Filìbàyns 2:21 - The New Testament in the Babanki language

²¹ No tè ndò ə nè tò kənyʉ̀ kə ngəŋ ə wen kò vəwenə lu nkòŋə̀ ənè ənyʉ̀ vyi a Yesò Klistò ə kəŋə.

Filìbàyns 2:21 ပူးပေါင်းရင်းမြစ်များ

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Ŋwàʼlə̀ Luk 14:26

“Wìʼ zì kò ghə̀ lù kwʉʼ ədiʼ ndzɨ̀mtə̀ bàm mò, chò la ghə̀ kòŋ mò chò ando ghə̀ kòŋə̀ tìʼ wen nə̀ lì wen, ne wì wen, nə̀ vunə wen, nə̀ və lèmə̀ və wen, be kòŋ mò chò tè ngə̀ŋ kətʉ wen.

Shwèʼ 13:13

Bol wenə̀ viʼi jèʼ wen vi kwen a kànuʼ a Bafòs ə̀ dyʉ̀ a ntə̀ʼ Bègà, a loʼ Bamfiliyà. Joyn Mak ghʉsə vəwenə tsu ə̀ bwènə̀ dyʉ̀ a Jelusalèm.

Shwèʼ 15:38

alì Bol yen la kə ko bòŋ la ghə̀ boʼsə vəwenə byìʼàndo ghə̀ nlu li ghʉ̀sə vəwenə a loʼ ə Bamfiliyà mibu vəwenə myètə̀ shwèʼ yi a vəwenə diʼi nè.

1 Kolìntyàns 10:24

Kə wìʼ fa ghə̀ŋ a nshwèʼè ə gyàmtə̀ to wenə wen, ghə̀ŋ nshwèʼè ə gyàmtə̀ viʼi vətsenvə.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Kolìntyàns 13:5

Wìʼ ə sətsen nkòŋ viʼi, ko ghə̀ be nà ne sə ghə̀ ki ko ghə̀ lu yenə vəwenə, kò ghə̀ be na kwòʼtə̀ kumə to wèn ə wen, ko ghə̀ be nà fwisə tin, kò ghə̀ be nà taŋtə nyʉ̀ vyi a və ne mbyɨbsə a wen.

2 Kolìntyàns 1:5

Ghə̀ŋ kɨli la, Yesò Klistò ə nyen li ngəʼ no nànto, yès mu be ə kwenə to ndə̀ŋndəŋ ə ngəʼ wen na yi, Nyìngòŋ sə be wye tyɨmə yèsə no nànto chò fa Yesò Klistò.

Filìbàyns 2:4

Kə ghə̀ŋ a ə nè tò ənyʉ̀ a və ku əsè tò à ghə̀ŋ. Ghə̀ŋ ə nè vi a və bè a ku əsè à viʼi vətsenvə.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

2 Timotì 3:2

Viʼi lu ə ntùʼmə̀ tò nə̀ təwen tə vəwenə, kòŋ ə ko no a nànto, ghaŋsə əwen, ko və lu lyɨ la wùtsen ə diʼ kəfo. Vəwenə lu ə telə̀ viʼi, bè to kətʉ fà vətìʼ vəwenə nə̀ vəlì vəwenə. Vəwenə ko lu nku kəzòŋ à wìʼ byìʼì no kənyʉ̀ kə tyetəkə kətsenkə a wìʼ ə ne à vəwenə, ko mfwàynə̀ Nyìngòŋ.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

2 Timotì 4:16

A ə ndiʼ ando mà tɨmə akəshi kə nsoʼ ə gàʼ ə shi kətʉ komkə ambì kətsi, viʼi nyɨŋkə tò nyɨŋkə, no wìʼ nko faŋ ə tomsə ə mò. Mà jɨ̀mə̀ la Nyìngòŋ lyèsə ku vəwenə ando vəwenə tə nyɨŋ mòʼtə̀ mò.