Filìbàyns 2:22 - The New Testament in the Babanki language

²² No nkàntə̀ ghə̀ŋ ə kɨ əshwèʼ Timotì. Ghə̀ shyèʼè li yo wen ənè la viʼi byɨmə ntɨm ə jùŋ to ndə̀ŋndəŋ ji a wàyn nə̀ shyèʼè à tìʼ wen.

Filìbàyns 2:22 ပူးပေါင်းရင်းမြစ်များ

Shwèʼ 16:2

Viʼi vəbyɨməvə a və ndìʼ a Lista bènə̀ a Ikonùm nkɨ la Timotì kìʼ ntsìnə̀ jùŋə.

Lumans 5:4

Ə wensə ə vi nə̀ kədyòʼ a ntsìnə̀, ntsìnə̀ be ne la vəghəŋ be nki dyʉ̀sə̀ ambì, kɨ nəmwèʼè la vəghəŋ be lù kiʼi kəfo kì a vəghəŋ kəŋ.

1 Kolìntyàns 16:10

Timotì vi no zhʉ̀ko, kə ghə̀ŋ a ne la ghə̀ nki əfwàyn a ghə̀ŋ a ntìntìn byìʼì ando ghə̀ ne shyèʼ Bobo ndə̀ŋndəŋ to nə̀ mò.

1 Kolìntyàns 4:17

A le kənyʉ̀ kì a mà tɨm Timotì a ghə̀ŋ. Ghə̀ diʼ wàyn ə koŋə ə mò, ma choʼsə wen byìʼì ando ghə̀ dzɨ̀mtə̀ Bobo no akayn. Ghə̀ a ne la ghə̀ŋ kwoʼtə ntsìnə̀ yì a ma tsi to nə̀ wù ə Yesò. Ma ziʼi ntsìnə̀ a ghèn a ntsèntə̀sə viʼi və byɨməvə to ashi ə tsèm.

2 Kolìntyàns 2:9

Mà tə nyoʼo ŋwàʼlə̀ a yì a ghə̀ŋ ndi yen la, ghə̀ŋ zhʉ̀ mò to nyʉ̀ ə tsèm mu lo.

2 Kolìntyàns 8:22

Yès a sə tɨmə vəwenə be tɨmə boʼsə nə̀ lèmə̀ yès ə tsen, ghə̀ diʼ mù yès mwomsə li wen, ghə̀ ndiʼi a yès to aghayn aghayn la ghə̀ kòŋ ə ngyàmtə̀, be ndiʼi mwetə luwen ando ghə̀ choʼsə ghə̀ŋ no nànto la ghə̀ kòŋ ə gyàmtə̀ ghə̀ŋ.

2 Kolìntyàns 8:24

Ghə̀ŋ ə diʼ lì a viʼi a venə la ghə̀ŋ kòŋ vəwenə, la nyʉ̀ vyi a yès gàʼa kumə ghə̀ŋ diʼ to no nəmwèʼè, ndiʼ ntsèntə̀sə viʼi Nyìngòŋ yen no vətsèm.

2 Kolìntyàns 8:8

Ma ko gaʼa alə la ma ku a nə̀ əsoʼ. Ali ma kəŋ diʼ ji a wenə viʼi vətsevə fwomə vəwenə kəŋ gyàmtə̀, ndiʼ ma kɨ la əkòŋ ə ghə̀ŋ diʼ nəmwèʼè mu lo.

Filìbàyns 1:12

Vəlemə, ma kəŋ la ghə̀ŋ kɨ la nyʉ̀ venə a və fʉ̀ a mò boŋsə gyamtə ə ne la ntɨm ə jùŋ ə dyʉ̀ nə̀ mbì.

Filìbàyns 1:16

Viʼi a venə a və shə̀ʼtə̀ ətɨm ə jùŋə nə̀ tyɨmə jùŋ ghə̀ lə̀, əshəʼtə byìʼì ando vəwenə kòŋ mo, kɨ la və shwin mò a ngə̀ŋ nfɨŋ byìʼì ando ma ti nchwò nsòʼ kumə ntɨm ə jùŋə ghə̀ Nyìngòŋ la ghə̀ diʼ nəmwèʼè.

Filìbàyns 1:5

Ma kù kəzòŋ alə̀ byìʼì ando ghə̀ŋ gyàmtə̀ li mò ə shə̀ʼtə̀ ntɨm ə jùŋ ghèn ə zìtə̀ fa kətsi yi a ghə̀ŋ zhʉ ntɨm na ghèn ə zàʼa fa layn.

Filìbàyns 1:7

Mà zizi ko ma lu faŋ ke ə̀ ku to alə kumə ghə̀ŋ və tsèm byìʼì ando ma kòŋ ghə̀ŋ nəkwoŋ. Nyìngòŋ ə tom li kəvu, vəghəŋ sə ə̀ shyèʼ to muʼ, kò ma diʼ a nfɨŋ, kò ma ti nchwò nsòʼ kumə ntɨm ə jùŋ. Nyìngòŋ diʼi li ətyɨm ə jùŋ ghə̀ ə wen a vəghəŋ no vətsèm ando vəghəŋ ə shwèʼ a wen.

Filìbàyns 2:20

A dìʼ tò wen a ghə̀ kiʼì əkwoʼtə a mà kiʼì byìʼì ghə̀ŋ be kòŋə̀ ə ngyàmtə̀ ghə̀ŋ.

1 Timotì 1:18

Wàyn ghom Timotì, ma gàʼà à wù la wù diʼ ə kwoʼtə ə nyʉ̀ vyi a nshə̀ʼtə̀sə ghoʼkəsə ə ngàʼ li byìʼì wù. Lyɨ̀ ənyʉ̀ a venə a nə̀ əfo əghòŋ ə̀ wù ə shɨtə soynə nshə̀ʼtə̀sə ndzɨŋsə tsu.

1 Timotì 1:2

Mà nyòʼo ŋwàʼlə̀ ghèn à wù a Timotì. Wù dìʼ to no ə nkàyntə̀ wàyn a mo byìʼì ando yowù ə kiʼ tò byɨmə ə mùʼ. Nyìngòŋ Tìʼ, wenə Yesò Klistò, ə Bobo vəghəŋ ə diʼi ətyɨm jùŋ ghə̀, nə̀ əkusə shinsə, bè nè wù ntsi nə̀ mbwaʼmə.

1 Timotì 4:6

Wù sətsèn ə mbèsə̀ ənyʉ̀ a venə a mà gàʼa lə à viʼi və byɨməvə, wù ne ndiʼ tò no wù ə shwèʼ ə jùŋ à Yesò Klistò. Wù sətsen ghaʼ ə ndìʼsə̀ nəmwèʼè a ghèn, ghə̀ gyàmtə̀ wù ə ne la byɨmə ə wu ə to.

2 Timotì 1:2

Timotì, wàyn kòŋ ə̀ mò, Nyìngòŋ ə Tìʼ, wenə Yesò Klistò, ə Bobo vəghəŋ ə diʼi ətyɨm ə jùŋ ghə̀ à wù nə̀ əkusə shinsə, ə be ku mbwaʼmə a wù.

2 Timotì 3:10

Timotì, wù sə dìʼ luwèn alə mu wù ndzɨ̀mtə̀ li əziʼi ə ghomə, nə̀ ntsìnə̀ ghom, nè kənyʉ̀ ki a mà tə ə nkwòʼtə̀ ə lu ə nè. Wù yen li jì yi a ma choʼsə Klistò fatsu, kiʼi ətyɨm ə zhʉtə ghə̀, kòŋ viʼi, kɨ ə kwiʼi ətyɨm.

Taytùs 1:4

Mà nyòʼò à wù a Taytùs. Wù dìʼ no nkàyntə̀ wàyn ghom byìʼàndo yowù kìʼ tò byɨmə mùʼ. Nyìngòŋ wenə̀ mbwòŋsə̀ vəghəŋ ə Yesò Klistò a dìʼ ətyɨm ə jùŋ ghə̀ à wù ə ne la wu ntsi tò nə̀ mbwaʼmə̀.