Filìbàyns 2:30 - The New Testament in the Babanki language

³⁰ byìʼàndo ghə̀ tə shwètə̀ əpfʉ byìʼì əshyèʼ Klistò ando ghə̀ tə gyàmtə̀ mò ənè shwèʼ yi a ghə̀ŋ ko zi ghə̀ŋ nè.

Filìbàyns 2:30 ပူးပေါင်းရင်းမြစ်များ

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Lumans 16:4

Vəwenə shisə li mò fa chʉ̀ ə pfʉ̀ ə sə boʼsə ə pfʉkə no fa vəwenə ngeŋsə. A ko ku to mo ku kəzòŋ a vəwenə, ntsèntə̀sə viʼi ətɨm viʼi və byɨməvə be ku.

1 Kolìntyàns 15:53

Kə diʼ alə̀ byìʼì ando əwèn vəghəŋ ghenə a lu pfʉ lə, be fùwè ndiʼ ə kaʼkə a wen, a ghə̀ ko lu be lu fwè ko ghə̀ be lu pfʉ.

1 Kolìntyàns 16:10

Timotì vi no zhʉ̀ko, kə ghə̀ŋ a ne la ghə̀ nki əfwàyn a ghə̀ŋ a ntìntìn byìʼì ando ghə̀ ne shyèʼ Bobo ndə̀ŋndəŋ to nə̀ mò.

1 Kolìntyàns 16:17

Ma saŋlə kumə ando Sɨ̀tèfanàs nə̀ Fòtùnatùs nə̀ Akaykùs tə vì a mò, byìʼì ando vəwenə tə ə vi ə lyɨ̀ kəshi ə kəŋkə̀.

2 Kolìntyàns 12:15

Ma saŋlə ə byɨbsə no tèbe ghò ə be ə ku wen ghomə ə gyamtə ghə̀ŋ. Byìʼì ghò a ma kòŋ ghə̀ŋ no nànto alə, ghə̀ŋ kòŋ mò to ntèʼ a?

2 Kolìntyàns 4:12

A lə ando yès diʼ no zhʉ̀ko, nyʉ̀ʼ to chʉ̀ əpfʉ̀ ndi ghə̀ŋ nkiʼi ntsìnə̀ Yesò.

Filìbàyns 2:17

Mà ne saŋlə̀ be nàynə̀ vəghəŋ a muʼu. Və sətsèn ə̀ zhwì tè mò luwèn mənlyuŋ ə̀ mwomə̀ à dyʉ̀ kwʉ̀ʼsə̀ kəku kì a ghə̀ŋ ə ku à Nyìngòŋ byìʼì əbyɨmə ghəŋə.

Filìbàyns 2:27

Ghə̀ tə nkwaʼa no nəmwèʼè ə̀ shwètə̀ to a lə̀ mu ghə̀ əpfʉ alì Nyìngòŋ kusə nshinsə à wen. Nyìngòŋ ko tə kùsə nshinsə tò à wen, Ghə̀ be tə kùsə nshinsə à mò ndi kə mà yèn ə ngəʼ ə̀ chò ando mà yenə.

Filìbàyns 4:10

Ando mà diʼi yo Bobo, ma saŋlə̀ no nkàyn byìʼàndo ghə̀ŋ ə be dìʼ à mò luwèn la ghə̀ŋ tuʼmə nè mò no tèbe ando kəghaf kə dyʉ̀ li. Mà kɨ li la ghə̀ŋ tə nkiʼ ə tyɨmə tuʼmə nè mò alì jì ə ko tə ndiʼ.

Filìbàyns 4:18

Mà gàʼà à ghə̀ŋ la mà kiʼi li əfo a ghə̀ŋ tɨmə a mo no tsèm ə mbe nkiʼi ə ncho. Èbàfàlòditùs tə vì ə̀ kù no ə̀fo tsèm a ghə̀ŋ tə̀ tɨm la ghə̀ vi ə̀ kù à mò, mà ko bè gho kəfo. Ə̀fo avenə lèmtə̀ fwomə no nkàyn, à diʼ nə̀ kəku à Nyìngòŋ shi li ə sə saŋlə̀ no nkàyn.

Filimùyn 1:13

Ma zizi mà ə koŋə ghʉ̀ la ghə̀ faŋ to ashə ndiʼ ghə̀ lyɨ̀ kəshi ə kyəkə ə gyàmtə̀ mò, ando mà sə diʼ a ngə̀ŋ nfɨŋ lə byìʼì ando ma tə nshə̀ʼtə̀ ntɨm ə jùŋ,

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.