Filìbàyns 3:1 - The New Testament in the Babanki language

¹ Ə myètə̀ a vəlèmə̀ vwomə, ghə̀ŋ ə nsaŋlə̀ la ghə̀ŋ dìʼ a kənyʉ̀ kə mùʼ wenə və Bobo. Kə ko ku ngəʼ à mò ə mà be ə̀ zòmtə nyòʼ ənyʉ̀ à ghə̀ŋ a mà sə̀ diʼ mu mà nyòʼò li. Ə nyʉ̀ avenə be a ntsɨ̀ŋə̀ ghə̀ŋ.

Filìbàyns 3:1 ပူးပေါင်းရင်းမြစ်များ

Matìyò 5:12

Və sə nè nyʉ̀ a venə, ghə̀ŋ saŋlə tò saŋlə byiʼàndo mòʼtə̀ ghoʼo ghə̀ kə̀ʼtə̀ ghə̀ŋ a kàŋ. A ndiʼ tò alì a və ntsuʼ aghʉ nshə̀ʼtə̀ sə ghoʼkəsə sə mbìsə.

Ŋwàʼlə̀ Luk 1:47

Kəzhwì kom bè saŋlə̀ a Nyìngòŋ ə mbwòŋsə̀ ghomə.

Lumans 5:11

Ə kwʉ̀ʼsə, vəghəŋ ə boŋ saŋlə kumə wìʼ yi a Nyìngòŋ ə diʼ wen, mu à nè Bobo vəghəŋ Yesò Klistò la vəghəŋ kaʼkə ndiʼ ndoŋsə Nyìngòŋ.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

Efisyàns 6:10

Ə mwetə, ma sə gàʼa la ghə̀ŋ ə zhəʼtə to əwen Nyìngòŋ, ghə̀ ku kədyòʼ a ghə̀ŋ byìʼì ando ghə̀ kiʼi kədyòʼ kə kaynə kə.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Filìbàyns 4:4

Ghə̀ŋ ə saŋlə̀ a Bobo no mənzhʉ̀ tsèm. Mà gàʼà be kùmtə̀ la ghə̀ŋ ə nsaŋlə̀.

Filìbàyns 4:8

Vəlèmə̀ vwomə ə kəmwetə, ghə̀ŋ ghʉ təkwòʼtə̀ təŋtə no tè a ghò yì a ghə̀ bòŋə̀ be diʼ və nghoʼsə̀,nyʉ venə diʼ ənyʉ̀ vyi a diʼì ənyʉ̀ nəmwèʼè, ənyʉ̀ vyi a və diʼì ə və jùŋvə, ənyʉ̀ vyi a diʼ ənyʉ̀ ə̀ tɨməvə, ənyʉ̀ vyi a diʼ ənyʉ̀ ŋwoʼvə, ənyʉ̀ a viʼi diʼ ə nkòŋə̀ bènə̀ ənyʉ̀ a və diʼì ə və ntemə təpfem tsu.

1 Tèsàlonyà 4:1

Vəlemə, à le faŋ nyʉ̀ venə ndi mà gàʼ mwetə a ghə̀ŋ. Yes əziʼi li ghə̀ŋ, ghə̀ŋ sə ə kɨ ji yì a ghə̀ŋ diʼ ə nə̀ tsi fa tsu ə nè Nyìngòŋ ə saŋlə, a diʼ nyʉ̀ mu ghə̀ŋ sə nè. Yes ə sensə ghə̀ŋ luwen no nànto, a kədyòʼ Bobo Yesò la ghə̀ŋ be nè chò no fa li.

1 Tèsàlonyà 5:16

Ghə̀ŋ mwomsə ə nə̀ saŋlə to məzhʉ̀ ə tsèm,

Jems 1:2

Vəlemə vwomə ghə̀ŋ nlyɨ̀ a nə̀ saŋlə ghoʼo ghə̀ a zhʉ a təmwòmsə̀ tə vì à ghə̀ŋ a jisə a jisə.

1 Bità 3:8

Ə mwètə̀, ghə̀ŋ ə tsèntə kiʼi to əkwoʼtə ə mùʼ, kusə shinsə, kòŋə təwen ə təŋtə to nə̀ vəlemə, tuʼmə be bwaʼmə.

1 Bità 4:13

Ghə̀ŋ ə boŋsə saŋlə la ghə̀ŋ yenə ngəʼ ndə̀ŋndəŋ to nə̀ Yesò ndiʼ ghə̀ lù sə bwenə vi a ntìntìn əbayn ə ghoʼo ghə̀ ə wen, ghə̀ŋ ə saŋlə no nànto.

2 Bità 3:1

Kenkə diʼ kənkùmtə̀ kə ŋwàʼlə̀ ə mò a ghə̀ŋ a doŋ shomsə jùŋsə, a diʼ tèbe a tyì ghə̀ ko mu ma dzɨŋtə li ghə̀ŋ nə̀ nyʉ̀ a ghə̀ŋ diʼ kɨ ndi ghə̀ŋ bwensə kwòʼtə nyʉ̀ a vyi nə̀ əkwoʼtə ə laynə ghə̀.