əloʼ ə Macedonia, mà gaʼa a wù la wù faŋ tò a ntə̀ʼ Efesùs. Mà ə kəŋ la wu faŋ tò tsu ə kàyn la viʼi vətsenvə vi ghʉsə əziʼi ə kənwam yi a vəwenə ə ziʼi tsu lì.

2 Timotì 1:9

Nyìngòŋ ə mbwòŋsə̀ li vəghəŋ ə ne la vəghəŋ ə ndìʼ viʼi wen. Ghə̀ nko ne alə byìʼì ando vəghəŋ ə nè kənyʉ̀ kə jùŋ kə kətsenkə à wen. Ghə̀ ne a lì tò fa wen a ngeŋ byìʼì ətyɨm ə jùŋə̀ ghə̀. Ghə̀ ghʉ̀ kənyʉ̀ a kenkə mimbu no mbyi sə zìtə̀, la ghə̀ lu ne ənyʉ̀ a venə əcho fa Yesò Klistò ə diʼ ətyɨm ə jùŋ ghə̀ ə̀ wen.

2 Timotì 2:1

A dìʼ fà wù a wàyn ə ghom Timotì, wu diʼ ə nto cho fa ətyɨm ə jùŋ a Yesò Klistò a ghə̀ diʼi li à wù.

1 Bità 1:15

Ghə̀ŋ kɨli la Nyìngòŋ ghə̀ŋ a ghə̀ tə tsùʼtə ghə̀ŋ la ghə̀ŋ ə diʼ viʼi wen diʼ nə̀ laynə, ghə̀ŋ be diʼ ə̀ laynə no nyʉ̀ tsèm a ghə̀ŋ ə nè.

2 Bità 1:3

Nyìngòŋ ə ku li no tèbe ghò a vəghəŋ ə kəŋ ndiʼ vəghəŋ ə ntsi ntsìnə̀ ə laynə yì a ghə̀ kwʉ̀ʼ. Ghə̀ ku fo a venə chò fa kədyòʼ ə Nyìngòŋ a ji la ghə̀ nè li vəghəŋ sə kɨ Nyìngòŋ. Ghə̀ dzàŋə li vəghəŋ la və ntsi a ntìntìn əbayn ə ghoʼo ghə̀ ə Nyìngòŋ, jèʼè a jisə jùŋsə ə Nyìngòŋ.

Kəmwetə 22:21

Bobo Yesò ndiʼi ətɨm ə jùŋə ghə̀ nə̀ wen a viʼi Nyìngòŋ və tsèm. Amèyn.