Gàlesìyà 1:10 - The New Testament in the Babanki language

¹⁰ Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

Gàlesìyà 1:10 ပူးပေါင်းရင်းမြစ်များ

Matìyò 22:16

vəwenə mù tɨm ndzɨ̀mtə̀sə bàm vəwenə sətsensə bènə̀ viʼi shwèʼ Helòd vətsenvə gàʼà la vəwenə dyʉ̀ gàʼà Yesò la, “Ndìʼsə̀, yès kɨ la wù gàʼà tò nəmwèʼè, ziʼi tò kənyʉ̀ à diʼ tò kənyʉ̀ kə nəmwèʼè byìʼì Nyìngòŋ, kènla wù fwaynə təkwòʼtə̀ tə viʼi byìʼàndo à dìʼ à wù viʼi vətsèm diʼ tò ndə̀ŋndəŋ.

Matìyò 28:14

Gumnà sə tsèn zhʉ̀ kənyʉ̀ akì yès a kɨ̀ ji tomsə shə̀ʼtə̀ à wen ndi chiʼi wen kə ghə̀ŋ à kwen a ngəʼ”

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Shwèʼ 12:20

Tin Helòd mfwi no nànto a wèn viʼi Tayà bènə̀ Sidòn. Və tsuʼ viʼi fa ntə̀ʼsə asènsə la vəwenə dyʉ̀ ə̀ sènsə Helòd la mbwaʼmə̀ ndiʼ byìʼàndo fozhɨvə vəwenə no tsèm mfʉ̀ tò fa loʼ Helòd. Vəwenə ncho mbì ə̀ dyʉ̀ yèn Blastus a ghə̀ ndiʼì kətʉ kə viʼi shwèʼ a ntuʼ fòyn Helòd, la ghə̀ shɨtə̀ kənyʉ̀ akì à vəwenə.

Shwèʼ 5:29

Bità wenə̀ viʼi ntɨm ə̀ Yesò vətsenvə vi bwènsə̀ la, “Yès diʼ nzhʉ tò fà Nyìngòŋ, yès ko diʼi nzhʉ fà viʼi.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 2:29

Nkàyntə̀ wu ə Jus ashɨ Nyìngòŋ ə diʼ byìʼì ntsìnə̀ wen. Ə shətə ndyə̀ a ji nəmwèʼè, diʼ a wu a tyɨm, a diʼ shwèʼè kəzhwì, a kodiʼ əsoʼ yì a və nyòʼ. Nkàyntə̀ wu ə Jus na ghèn diʼ, a bwomsə Nyìngòŋ bwomsə wen, a ko bwomsə viʼi.

Lumans 2:8

Ghə̀ lu soʼ viʼi vyi a və kəŋ to kənyʉ̀ ngeŋsə ə vəwenə, ko və lu zhʉ kənyʉ̀ ki a kə diʼi nəmwèʼè ali kòŋ to ndzɨ̀ŋ. Ghə̀ lu soʼ vəwenə ə diʼ tin ə fwi ə wen a vəwenə.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

2 Kolìntyàns 12:19

Ghə̀ŋ kwòʼtə la yès nyoʼtə nyʉ̀ venə alə byìʼì ando yès ə kəŋ ntaŋ ə chʉ̀ yèsə laynə a ghə̀ŋ ashɨ mu? Jòʼ! yès ə gaʼa to nə̀ viʼi Yesò ashɨ Nyìngòŋ. Yès sə gaʼa nyʉ̀ a venə a ghə̀ŋ no ətsèm alə̀ to byìʼì ando yès ə kòŋ ghə̀ŋ, kəŋ la ghə̀ŋ nkwi a jisə yi a Nyìngòŋ ə kəŋ fa tsu a vəlemə.

Efisyàns 6:6

Kə ghə̀ŋ a zhʉ fa vəwenə to azhʉ̀ a və yenə ghə̀ŋ byìʼì ando ghə̀ŋ kəŋ la və ə kɨ la ghə̀ŋ shwèʼè akàyn. Ghə̀ŋ ə̀ zhʉ to fa vəwenə to nə̀ viʼi shwèʼ ə Klistò, to ndə̀ŋndəŋ ando Nyìngòŋ ə kəŋ.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Kòlòsyàns 3:22

Ghə̀ŋ viʼi vi a ghə̀ŋ shwèʼè to ne əkosə, ghə̀ŋ zhʉ fa vətìʼ və əshwèʼè ghə̀ŋ vi a və diʼi a nse no nyʉ̀ ə tsèm. Kə ghə̀ŋ ne kənyʉ̀ azhʉ̀ a ghə̀ŋ kəŋ la vəwenə yen ə kòŋ ghə̀ŋ. Ghə̀ŋ nshwèʼè nə̀ tyɨm ə ghəŋə no tsèm to nə̀ viʼi vyi a və əfwaynə Nyìngòŋ.

1 Tèsàlonyà 2:4

Yes ə mbòŋsə̀ gaʼa to ando Nyìngòŋ ə kəŋ byìʼì ando ghə̀ tə ə tsuʼ yes la yes shə̀ʼtə̀ ntɨm ə jùŋ ghèn, ko yes lu shə̀ʼtə̀ tebè fa ji yi a viʼi kəŋ. Yes ə shə̀ʼtə̀ ə nè la Nyìngòŋ ə saŋlə byìʼì ando ghə̀ kɨli tətyɨm təŋtə.

Jems 4:4

Viʼi venə a vəwenə ko ghʉ tətyɨm tə vəwenə à Nyìngòŋ lə̀, ghə̀ŋ ə be kò kɨ̀ la wìʼ a ghə̀ kòŋə̀ fo nse dìʼ wù kəbàyn à Nyìngòŋ? Kə lì dìʼì la no ndò a ghə̀ kòŋə̀ ndiʼ ndoŋ wenə̀ fo nse dìʼ wù kəbàyn ə̀ Nyìngòŋ.

1 Joyn 3:9

No ndò a ghə̀ diʼì wàyn Nyìngòŋ ə ko nè ne mbyɨ byìʼàndo ghə̀ kìʼ ntsìnə̀ Nyìngòŋ, ko ndiʼ la ghə̀ zì ghə̀ ne mbyɨ byìʼàndo Nyìngòŋ dìʼ tìʼ ə wen.