Filìbàyns 3:3 - The New Testament in the Babanki language

³ A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Filìbàyns 3:3 ပူးပေါင်းရင်းမြစ်များ

Lumans 1:9

Ma jɨ̀mə̀ a ghə̀ŋ to məzhʉ̀ ə ntsèm. Nyìngòŋ ghèn a ma shyèʼ a wen nə̀ ətyɨm ə ghomə no tsèm, shə̀ʼtə̀ ntɨm ə jùŋ kumə Wàyn, ghə kɨ kənyʉ̀ kenkə a ma gàʼ lə̀.

Lumans 15:17

Yo Yesò Klistò diʼ to kənyʉ̀ kəmùʼ, à lə kənyʉ̀ kì a kə nè la mà ə nàynə̀ kumə shwèʼè yì a ma nè a Nyìngòŋ.

Lumans 7:6

Luwen sə diʼ Əsoʼ ə ko be kiʼ kənyʉ̀ ə nè nə̀ vəghəŋ byìʼì ando vəghəŋ sə diʼ alə̀ sə və pfʉkə li a əsoʼ na ghèn a vəghəŋ ə shyèʼ nfɨŋ tsu. Vəghəŋ ko be nè tebè shyèʼ ə Nyìngòŋ a ji ə mu yi a və tə nè fa tsu, shyèʼ akwi kənyʉ̀, mu və nyoʼ a soʼ. Vəghəŋ sə boŋsə shyèʼ a ji ə fi yi a kəzhwì kə Ŋwoʼkə ə diʼi a vəghəŋ.

Lumans 8:15

Nyìngòŋ ə nko ku kəzhwì kə fwaynə a ghə̀ŋ ə kə kaʼsə ghə̀ŋ a əkòs. Nyìngòŋ ə ku kəzhwì la kə nè, ghə̀ŋ ə boŋsə diʼ vunə wen, a diʼ kəwenkə a kə kù adyòʼ la vəghəŋ ə dì a Nyìngòŋ, toŋtə Nyìngòŋ la, “Bàba! Tìʼ yès!”

Lumans 8:39

kò à diʼi mbi yì a ghə diʼ akàŋ kò à diʼ yi a kə diʼ a ti ə nse, la no kəfo kə tsenkə zizi ko kə lu ə ghəsə vəghəŋ fa kòŋ yi a Nyìngòŋ ə diʼi li chò fa kənyʉ̀ yi a Bobo vəghəŋ Yesò Klistò ə nè a vəghəŋ.

Lumans 9:6

Ma ko gaʼa alə ə fʉ̀ la Nyìngòŋ ə ko ə ne kənyʉ̀ ki a ghə̀ ə ghʉ̀. Jòʼ, Kə diʼ la, à ko diʼ viʼi Islel və tsèm a Nyìngòŋ ə tsuʼ a viʼi wen.

2 Kolìntyàns 11:18

Ando nghoʼo viʼi ghaŋsə wen byìʼì fo mbyi, nkàyntə̀ mò ə be a nghaŋsə wen.

Gàlesìyà 5:25

Luwen to ando vəghəŋ sə tsì byìʼì Kəzhwì kə Ŋwoʼkə lə, vəghəŋ diʼ ne to nyʉ̀ vyi a kə kəŋə la vəghəŋ ə nè.

Gàlesìyà 6:16

Nyìngòŋ ne viʼi vyi a və tsi to ando ma gaʼa, no tebe a viʼi Nyìngòŋ no və tsèm. Ntsìnə̀ mbwaʼmə, be kusə shinsə a vəwenə,

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Filìbàyns 3:12

Mà ko gàʼà la mà kwʉʼʉ̀ li a kənyʉ̀ akènkə, ko la ma tɨmə ə nkwʉʼ alì la mà mwòmsə̀ no nə̀ kədyòʼ kə əkɨ Yesò Klistò ə be ə ndiʼ to nə̀ wen byìʼàndo à dìʼ kənyʉ̀ a ghə̀ ntsuʼ mo la ə ma ndiʼ wù wen.

Filìbàyns 3:14

Mà shwèʼè dyʉ̀ tò nə̀ mbì ndi ə kiʼi zhùʼtə̀ yi a Nyìngòŋ ə dzàŋə̀ mò fa kaŋ ə chò fà Yesò Klistò.

Kòlòsyàns 2:11

Və nshɨtə li ghə̀ŋ ando ghə̀ŋ nsə diʼ a kənyʉ̀ kə mùʼ vye vəwenə. Əshɨtə na ghenə ko diʼ yi a viʼi nə̀ shɨtə ne kəvu kə. A diʼ yi a Klistò ə shɨtə, ə shisə ətyɨm ə byɨghə fa ghə̀ŋ wen.

Ŋwàʼlə̀ Jud 1:20

Alì, a diʼ fa ghə̀ŋ a ndoŋ shomsə jùŋ sə, ghə̀ŋ diʼ ngyàmtə̀ təwen ə təŋtə, kwi a ghə̀ŋ a əbyɨmə, a diʼ əbyɨmə a ghə̀ laynə kwʉ̀ʼ. Ghə̀ŋ ne sə njɨ̀mə̀, ghə̀ŋ njɨ̀mə̀ a kədyòʼ kə kəzhwì kə Ŋwoʼkə.