Filìbàyns 3:15 - The New Testament in the Babanki language

¹⁵ Mà sə kəŋə la vəghəŋ vətsèm a vəghəŋ ə to li ə nkwʉʼ à vəghəŋ ə byɨmə a nyʉ̀ venə nkiʼ tò kwòʼtə̀ aghenə. A sətsèn ghə̀ŋ vətsenvə nkiʼ əkwoʼtə kədyàŋ a nyʉ̀ venə mu Nyìngòŋ a nè ə ghə̀ŋ ə nzhʉ kɨ ənyʉ̀ avenə no nkàyn.

Filìbàyns 3:15 ပူးပေါင်းရင်းမြစ်များ

Matìyò 5:48

Ntsìnə̀ shəŋsə diʼ ŋwòʼə̀ ando ntsìnə̀ Tiʼi ghə̀ŋ a kàŋ ŋwòʼə̀.”

Ŋwàʼlə̀ Luk 11:13

A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

Joyn 6:45

Nshə̀ʼtə̀ sə ghoʼkəsə ə nyòʼo li la, ‘Nyìngòŋ lu ziʼi viʼi və tsèm.’ Nò viʼi və tsèm vyi a və zhʉ kənyʉ̀ kì a Tìʼ ə gàʼ ne vì a mò.

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

1 Kolìntyàns 14:20

Kə ghə̀ŋ a nkwoʼtə to nə̀ voyndyə, a vəlemə vwomə, ghə̀ŋ ne boŋsə diʼ to voyndyə kumə mbyɨ ali kwoʼtə nyʉ̀ to nə̀ ə viʼi vətokəvə.

1 Kolìntyàns 2:6

Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

Gàlesìyà 5:10

Ma kɨli la ando vəghəŋ sə tsèntə diʼ to kənyʉ̀ kə mùʼ vəghəŋ və Bobo, la ghə̀ŋ ko a ndzɨ̀mtə̀ kənyʉ̀ kə wìʼ, a bwen to kənyʉ̀ ki a ma gàʼà, Nyìngòŋ ə na ku ngəʼ a wìʼ yi a ghə̀ nfɨŋsə ghə̀ŋ, kò à diʼ no tebè ndò.

Efisyàns 1:17

Ma zhʉ sə jɨ̀mə̀ no zhʉ̀ko, ma sə sensə la Nyìngòŋ yi a diʼ Nyìngòŋ ə Bobo vəghəŋ Yesò Klistò. Nyìngòŋ diʼ Ti yi a ghə̀ kiʼi kədyòʼ a ghə̀ a ku kəzhwì kə wen kì a kə kù ətof be diʼi laynsə nyʉ̀ ə kaynə və wen ndiʼ kə ne ghə̀ŋ ə nshɨtə kɨ wen.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

1 Tèsàlonyà 4:9

Ma yenə la yes kodiʼ ə be nyoʼtə kənyʉ̀ a ghə̀ŋ kumə ə kòŋ a viʼi və byɨməvə vətsenvə diʼ ə nkiʼ. Nò Nyìngòŋ ə ziʼi li ji yì a ghə̀ŋ diʼ ə nə̀ kòŋ təwen ə tyəŋtə fa tsu.

2 Timotì 3:17

Ənyʉ̀ a venə ə diʼ ə nè la wù ə shyèʼ ə Nyìngòŋ ə kwʉʼ myetə̀ ə ne no tənkì tə təshwèʼ tə jùŋtə tə tsèm.

Hibùlù 5:14

Alì, wìʼ yi a ghə̀ zhɨ əfo ə zhɨvə ə tovə diʼ wìʼ mu ghə̀ ziʼi li nkɨ nəkwoŋ fa kənyʉ̀ ə jùŋə və, nə̀ byɨvə.

1 Joyn 2:5

Alì mu à zhʉ̀ tè ndò ə zhʉ gaʼa wen ə̀ ghʉ, əkòŋ ə Nyìngòŋ a ndiʼ mu ghə̀ kwʉʼʉ li à wen ə ntsìnə̀. A le ji yì a vəghəŋ ə kɨ la vəghəŋ dìʼ a kənyʉ̀ kə mùʼ vəghəŋ və wen.