Filimùyn 1:10 - The New Testament in the Babanki language

¹⁰ Ma sensə la wù diʼi tyɨm ə jùŋ ghə̀ a Onesimùs a ghə̀ sə diʼ a mò to nə̀ wàyn ə ghom. Ando mà diʼ a ngə̀ŋ nfɨŋ a shə lə ghə̀ tə vi ma gyàmtə̀ wen ghə̀ byɨmə Yesò.

Filimùyn 1:10 ပူးပေါင်းရင်းမြစ်များ

Ŋwàʼlə̀ Mak 9:17

Wutsen fà tì nòyn yi gàʼ la, “Ndìʼsə̀, mà vì nə̀ wàyn wulɨm mò à ghə̀ kiʼ kəzhwì kə byɨkə kə sə nè la ghə̀ ndiʼ jɨ.

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

1 Kolìntyàns 4:14

Ma ko nyoʼo tebè nyʉ̀ venə alə̀ ndi diʼsə kətʉ kəŋkə̀, ma boŋsə nyòʼtə̀ ə ziʼi ghə̀ŋ to nə̀ vunə əkòŋ ə mò.

1 Kolìntyàns 4:15

Ghə̀ŋ nkiʼi tebe viʼi a və tuʼu, tyɨftə ghə̀ŋ kumə Yesò, və taŋtə lè ali ghə̀ŋ kiʼ to Tìʼ ə mùʼ. Mà sə diʼ mù ma vi li to nə̀ tìʼ a ghə̀ŋ a kənyʉ̀ ə Yesò Klistò chò fa ntɨm ə jùŋ ə wen yì a ma nziʼi ghə̀ŋ tsu.

Gàlesìyà 4:19

Vunə vwomə və juŋəvə, ma zhʉ̀ lɨ̀m kumə ghə̀ŋ to no ando luwàyn nə̀ azhʉ̀ lɨm ə wàyn. Ma ne nzhʉ lɨ̀m to alə ə zaʼa ando ghə̀ŋ ne ntsi ntsìnə̀ to nə̀ Klistò.

Kòlòsyàns 4:9

Ghə̀ vi wenə Onesimùs ə lèmə̀ vəghəŋ yi à diʼ tamə wù ənòyn nə̀ ghə̀ŋ. Ghə̀ diʼ tamə wù ə byɨmə ə jùŋə, yes ə kòŋ wen no nànto. Vəwenə ne shə̀ʼtə̀ no tèbe ghoʼ yi a ghə̀ nfʉ̀ ashə.

1 Timotì 1:2

Mà nyòʼo ŋwàʼlə̀ ghèn à wù a Timotì. Wù dìʼ to no ə nkàyntə̀ wàyn a mo byìʼì ando yowù ə kiʼ tò byɨmə ə mùʼ. Nyìngòŋ Tìʼ, wenə Yesò Klistò, ə Bobo vəghəŋ ə diʼi ətyɨm jùŋ ghə̀, nə̀ əkusə shinsə, bè nè wù ntsi nə̀ mbwaʼmə.

Taytùs 1:4

Mà nyòʼò à wù a Taytùs. Wù dìʼ no nkàyntə̀ wàyn ghom byìʼàndo yowù kìʼ tò byɨmə mùʼ. Nyìngòŋ wenə̀ mbwòŋsə̀ vəghəŋ ə Yesò Klistò a dìʼ ətyɨm ə jùŋ ghə̀ à wù ə ne la wu ntsi tò nə̀ mbwaʼmə̀.

Filimùyn 1:11

A tə ndiʼ fa ambì, ghə̀ diʼ to nə̀ kəfo kəmaʼakə a wù, ali luwen sə diʼ, ghə̀ diʼ to no wìʼ a ghə̀ gyàmtə̀ yowù.

Filimùyn 1:13

Ma zizi mà ə koŋə ghʉ̀ la ghə̀ faŋ to ashə ndiʼ ghə̀ lyɨ̀ kəshi ə kyəkə ə gyàmtə̀ mò, ando mà sə diʼ a ngə̀ŋ nfɨŋ lə byìʼì ando ma tə nshə̀ʼtə̀ ntɨm ə jùŋ,

3 Joyn 1:4

No kənyʉ̀ kətsenkə ko diʼ a kə zì kə ne mà be ə ntùʼù saŋlə̀ ə chò ando ma zhʉ li la vunə vwomə tsi a nəmwèʼè.