Filìbàyns 2:5 - The New Testament in the Babanki language

⁵ Ghə̀ŋ ə nkiʼ tò ntsìnə̀ yì a Yesò Klistò ə̀ nkìʼ lì.

Filìbàyns 2:5 ပူးပေါင်းရင်းမြစ်များ

Matìyò 11:29

Ghə̀ŋ lyɨ jì shomsə, bè ziʼi ntsìnə̀ ghom byìʼàndo mà bwaʼmə be kiʼi shiʼsə wèn. Ghə̀ŋ sətsèn nè a lì, ghə̀ŋ a kiʼi nzhʉ̀tə à ghə̀ŋ a tətyɨm.

Ŋwàʼlə̀ Luk 22:27

Kətʉ kə diʼ wìʼ a ghə̀ ŋwʉʼ a kəchiʼ zhɨ tò zhɨ mu à diʼ wìʼ a ghə̀ chòsə̀ fozhɨvə à wen lo,? A diʼ wìʼ yì a ghə̀ zhɨ tò zhɨ lì, alì ma diʼ a ghə̀ŋ a ntìntìn a nə̀ wìʼ a ghə̀ chòsə̀ fozhɨvə.

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

Shwèʼ 20:35

Ma diʼì li à ghə̀ŋ tò a jisə a jisə la ghə̀ŋ diʼi nshwèʼè nə̀ kədyoʼkə to nə̀ mò ndi vəghəŋ ngyàmtə̀ viʼi a və bwaʼa. Vəghəŋ sə ngyàmtə̀ a lì, vəghəŋ nkwòʼtə̀ kənyʉ̀ kì a Bobo vəghəŋ Yesò ngaʼà tò nkàntə̀ wen la, Saŋlə diʼ à wìʼ yì a ghə̀ ku chò ando ghə̀ diʼ à wìʼ yì a ghə̀ shi tò shi.

Lumans 14:15

Wù sətsen ə zhɨ̀ nki kəfo kətsen kə, kənyʉ̀ kikə ə ku ngəʼ a kwòʼtə ə lèmə̀ wù, ko kə be a diʼi la wù kòŋ wen. Kə wù a nè la lèmə̀ wù fəŋ byìʼì kəfo kì a wu zhɨ. Wù kɨli la Yesò ə pfʉ a wen.

Lumans 15:3

Nò tèbe Yesò ə ko ə nè kənyʉ̀ ə saŋlə to fa wen a ngeŋ. Və nyòʼ li a Ŋwàʼlə̀ Nyìngòŋ la, “Mbaʼ shisə a və telə wù tsu fəŋ li a mo a kətʉ.”

Lumans 15:5

Nyìngòŋ yi a ghə̀ ku ətyɨm ə to ghə̀ nə̀ ə wensə a ghə̀ŋ ə ne la ghə̀ŋ ntsi to nə̀ Yesò Klistò, diʼ to a kənyʉ̀ kə mùʼ a ghə̀ŋ a kwòʼtə,

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

1 Bità 2:21

A diʼ kəshi ə kəŋkə̀ ghə̀ŋ yenə ngəʼ na ghèn byìʼì ando Yesò ə yen li to ndə̀ŋndəŋ ə ngəʼ byìʼì ghə̀ŋ ə diʼ nchwi a ghə̀ŋ la ghə̀ŋ be yenə ngəʼ to nə̀ wen.

1 Bità 4:1

Ando vəghəŋ ə kɨ la Yesò Klistò ə nyen li ngəʼ kətsoʼ kə wèn, ghə̀ŋ ə boŋsə kiʼi to əkwoʼtə yì a ghə̀ nkiʼ, bvɨtə ə yen ngəʼ byìʼì ando no ndò a ghə̀ yenə ngəʼ a nse ashə to nə̀ Yesò, kə bè nè ə nè mbyɨ.

1 Joyn 2:6

No ndò a ghə̀ gàʼà la ghə̀ dìʼ wenə Nyìngòŋ a kənyʉ̀ kə mùʼ diʼ ə njèʼè tò a ji shì a Yesò njèʼè fa tsu.