Filìbàyns 2:17 - The New Testament in the Babanki language

¹⁷ Mà ne saŋlə̀ be nàynə̀ vəghəŋ a muʼu. Və sətsèn ə̀ zhwì tè mò luwèn mənlyuŋ ə̀ mwomə̀ à dyʉ̀ kwʉ̀ʼsə̀ kəku kì a ghə̀ŋ ə ku à Nyìngòŋ byìʼì əbyɨmə ghəŋə.

Filìbàyns 2:17 ပူးပေါင်းရင်းမြစ်များ

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Shwèʼ 21:13

alì Bol bwènsə̀ gàʼ la, “Ghə̀ŋ ə nè ghò lə̀? Byìʼì ghò a ghə̀ŋ ə ku ngəʼ à mò a tyɨm a? Mà ko kə̀ʼtə̀ ə və kwiʼ mò tò kwiʼi a Jelusalèm, mà kə̀ʼtə̀ əpfʉ tè pfʉ byìʼì Bobo Yesò.”

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 15:16

Ghə̀ nè la mà ə̀ diʼ wù ə shwèʼè ə Yesò Klistò, shyèʼ a viʼi ətɨm. Ma shyèʼ to nə̀ pfem ə ngə̀ŋ Nyìngòŋ, shə̀ʼtə̀ ntɨm ə jùŋ Nyìngòŋ a viʼi ətɨm kə diʼ alə̀ to nə̀ kəku a Nyìngòŋ, kəzhwì kə Ŋwoʼkə shʉ̀ laynsə vəwenə, nè la Nyìngòŋ be shi kəku a kì nə̀ saŋlə ghə̀.

2 Kolìntyàns 12:15

Ma saŋlə ə byɨbsə no tèbe ghò ə be ə ku wen ghomə ə gyamtə ghə̀ŋ. Byìʼì ghò a ma kòŋ ghə̀ŋ no nànto alə, ghə̀ŋ kòŋ mò to ntèʼ a?

2 Kolìntyàns 4:12

A lə ando yès diʼ no zhʉ̀ko, nyʉ̀ʼ to chʉ̀ əpfʉ̀ ndi ghə̀ŋ nkiʼi ntsìnə̀ Yesò.

2 Kolìntyàns 6:10

Yès ə saŋlə to saŋlə no tèbe a tyi ngəʼsə. Və lyɨ yès a viʼi kəfem ali yès ne viʼi əghoʼ a vəwenə əbyɨmə. Yès diʼ tò sə yès əko kiʼi kəfo, ali kiʼi to əfò ə tsèm.

2 Kolìntyàns 7:4

Ma shɨtə kɨ ghə̀ŋ, ma ko momə̀ ghə̀ŋ momə̀. Ma saŋlə no nànto kumə ghə̀ŋ, tyɨm ə ghomə zhʉ̀tə̀ no nànto byìʼì ghə̀ŋ, be boŋsə saŋlə to saŋlə a ntìntìn ngəʼ shisə a yès nyenə.

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

Filìbàyns 2:18

Ghə̀ŋ diʼ be ə nsaŋlə̀ be nàynə̀ vəghəŋ a muʼu to ndə̀ŋndəŋ.

Filìbàyns 2:30

byìʼàndo ghə̀ tə shwètə̀ əpfʉ byìʼì əshyèʼ Klistò ando ghə̀ tə gyàmtə̀ mò ənè shwèʼ yi a ghə̀ŋ ko zi ghə̀ŋ nè.

Filìbàyns 4:18

Mà gàʼà à ghə̀ŋ la mà kiʼi li əfo a ghə̀ŋ tɨmə a mo no tsèm ə mbe nkiʼi ə ncho. Èbàfàlòditùs tə vì ə̀ kù no ə̀fo tsèm a ghə̀ŋ tə̀ tɨm la ghə̀ vi ə̀ kù à mò, mà ko bè gho kəfo. Ə̀fo avenə lèmtə̀ fwomə no nkàyn, à diʼ nə̀ kəku à Nyìngòŋ shi li ə sə saŋlə̀ no nkàyn.

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

1 Tèsàlonyà 2:8

Yes ə shə̀ʼtə̀ ntɨm ə jùŋ a ghə̀ŋ mu à ku Nyìngòŋ, be ku təwen ə tyetə a ghə̀ŋ, byìʼì ando yes ə kòŋ ghə̀ŋ no nànto.

2 Timotì 4:6

Mà kòŋ la wù ə nè tò alə̀ byìʼì ando ma diʼ mu à faŋ tò fə shitə fə ə zhʉ alə ə Nyìngòŋ lyɨ̀ mò a nə̀ kəku kə. Əzhʉ ə pfʉ ə mò boʼsə li.

1 Bità 2:5

Ghə̀ŋ be boŋsə diʼ to nə̀ nguʼsə a sə tsi. Kə le diʼi la və diʼ ə lyɨ̀ ghə̀ŋ ə bwòm ngə̀ŋ Nyìngòŋ tsu, la ghə̀ŋ ə diʼ vəpfèm ngə̀ŋ Nyìngòŋ və laynəvə, ku kəku kə kəzhwì a Nyìngòŋ a kə kʉʼʉ, chò fa a Yesò Klistò.

1 Joyn 3:16

Vəghəŋ ə kɨ əkòŋ ə chò fa kènkə la: Yesò Klistò ə nku li sàŋ kətʉ wen ə̀ pfʉ̀ byìʼì vəghəŋ. Vəghəŋ bè diʼ ə ku sàŋ kətʉ vəghəŋ ə pfʉ byìʼì vəlèmə̀ və vəghəŋ.