Filìbàyns 3:8 - The New Testament in the Babanki language

⁸ A ko diʼ to Wokèn. Mà yenə luwèn la ənyʉ̀ avenə tə nsù diʼ kənlè byìʼàndo kənyʉ̀ kə tokə à mò dìʼ la mà diʼi kɨ Yesò Klistò ə Bobo ə̀ ghom. Mà maʼà li no tè ghò a mà tə nè. Ma yen li luwen la a diʼ kəmɨ̀ŋ ndi ə ndiʼ wù Klistò

Filìbàyns 3:8 ပူးပေါင်းရင်းမြစ်များ

Ŋwàʼlə̀ Luk 1:43

Ma lè diʼ no ndo a li Bobo ghom vi ghayntə mo a?

Ŋwàʼlə̀ Luk 11:20

A kù Nyìngòŋ ku adyòʼ la mà dzɨ̀mə̀ zhwì byɨvə a venə. Kə lì dìʼì la soʼ fòyn Nyìngòŋ vì li à ghə̀ŋ.

Joyn 14:20

A lə ndiʼ a kətsi na yi a mà bwenə vì a ghə̀ŋ, ghə̀ŋ kɨ la yo Tìʼ ghom diʼ a kənyʉ̀ kə mùʼ, vəghəŋ ə be diʼ a kənyʉ̀ kə mùʼ.

Joyn 14:7

Ghə̀ŋ sətsèn ə shɨtə kɨ mò, ghə̀ŋ ne boŋ kɨ Tìʼ ghom. Ə zìtə̀ fa luwen ə dyʉ̀ ambì, ghə̀ŋ sə kɨ wen, mu ghə̀ŋ yen li wen.”

Joyn 16:3

Viʼi ə nà nè nyʉ̀ a venə a ghə̀ŋ byìʼàndo vəwenə ə ko kɨ mo, ko və kɨ Tìʼ.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 17:8

byìʼì ando mà shə̀ʼtə li ntɨm ə wù yì a wù tə ku la mà ku a vəwenə, vəwenə zhʉ̀, ə byɨmə. Vəwenə tə ə kɨ nəmwèʼè la mà lù fa wù ben, byɨmə la à tɨm wù ntɨm mo.

Joyn 20:13

Ntsɨŋsə na shisə bèm a Mèli la, “Wù dì gho a ə wùwì?” Ghə̀ bwensə ə gàʼ la, “Və lyɨ̀ li Bobo ghom, ma ko kɨ la və ghʉ̀ wen fè lo?”

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Lumans 8:18

Ma ko lyɨ tebè la ngəʼ ghèn a vəghəŋ ə yen luwen ko diʼ kənyʉ̀ kə tsen kə ə shəʼmə nə̀ əghoʼ yì a Nyìngòŋ ə lu ku a vəghəŋ.

Lumans 8:39

kò à diʼi mbi yì a ghə diʼ akàŋ kò à diʼ yi a kə diʼ a ti ə nse, la no kəfo kə tsenkə zizi ko kə lu ə ghəsə vəghəŋ fa kòŋ yi a Nyìngòŋ ə diʼi li chò fa kənyʉ̀ yi a Bobo vəghəŋ Yesò Klistò ə nè a vəghəŋ.

1 Kolìntyàns 2:2

Ma ndiʼ mu ma nghʉ̀ li la mà ko ba ə kwoʼtə kənyʉ̀ kətsen kə ando ma diʼ a ghə̀ŋ a ntìntìn, a bwen to ə ngàʼà kumə Yesò Klistò, nə̀ əpfʉ̀ ə wenə a kəntò.

1 Kolìntyàns 9:10

Kə diʼ nəmwèʼè la ghə̀ gàʼa kumə vəghəŋ byìʼì ando wù ə shwèʼè nə̀ we ghə̀ tsen pfì, vəwenə kɨ nəmwèʼè la vəwenə na kiʼi əfo ə zhɨvə ə zhɨ̀ a vəwenə a ntìntìn.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Gàlesìyà 1:16

A ndiʼ ando Nyìngòŋ ə nkòŋ ə diʼ Wàyn wen a mò ndiʼ mà shə̀ʼtə̀ ntɨm ə jùŋ kùmə̀ wen, a viʼi a nko diʼ viʼi Jus, ma nko dyʉ̀ ə bèm kənyʉ̀ a wìʼ.

Efisyàns 4:13

Ə zàʼa ando vəghəŋ vətsèm lù tsèntə ndiʼ to a kənyʉ̀ kə mùʼ a vəghəŋ əbyɨmə ə be kɨ byìʼì wàyn Nyìngòŋ. Ndi vəghəŋ ə kwʉ̀ʼ mwetə a ji a Klistò diʼ.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Filìbàyns 3:10

Mème kənyʉ̀ a mà kəŋə dìʼ la mà kəŋə kɨ Klistò ə be kiʼ kədyòʼ kì a Nyìngòŋ ə̀ nku à wen ghə̀ lù fa pfʉ, mà kəŋə yen ə ngəʼ to nè wen ə be pfʉ to nè wen.

Filìbàyns 3:12

Mà ko gàʼà la mà kwʉʼʉ̀ li a kənyʉ̀ akènkə, ko la ma tɨmə ə nkwʉʼ alì la mà mwòmsə̀ no nə̀ kədyòʼ kə əkɨ Yesò Klistò ə be ə ndiʼ to nə̀ wen byìʼàndo à dìʼ kənyʉ̀ a ghə̀ ntsuʼ mo la ə ma ndiʼ wù wen.

Filìbàyns 3:7

Ənyʉ̀ avenə no tsèm ndiʼ sə a ndiʼ sè, mà lyɨ̀ luwèn la a dìʼ kənlè byìʼì əshwèʼ Klistò.

2 Timotì 4:6

Mà kòŋ la wù ə nè tò alə̀ byìʼì ando ma diʼ mu à faŋ tò fə shitə fə ə zhʉ alə ə Nyìngòŋ lyɨ̀ mò a nə̀ kəku kə. Əzhʉ ə pfʉ ə mò boʼsə li.

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

1 Bità 2:7

A diʼ a ghə̀ŋ vi a ghə̀ŋ byɨmə li, ngùʼ na ghèn ə boŋ no nànto, ali a diʼ a viʼi vyi a və ko byɨmə mu: “Ngùʼ na yì a viʼi kə mbwom nə̀ ə temə maʼa kaʼkə li a ngùʼ bù ə ngə̀ŋ.”

2 Bità 1:2

Nyìngòŋ ə ndiʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ byìʼì ando ghə̀ŋ kɨli wen be kɨ Bobo vəghəŋ Yesò Klistò.

2 Bità 1:3

Nyìngòŋ ə ku li no tèbe ghò a vəghəŋ ə kəŋ ndiʼ vəghəŋ ə ntsi ntsìnə̀ ə laynə yì a ghə̀ kwʉ̀ʼ. Ghə̀ ku fo a venə chò fa kədyòʼ ə Nyìngòŋ a ji la ghə̀ nè li vəghəŋ sə kɨ Nyìngòŋ. Ghə̀ dzàŋə li vəghəŋ la və ntsi a ntìntìn əbayn ə ghoʼo ghə̀ ə Nyìngòŋ, jèʼè a jisə jùŋsə ə Nyìngòŋ.

2 Bità 1:8

Ghə̀ŋ ə sətsen ə kwi to kwi a ghə̀ŋ a ntsìnə̀sə a ji na ghèn, ghə̀ŋ a ne nyʉ̀ to ndə̀ŋndəŋ, be kuʼmə, ghə̀ŋ a diʼ la mə kɨ yì a ghə̀ŋ kɨli Bobo vəghəŋ Yesò Klistò ə ko le to kədyàŋ.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.

1 Joyn 1:3

Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.