Gàlesìyà 1:16 - The New Testament in the Babanki language

¹⁶ A ndiʼ ando Nyìngòŋ ə nkòŋ ə diʼ Wàyn wen a mò ndiʼ mà shə̀ʼtə̀ ntɨm ə jùŋ kùmə̀ wen, a viʼi a nko diʼ viʼi Jus, ma nko dyʉ̀ ə bèm kənyʉ̀ a wìʼ.

Gàlesìyà 1:16 ပူးပေါင်းရင်းမြစ်များ

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Matìyò 26:41

Ghə̀ŋ ntsi kə̀ʼə̀ be jɨ̀mə̀ ndi la kə mwòmsə̀ à vì à ghə̀ŋ. Mà kɨ la tətyɨm təŋtə kòŋə̀ ənè kənyʉ̀ a mà gàʼà alì təwen təŋtə bwaʼa.”

Shwèʼ 22:21

Bobo bè gàʼ à mò tò la, ‘Lu, byìʼàndo ma tɨm wù no kəghaf à viʼi tɨm.’”

Shwèʼ 5:42

Vəwenə mù faŋ ə̀ sə shə̀ʼtə̀ ntɨm ə jùŋ byìʼì Yesò Klistò tò mətsi ntsèm a ngə̀ŋ Nyìngòŋ bènə̀ a aloʼ viʼi.

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 11:13

Mà sə gaʼa a ghə̀ŋ viʼi ətɨm luwen. Ghə̀ŋ kɨli la ma diʼ wù ə ntɨm a Nyìngòŋ ə tsuʼ la mà ə̀ shə̀ʼtə̀ kənyʉ̀ kə wen a ghə̀ŋ, ma diʼ nə̀ saŋlə kumə ə shwèʼè na ghenə.

1 Kolìntyàns 15:50

Kənyʉ̀ ki a ma gàʼà a vəlemə vwomə diʼ la, wìʼ ko lu yenə əfòynə Nyìngòŋ nə̀ kətsoʼ kə wèn kenkə, kəfo kì a kə fwè zizi ko kə lu kiʼi kəfo ki a kə ko lu fwè.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

2 Kolìntyàns 5:16

Ə zìtə̀ fa luwen, yès ko be a nlyè wìʼ fa ji yi a viʼi mbyi lyè fa tsu. Kə diʼ to no nəmwèʼè la, yès ə nlyè Yesò a ji a ghèn, ali sə diʼ ko yès mbe nlye ali.

Gàlesìyà 2:1

A ndiʼ abàm ə ngʉ̀ʼsə njʉ̀sə̀ kàʼ, ma be bwenə kuʼ a Jelusalèm yo Bànabàs. Ma mbe lyɨ Taytùs.

Efisyàns 3:1

A diʼ to byìʼì ntsèntə̀ ə vəghəŋ a ghèn a ma jɨ̀mə̀ a Nyìngòŋ ə kùmə̀ ghə̀ŋ. Ma diʼ wù ə nfɨŋ byìʼì shwèʼ yì a Yesò Klistò kù a mò la mà ə shə̀ʼtə̀ ntɨm ə jùŋ a ghə̀ŋ viʼi ətɨm.

Efisyàns 6:12

Ghə̀ŋ ne alə byìʼì ando vəghəŋ ko ə soynə tebè viʼi. Vəghəŋ ə boŋsə soynə əzhwì byɨvə vi a və diʼ a akàŋ nə̀ adyòʼ vi a və soʼo mbyi ghèn no ə tsèm nə̀ Vənyìngòŋ və mbyi a vəghəŋ diʼ tsu le, a və diʼ to nə̀ kəbəŋ kə fənəkə lə.

1 Tèsàlonyà 2:16

a ji la vəwenə tə ə mwomsə ə tàʼsə la kə yès shə̀ʼtə̀ ntɨm ə jùŋ a viʼi kətɨm ndi ghə̀ nè Nyìngòŋ ə bwoŋsə vəwenə. Vəwenə nè li to mbyɨsə alə sə kuʼ nkwʉʼ. Tinə Nyìngòŋ ə fwi li, ghə̀ sə diʼi ə diʼ kənyʉ̀ a vəwenə luwen!

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

2 Timotì 1:11

Nyìngòŋ ə ntsuʼ mò la mà ə ndiʼ wù ə ntɨm, shə̀ʼtə̀ ntɨm ə jùŋ a ghèn, bè ziʼi viʼi.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.