Filìbàyns 3:20 - The New Testament in the Babanki language

²⁰ Alì fà vəghəŋ, vəghəŋ ə kɨ la ə̀ loʼ ə vəghəŋ ə diʼ akàŋ. Adìʼ fa tsu a vəghəŋ ə kə̀ʼtə̀ mbwòŋsə̀ vəghəŋ ə Bobo Yesò Klistò.

Filìbàyns 3:20 ပူးပေါင်းရင်းမြစ်များ

Matìyò 19:21

Yesò bwènsə̀ à wen la, “A zhʉ a wù kəŋə kwʉ̀ʼʉ̀ mè, wu dyʉ̀ bàʼlə fo vyə no tsèm ə̀ ku ko yi à viʼi kənfem ndi lu kiʼi ghoʼ a kàŋ. Wù ne nè a lì wù vì dzɨ̀mtə̀ mò.”

Ŋwàʼlə̀ Luk 12:21

Yesò mù gàʼà myetə la, “A lè ndo kə diʼi à viʼi vyi a və ghʉ ghoʼo vəwenə à vəwenə ngə̀ŋ ali kò vəwenə lə̀ kwʉʼ ashɨ Nyìngòŋ.”

Ŋwàʼlə̀ Luk 14:14

Wù sətsèn nè alì mbwaʼmə lu ndiʼ à wù byiʼàndo vəwenə ko lu bwènsə̀ lòʼ wù, Nyìngòŋ lu lòʼ wù a kətsi kyì a viʼi vyì a diʼ viʼi və jùŋə və ashɨ Nyìngòŋ bwènə̀ lù fa pfʉ.”

Shwèʼ 1:11

ə̀ bèm à viʼi ntɨm Yesò vi la, “viʼi Galìlì, byìʼì ghò a ghə̀ŋ tɨmə̀ sə ki kuʼsə̀ nə̀ kaŋə alə̀ a? Yesò ghèn a və lyɨ̀ fà ghə̀ŋ a ntìntìn ghə̀ nkuʼ a kàŋ lə̀ lu be bwènə̀ vì tò a ji a ghə̀ŋ yì yen ghə̀ ndyʉ̀ fa tsu.”

1 Kolìntyàns 1:7

Kə ne li la kə ghə̀ŋ ne wutə̀ no tèbe a kəku kə kò kì a kəzhwì kə Nyìngòŋ kə ku ando ghə̀ŋ kəʼtə la Bobo vəghəŋ Yesò Klistò bwenə vì.

1 Kolìntyàns 15:48

Viʼi vyi a və diʼi a nse diʼ to nə̀ viʼi vyi a və shɨtə nə̀ Kətsoʼ kə, viʼi vyi a və diʼ akàŋ diʼ lù ndiʼ to nə̀ wìʼ yi a ghə̀ ə lu fa kaŋ.

2 Kolìntyàns 4:18

A lə kənyʉ̀ a vəghəŋ ko ki tebè nyʉ̀ a və yenə. Vəghəŋ boŋsə ki dyʉ̀sə̀ nə̀ əfo, a və ko yenə. Ghə̀ŋ kɨli la ə nyʉ̀ vyi a vəghəŋ yenə lu me, ali əfo vyi a vəghəŋ ko yenə ko diʼ lù mè.

2 Kolìntyàns 5:8

Nəmwèʼè, vəghəŋ to tò to a vəghəŋ a byɨmə, boŋsə kòŋ ə moʼtə əwen ghenə ə dyʉ̀ ə ntsi a ben ə Bobo.

Gàlesìyà 4:26

Sèla lyɨ kəshi kə Jelusalèm yì a ghə̀ diʼi akàŋ, ko ghə̀ diʼ kəkòs. Ghə̀ diʼ lì vəghəŋ.

Efisyàns 2:19

Kə le diʼi la ghə̀ŋ viʼi ətɨm ko be diʼ viʼi və vi və, ghə̀ŋ sə diʼ to viʼi loʼ ə mùʼ vye viʼi Nyìngòŋ, be diʼ viʼi ngwaʼ ngə̀ŋ ə Nyìngòŋ.

Efisyàns 2:6

Ando vəghəŋ diʼ vəghəŋ və Klistò, Nyìngòŋ ə lusə li vəghəŋ və wen ə ghʉ̀ vəghəŋ və wen a kəkɨ kə təfòyn akàŋ ndiʼ ghə̀ nsoʼo.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Kòlòsyàns 1:5

Ghə̀ŋ ne alə̀ byìʼì ando ghə̀ŋ kəʼtə kɨ əfo vi a Nyìngòŋ ə ghʉ̀ a ghə̀ŋ akàŋ. A ndiʼ ando viʼi nshə̀ʼtə̀ ntɨm ə jùŋ nəmwèʼè a ghə̀ŋ a ambì, ghə̀ŋ zhʉ kənyʉ̀ kumə fo a vyi a ghə̀ŋ kəʼtə lə.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

1 Tèsàlonyà 4:16

A lu ndiʼ a kətsi na yi, Bobo no fa wen ngeŋ shiʼi vi fa kàŋ, ə ku əsoʼ, ntsɨŋ Nyìngòŋ ə ghoʼo gàʼ, viʼi be zhʉ̀ ando və toŋ soŋ ə Nyìngòŋ, viʼi vyi a və mpfʉ choʼsə Yesò bwènsə̀ lù fa pfʉ a ambì.

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Hibùlù 12:22

Ghə̀ŋ kɨ li la ghə̀ŋ boŋsə li ə nvi ntɨmə a ben phèn ə Zayòn, a ntə̀ʼ Nyìngòŋ yi a ghə̀ tsi. Ntə̀ʼ na ghèn ndiʼ ntə̀ʼ Jelusalèm yì a ghə̀ diʼ akàŋ, ətsɨŋsə Nyìngòŋ sə diʼ tsu, və taŋ le.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.