Filìbàyns 4:17 - The New Testament in the Babanki language

¹⁷ Mà ko gàʼà a lə̀ la mà be kəŋə la ghə̀ŋ ku kəfo à mò, mà bòŋsə̀ kəŋə la Nyìngòŋ kwʉʼsə̀ mòʼtə̀ ə ghəŋə.

Filìbàyns 4:17 ပူးပေါင်းရင်းမြစ်များ

Joyn 15:16

A ko tə tsuʼ ghə̀ŋ tsuʼ mo. A tə lù mò tsuʼ ghə̀ŋ ə tɨm la ghə̀ŋ dyʉ̀ ə kumə ashɨ, a diʼ a yi a ghə̀ zizi ghə̀ tsi faŋ. Ghə̀ŋ nè ali, Tìʼ ghom a ku no tèbe ghò yi a ghə̀ŋ bèmə fa wen chò fa mo azhiʼ.

Joyn 15:8

A ndiʼ a azhʉ̀ a ghə̀ŋ kumə ashɨ to kədə̀ŋ, diʼi la ghə̀ŋ diʼ ndzɨ̀mtə̀sə bàm ə mo, no mbyi ə tsèm yen kədyòʼ kə Tìʼ ghom.

Lumans 15:28

Ma dyʉ̀ yen vəwenə ə ku əko na ghenə no zhʉ̀ ko ə sə dyʉ̀ a Sɨ̀ben ə chò ghayntə ghə̀ŋ mibu dyʉ̀.

2 Kolìntyàns 11:16

Mà bo kùmtə̀ to kùmtə̀ la kə ghə̀ŋ a kwoʼtə la ma diʼ kəkoyn, ali ghə̀ŋ ndiʼ ə lyɨ̀ mo a nə̀ kəkoyn kə, ghə̀ŋ moʼtə ma boŋ gàʼ to kəkoyn a fəshinə fə əzhʉ̀ alə ndiʼ nkàyntə̀ mò nsaŋlə̀.

2 Kolìntyàns 9:5

A le kənyʉ̀ kì a mà tə yen la kə bòŋ la mà gaʼa vəlemə venə vi ə yèn ghə̀ŋ ambì, wye vəwenə nè mwetə baʼtə̀ kumə kəku ki a ghə̀ŋ tə mbaʼtə̀, ə diʼ la à kòŋ to no ghə̀ŋ ə ku ko andiʼ la və kwiʼi ghə̀ŋ kwiʼi.

Filìbàyns 1:11

Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.

Filìbàyns 4:11

Mà ko gàʼà nakènkə luwèn byìʼàndo ma gho kəfo. Mà ziʼi li ə ntsi tò nə̀ kikə a mà kiʼì

1 Tèsàlonyà 2:5

Ghə̀ŋ kɨli la yes əko vi a ghə̀ŋ ə gàʼa gaʼa kənlobtə no faphen. Nyìngòŋ ə kɨ no nəmwèʼè la yes ə nko shə̀ʼtə̀ ntɨm ə jùŋ a ghə̀ŋ la ghə̀ŋ ku kəfo kətsenkə a yes.

1 Timotì 3:3

A ko diʼ ə ndi wìʼ a ghə̀ nyʉ məlyʉ̀ʼ bomə, ko ghə̀ zəʼtə viʼi, ghə̀ ko ne nyʉ̀ to kəntolə̀, ko ghə̀ diʼ wù kəŋ nsoʼo, ko wù ntaŋ, ashɨ ə wen ə ko diʼ mbò a ko.

1 Timotì 6:10

Viʼi vi a və kòŋ əko ə zaŋsə kwenə a mbyɨ. Viʼi vətsenvə nyɨŋ li nchosə fa ayi abàm, ə maʼa əbyɨmə vəwenə ə sə kiʼi ngəʼsə ghoʼo sə a vəwenə tətyɨm.

Taytùs 1:7

Ando kətʉ a ngə̀ŋ Nyìngòŋ dìʼ wù shwèʼ Nyìngòŋ, ghə̀ diʼ ndiʼ wìʼ a viʼi ko ghàmə̀ wen. Ghə̀ ko diʼ ə nzəʼtə̀ viʼi ko be dzàŋsə̀ fwisə̀ tin. Ghə̀ ko diʼ ə nyʉ məlyʉ̀ʼ bomə̀ ko be nè nyʉ̀ to kətolə̀. Ashɨ wen ko diʼ mbàŋə̀ a ko.

Taytùs 3:14

Viʼi və byɨməvə vəghəŋ diʼ əmwòmsə̀ ənè tò ənyʉ̀ juŋəvə, kiʼ ə̀fo, vəwenə ngyàmtə̀ viʼi a vəwenə ko kiʼ. Kə vəwenə à ntsi ntsìnə̀ a ghə̀ ko kiʼ əse.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.

2 Bità 2:15

Vəwenə moʼtə li ji ə jùŋ sə jèʼe fa ji ə̀ Balàm, ə wàyn Beyò yi a ghə̀ ə kòŋ əko yi a ghə̀ ə nkiʼ, fa nyʉ̀ ə byɨvə vyi a ghə̀ nè.

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!

Ŋwàʼlə̀ Jud 1:11

Ngəʼ ə ghoʼo ə diʼ a vəwenə a kətʉ! Vəwenə ə tsi tò ntsìnə̀ yì a Keyn ə ntsi ə zhwi lèmə̀ wen. Vəwenə ə nyɨŋə to fa bàm əko ando Balàm ə nyɨŋə. Vəwenə nto kətʉ ə tyen ə zhʉ Nyìngòŋ to nə̀ Kolà, ghə̀ sə diʼ ə byɨbsə vəwenə to ando ghə̀ ə mbyibsə Kolà.