Filìbàyns 4:3 - The New Testament in the Babanki language

³ Mà gaʼa à wù a ma ghʉ ə tyɨmə ghomə a wù a yowù tsentə̀ ə̀ shyèʼ a muʼu, Mà kəŋ la wù gyamtə ki venə byìʼe yo vəwenə nshə̀ʼtə̀ ntɨm ə jùŋ amuʼ əboʼsə nə̀ Clemèn bènə̀ viʼi vətsenvə a təzhiʼ tə vəwenə sə̀ diʼ a ŋwàʼlə̀ əbwòŋ.

Filìbàyns 4:3 ပူးပေါင်းရင်းမြစ်များ

Ŋwàʼlə̀ Luk 10:20

Alì kə ghə̀ŋ à nsaŋlə̀ la zhwì byɨvə zhʉ fà ghə̀ŋ, ghə̀ŋ mbòŋsə saŋlə la və nyoʼli təzhiʼ təŋtə a ŋwàʼlə̀ Nyìngòŋ a kàŋ.”

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 16:12

Ghə̀ŋ toŋtə Tìfenà wenə Tìfosà, ə viʼi ə shyèʼ ə Bobo, ə tòŋtə Besìs, ə lèmə̀ vəghəŋ ə jùŋ. Ghə̀ shyèʼ li a Bobo no nànto.

Lumans 16:9

Ghə̀ŋ toŋtə Obanùs a vəghəŋ vəwenə tsèntə shyèʼ a Yesò benə wùndoŋ ghom Sɨ̀takìs.

Filìbàyns 1:12

Vəlemə, ma kəŋ la ghə̀ŋ kɨ la nyʉ̀ venə a və fʉ̀ a mò boŋsə gyamtə ə ne la ntɨm ə jùŋ ə dyʉ̀ nə̀ mbì.

Filìbàyns 1:16

Viʼi a venə a və shə̀ʼtə̀ ətɨm ə jùŋə nə̀ tyɨmə jùŋ ghə̀ lə̀, əshəʼtə byìʼì ando vəwenə kòŋ mo, kɨ la və shwin mò a ngə̀ŋ nfɨŋ byìʼì ando ma ti nchwò nsòʼ kumə ntɨm ə jùŋə ghə̀ Nyìngòŋ la ghə̀ diʼ nəmwèʼè.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Filìbàyns 1:5

Ma kù kəzòŋ alə̀ byìʼì ando ghə̀ŋ gyàmtə̀ li mò ə shə̀ʼtə̀ ntɨm ə jùŋ ghèn ə zìtə̀ fa kətsi yi a ghə̀ŋ zhʉ ntɨm na ghèn ə zàʼa fa layn.

Filìbàyns 1:7

Mà zizi ko ma lu faŋ ke ə̀ ku to alə kumə ghə̀ŋ və tsèm byìʼì ando ma kòŋ ghə̀ŋ nəkwoŋ. Nyìngòŋ ə tom li kəvu, vəghəŋ sə ə̀ shyèʼ to muʼ, kò ma diʼ a nfɨŋ, kò ma ti nchwò nsòʼ kumə ntɨm ə jùŋ. Nyìngòŋ diʼi li ətyɨm ə jùŋ ghə̀ ə wen a vəghəŋ no vətsèm ando vəghəŋ ə shwèʼ a wen.

Filìbàyns 4:2

Ma sensə la Euodiyà wenə̀ Syntychè ə ndiʼ a kənyʉ̀ kə mùʼ byìʼàndo ghə̀ŋ dìʼ vəlèmə̀ a byɨmə.

Kòlòsyàns 1:7

Ghə̀ŋ nziʼi ntɨmə jùŋə na ghèn fa Èbafàlàs. Yès əkòŋ wen no nànto yo wen tsentə shwèʼè a Yesò. Ghə̀ shwèʼè a Klistò nə̀ tyɨmə wenə no tsèm. Ghə̀ shwèʼè ə shwèʼ a yès tə ndiʼ nshwèʼè.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”

Kəmwetə 20:12

A zhʉ a yi ma mu yen viʼi a və mpfʉ̀kəli, viʼi a ndiʼ ngesə̀ viʼi nə̀ vi a nko diʼ ngesə̀ viʼi ando vəwenə nti a shɨ kəfwoyn. Və nboʼli vəŋwàʼlə̀, ə be jisə boʼ ŋwàʼlə̀ tsen a ndiʼ ŋwàʼlə̀ bwòŋ. Və nsoʼli viʼi a və npfʉ̀ kə li a nyʉ a vəwenə ə ne ando və nyoʼo a ti vəŋwàʼlə̀ a vi.

Kəmwetə 20:15

Və ə maʼ li no ndo a zhiʼ wen nko diʼ a ti ŋwàʼlə̀ bwoŋ a nkwoŋ zhìʼ.

Kəmwetə 21:27

Kəfo kə ko lu kwen tebè ati ntə̀ʼ na ghèn, ko kə laynə. Wìʼ la ghə̀ nè nyʉ̀ kəməŋ kò wìʼ dzɨŋ lu kwen tebè tsu. A lu nə̀ kwen to viʼi vyi a və nyoʼo li təzhiʼ tə vəwenə a ŋwàʼlə̀ əbwòŋ nə̀ We Njɨ̀.

Kəmwetə 3:5

Və lu lafsə no ndò yì a ghə̀ lu soyn ə̀ zhɨ mbyɨ nə̀ ndisə fəfəsə, ko ndiʼ la mà lu tsəʼsə̀ zhiʼ ə wen fa ŋwàʼlə̀ ə̀bwòŋ. Mà lu tɨmə gàʼ to ndayn la mà kɨ wen a shɨ Tìʼ ə ghom wenə̀ ntsɨ̀ŋsə wen.