Gàlesìyà 1:23 - The New Testament in the Babanki language

²³ Vəwenə ə nzhʉ̀ Nyʉ̀ to zhʉ̀ a viʼi ngàʼà kùmə̀ mò la, “Wìʼ yi a ghə̀ tə ntsuʼ kəghʉ kə vəghəŋ fa ambì lì ə bwensə li sə shə̀ʼtə̀ kənyʉ̀ kumə əbyɨmə yì a ghə̀ tə nkəŋə la ghə̀ mè.”

Gàlesìyà 1:23 ပူးပေါင်းရင်းမြစ်များ

Shwèʼ 19:13

Vəjew vətsenvə a və bè njèʼè dzɨ̀mə̀ shìsə zhwì byɨvə bè sə mwòmsə̀ ndzɨ̀mə̀ a zhiʼ Bobo Yesò. Vəwenə mbʉsə ndzɨ̀mə̀, vəwenə sə gàʼà la, “Ma gàʼà à ghə̀ŋ a zhiʼ Yesò yì a Bol ə̀ ziʼi byìʼì wen la, ghə̀ŋ fʉ fà wèn wìʼ ghèn.”

Shwèʼ 6:7

Kənyʉ̀ kə Nyìngòŋ kə mù sə sàykə̀ dyʉ̀ tò nə̀ mbì, viʼi və byɨməvə a Jelusalèm bè sə̀ ghoʼo dyʉ̀ tò nə̀ mbì. Vəpfèm və ngə̀ŋ Nyìngòŋ no vəghoʼo zhʉ ziʼi aghenə bè byɨmə.

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Shwèʼ 9:21

No viʼi vətsèm a və nzhʉ ando Saul ngàʼà ndìʼ nə̀ kaynə mù sə bèmə̀ la, “Gaʼa kò ghèn dìʼ wìʼ yì a ghə̀ tə nzhwilə̀ viʼi a Jelusalèm byìʼàndo vəwenə ghoʼsə̀ Yesò lo?. Gaʼa kò ghə̀ tə vì shyə̀ ə be nè tò ndə̀ŋndəŋ kənyʉ̀ a kèn, əghaʼtə viʼi vəbyɨməvə ədyʉ̀ ku à tʉtʉ və vəpfèm və ngə̀ŋ Nyìngòŋ lo?”

Shwèʼ 9:26

Andìʼ ando Saul nkuʼ ə̀ zaʼa a Jelusalèm, sə mwòmsə̀ la ghə̀ tsèntə̀ nòynə ndzɨ̀mtə̀sə bàm Yesò, alì kò vəwenə lù byɨmə la ghə̀ ndiʼ ndzɨ̀mtə̀ bàm Yesò. Vəwenə no vətsèm mfànə̀ wen.

Gàlesìyà 6:10

Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.