Filìbàyns 2:2 - The New Testament in the Babanki language

² Ando ənyʉ̀ avenə diʼ nəmwèʼè lə̀, mà sensə̀ ghə̀ŋ la ghə̀ŋ be ə nè ənyʉ̀ tsenəvə venə ndi saŋlə ghomə kwʉʼ ə̀ mè. Ghə̀ŋ ə nkiʼ tò kwòʼtə̀ mùʼ, kòŋmə̀ təwen ə təŋtə be shyèʼè tò nè ə tyɨmə mùʼ.

Filìbàyns 2:2 ပူးပေါင်းရင်းမြစ်များ

Joyn 3:29

Wùwì ə lam nə̀ dyʉ̀ to a lɨmə wùwì. Wùndoŋ ə lɨmə wùwì yì a ghə̀ gyàmtə̀ wen nə̀ jèʼè to a wen a ntɨm, saŋlə no nànto a zhʉ a ghə̀ zhʉ ando lɨmə wùwì ə gàʼà. A lə ndə̀ŋndəŋ ji yì a ma saŋlə fa tsu luwen. Saŋlə ə ghomə ə diʼ luwen, mu ghə̀ lwin li nkwʉʼ.

Shwèʼ 1:14

A ndìʼ a lì, vəwenə nghoʼo zhùŋtə̀ əjɨ̀m a ntsèntə̀ wenə̀ ki vətsenvə nə̀ Mèli ə lì Yesò bènə̀ vəlèmə̀ və wen.

Shwèʼ 2:1

Andìʼ ando kətsi kə ghoʼokə a və ndzàŋə̀ nə̀ Bentakòs mvi, viʼi vəbyɨməvə tsèntə̀ a kəshi kə mùʼ.

Shwèʼ 2:46

Vəwenə vi zhùŋtə̀ à ngə̀ŋ Nyìngòŋ tò mətsì ntsèm. Vəwenə nè fʉ̀, və sə jèʼè zhɨ tò à ngə̀ŋ a ngə̀ŋ be saŋlə̀ a kənyʉ̀ kə mùʼ,

Shwèʼ 5:12

Viʼi ntɨm ə Yesò sə̀ nè chwitə nə̀ nyʉ̀ kanəvə və fʉ̀ no ghoʼo ədìʼ kədyòʼ kə Nyìngòŋ. Viʼi və byɨməvə no vətsèm sə̀ zàŋsə vì zhùŋtə̀ a kətò Sòlomùyn.

Lumans 12:16

Ghə̀ŋ ə ntsi to a kənyʉ̀ kə mùʼ. Kə ghə̀ŋ a ghaŋsə əwen. Ghə̀ŋ boŋsə tsèntə vye və viʼi a və bwaʼa. Kə ghə̀ŋ a wʉ̀ la ghə̀ŋ kɨli nyʉ̀ ə tsèm.

1 Kolìntyàns 1:10

Ma sensə ghə̀ŋ a vəlemə vwomə a zhiʼ Bobo vəghəŋ Yesò Klistò la ghə̀ŋ nti to əchʉ̀ ə mùʼ a nyʉ̀ vyi a ghə̀ŋ gàʼà ndi kə kəgəsə kə na diʼ a ghə̀ŋ a ntìntìn. Ghə̀ŋ diʼ ə mboŋsə diʼ to a kənyʉ̀ kə mùʼ, kiʼ to əkwoʼtə ə mùʼ, be ki nyʉ̀ to fa ji ə mùʼ.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

2 Kolìntyàns 2:3

A lə kənyʉ̀ ki a mà tə boŋsə nyòʼ ŋwàʼlə̀. Ndi kə ma ne sə vi, ghə̀ŋ a ghə̀ŋ yi ndiʼ boŋsə ne la ma nsaŋlə̀ boŋsə ne ma nkwoʼ mbyi. Ma kɨli nəmwèʼè la saŋlə ghə̀ŋ nè ma saŋlə.

2 Kolìntyàns 7:7

Yès ko tə nsaŋlə̀ to byìʼì məvì Taytùs, yès be tə nsaŋlə̀ ando yès ə tə zhʉ ji a ghə̀ŋ tə bwaʼa sə tyɨm ə wen fa tsu. Ghə̀ nshə̀ʼtə̀ li la ghə̀ŋ kòŋ ə yen mò nò nànto, benə ji a ghə̀ŋ ə kaynə mbyi fa tsu, be bvɨtə ə tomsə mo. Ma zhʉ̀ li nyʉ̀ a venə və be tuʼtə nè ma sə sàŋlə dyʉ̀ to nə̀ mbì.

Filìbàyns 1:4

Ma diʼ nə̀ saŋlə a zhʉ ma jɨ̀mə̀ a ghə̀ŋ no zhʉ̀ko.

Filìbàyns 2:16

Ghə̀ŋ ə ntsi ando ntɨm ə̀bwòŋ ghèn ə ziʼì la və ntsi ndi à lu ndiʼ a kətsi a Klistò ə bwènə̀ vì, mà ə nsaŋlə̀ la mà ko nshwèʼè kwàʼtə̀ əwen ə ghomə tò kədyàŋ.

Filìbàyns 2:20

A dìʼ tò wen a ghə̀ kiʼì əkwoʼtə a mà kiʼì byìʼì ghə̀ŋ be kòŋə̀ ə ngyàmtə̀ ghə̀ŋ.

Filìbàyns 4:2

Ma sensə la Euodiyà wenə̀ Syntychè ə ndiʼ a kənyʉ̀ kə mùʼ byìʼàndo ghə̀ŋ dìʼ vəlèmə̀ a byɨmə.

Kòlòsyàns 2:5

Ma ŋwʉ̀ʼ no məzhʉ̀ ə ntsèm ətɨmə ghomə diʼi to ghə̀ŋ no tèbe ando ma ko diʼ vəghəŋ amuʼ. Ma saŋlə ando ghə̀ŋ shɨtə tsì be saŋlə kumə ji yì a ghə̀ŋ tuʼtə ghaʼa əbyɨmə ə ghəŋə fa tsù a Klistò.

2 Tèsàlonyà 2:13

Yès diʼ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ ə vəlemə. Bobo kòŋ li ghə̀ŋ, ghə̀ŋ sə diʼ a nòyn ə̀ viʼi vyi a ghə̀ ə̀ ntsuʼ no fa kəzìtə̀ ə bwoŋsə chò fa əshyèʼ yi a kəzhwì kə Ŋwoʼkə ə nè ə ghʉ̀ ghə̀ŋ ə laynə ə be chò fa əbyɨmə yi a ghə̀ŋ kiʼi kùmə̀ nyʉ̀ vyi a və diʼi nəmwèʼè.

2 Timotì 1:4

Mà kwoʼtə dì wu. Ma sə kòŋ no nànto ə yen wù ndi ndiʼ nə̀ nsaŋlə̀ ghə̀.

Filimùyn 1:20

Lèmə̀ ghom, sensen nè kənyʉ̀ kènkə a ma gàʼà a wù lə a zhiʼi Bobo. Nè mà ə saŋlə a zhiʼi Klistò.

2 Joyn 1:4

Mà tə nsaŋlə̀ no nànto ando mà yenə vunə vyə vətsenvə və dzɨ̀mtə̀ nəmwèʼè tò ando Tìʼ ə̀ ngàʼà à vəghəŋ.

3 Joyn 1:4

No kənyʉ̀ kətsenkə ko diʼ a kə zì kə ne mà be ə ntùʼù saŋlə̀ ə chò ando ma zhʉ li la vunə vwomə tsi a nəmwèʼè.