Filìbàyns 2:6 - The New Testament in the Babanki language

⁶ Ghə̀ ə̀ mbè ndiʼ Nyìngòŋ alì kò ghə̀ lù kwòʼtə̀ əlyɨ̀ əwen ə wen ndə̀ŋndəŋ wenə Nyìngòŋ.

Filìbàyns 2:6 ပူးပေါင်းရင်းမြစ်များ

Matìyò 1:23

“Zhʉtə a! wùwì a ghə̀ ko təmə̀ kɨ wulɨm lu gùf ə bwi wàyn wulɨm a və lu chʉ zhiʼ wen nə̀ Emanuwèl a ghə̀ dìʼì la ‘Nyìngòŋ dìʼ wenə vəghəŋ’”.

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 10:30

Yo Tiʼi ghom diʼ to kənyʉ̀ kə mùʼ.”

Joyn 10:33

Vəwenə gàʼ a wen la, “Yès ə ko kəŋ ə temlə wù a kənyʉ̀ kə tsen kə fa ntìntìn nyʉ̀ na venə. Yès ə kəŋ ə temlə wù byìʼàndo wù kumə diʼ to wìʼ, ali telə Nyìngòŋ, gàʼa la wù diʼ Nyìngòŋ.”

Joyn 10:38

Alì, ma na nè shwèʼè na yi, ghə̀ŋ faŋ ko ghə̀ŋ lu byɨmə a mo, ghə̀ŋ byɨmə byìʼì nyʉ̀ vyi a ma nè ndiʼ ghə̀ŋ ziʼi sə kɨ la yo Tìʼ ghom ə diʼ to kənyʉ̀ kə mùʼ, nəkwoŋ ko diʼ.”

Joyn 14:28

Ghə̀ŋ ə zhʉ to ando mà gàʼ la, ‘Ma wʉ̀sə ghə̀ŋ ə dyʉ̀ bwensə vì a ghə̀ŋ.’ Ghə̀ŋ tu kòŋ mo, mu ghə̀ŋ saŋlə la ma dyʉ̀ a ben Tìʼ byìʼàndo Tìʼ ŋaŋtə chò mò.

Joyn 14:9

Yesò ə bwensə bèm la, “Ma tsì li vəghəŋ no fa kəghaf alə̀ a Filib, ko wù lu kɨ mo? Nò tèbe ndò yi a ghə̀ yen mo sə diʼ mù ghə̀ yen li Tìʼ, wù ə be gàʼa la mà diʼ Bobo ə kò a ghə̀ŋ a?

Joyn 17:5

Lyɨ mo luwen a wù ben a Tìʼ ghom, ndi viʼi ku əkuʼsə yi a mò a yowù ə nkiʼi mibu və shɨtə mbyi.

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

Joyn 5:18

Əgaʼa ghenə mu ne viʼi Jus mu sə kəŋ jisə ə zhwi wen byìʼì ando ghə̀ nko kwaʼa to soʼ kətsi kə tʉʼ loʼ, ali be sə toŋtə Nyìngòŋ nə̀ Tìʼ wen diʼi la ghə̀ diʼi ndə̀ŋndəŋ wenə Nyìngòŋ.

Joyn 5:23

ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 8:9

Ghə̀ŋ kɨli kòŋ ə kaynəghə yì a Bobo vəghəŋ Yesò Klistò tə kòŋ vəghəŋ. Ghə̀ ndiʼ wu ə ghoʼo ə kaʼkə wù kəfem byìʼì ghə̀ŋ ndiʼ kəfem kəwen kə ne, ghə̀ŋ kiʼi əghoʼ ə Nyìngòŋ.

1 Timotì 1:17

Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 1:6

A ndiʼ to ando Nyìngòŋ ə nkəŋ ə tɨm Wàyn wen yi a ghə̀ ŋaŋtə chò no ndò a mbyi, ghə̀ gàʼ la, “Ntsɨŋsə Nyìngòŋ no sə tsèm diʼ nkuʼsə wen.”

Hibùlù 1:8

Alì a ndiʼ ando ghə̀ gaʼa kumə Wàyn wen, ghə̀ gàʼ la: “Əfòyn wu ə diʼ mu ghə̀ faŋ li to ghayn ə mùʼ a Nyìngòŋ! Wù a soʼ viʼi to a ji ə tɨmə.

Hibùlù 13:8

Yesò Klistò diʼ layn, to ndə̀ŋndəŋ ando ghə̀ nə̀ ndiʼ fa ambì, diʼ lu ndiʼ to ali zaʼa fa no fa ze.

Kəmwetə 21:6

Ghə̀ ngaʼa li mbe gaʼa a mò la, “Ənyʉ̀ ə tsèm ə kuʼu li! Ma diʼ Alfà be diʼ Omegà, mu à lə kəzìtə̀ nə̀ kəmwètə kə nyʉ̀ ə tsèm. Ma na ku mu no tèbè a ndò yi a ətoŋ mu nə̀ zɨmtə wen, a ghə̀ nyʉ ə faŋ kò ghə̀ lə lòʼ kəfo. Mu na mèyn ə na fʉ̀ fa, ə ghoʼomə yi a ghə̀ nè viʼi tsi.