Filìbàyns 1:8 - The New Testament in the Babanki language

⁸ Nyìngòŋ zi ghə̀ tɨmə a nə̀ ncho nsoʼ la ma kòŋ ghə̀ŋ no nə̀ tyɨm ə ghomə no tsèm nə̀ kòŋ yì a Yesò Klistò ə diʼi fa wen ngə̀ŋ.

Filìbàyns 1:8 ပူးပေါင်းရင်းမြစ်များ

Ŋwàʼlə̀ Luk 1:78

Nyìngòŋ vəghəŋ kusə nshinsə bè bwaʼmə ghə̀ a nè la chʉzhʉ saʼa ə bayn a vəghəŋ kətʉ.

Lumans 1:9

Ma jɨ̀mə̀ a ghə̀ŋ to məzhʉ̀ ə ntsèm. Nyìngòŋ ghèn a ma shyèʼ a wen nə̀ ətyɨm ə ghomə no tsèm, shə̀ʼtə̀ ntɨm ə jùŋ kumə Wàyn, ghə kɨ kənyʉ̀ kenkə a ma gàʼ lə̀.

Lumans 9:1

Ma kəŋ ə gàʼ kənyʉ̀ luwen kə diʼ to no nəmwèʼè, fʉ̀ to no fa mo tyɨm, à diʼi Kəzhwì kə Ŋwoʼkə. Ma gàʼa to nəmwèʼè byìʼì ando ma diʼi to kənyʉ̀ kə mùʼ yo Yesò.

2 Kolìntyàns 13:9

Yès ə saŋlə no zhʉ̀ ko a ghə̀ŋ ə to a kənyʉ̀ kə Nyìngòŋ no tebe ando və ko yenə adyòʼ yi a yès kiʼi. Yès jɨ̀mə̀ to la ghə̀ŋ nkwi a kənyʉ̀ kə Nyìngòŋ.

2 Kolìntyàns 6:12

Yès ə kòŋ ghə̀ŋ no nànto. A diʼ ghə̀ŋ a ghə̀ŋ ko kòŋ tebè yès.

2 Kolìntyàns 7:15

A lə kənyʉ̀ ki a ghə̀ sə kwòʼtə̀ luwen ando ghə̀ŋ tə zhʉ wen be kwòʼtə̀ ando ghə̀ŋ nshisə wen tsəŋtə fwàynə̀, kòŋ ə wen a ghə̀ŋ ə sə kwi dyʉ̀ to nə̀ mbì.

Gàlesìyà 1:20

Kənyʉ̀ kèn a ma nyòʼò a ghə̀ŋ lə diʼ to nə̀ nəmwèʼè. Nyìngòŋ ə kɨ la ma ko zhò ndzɨ̀ŋ!

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gàlesìyà 4:19

Vunə vwomə və juŋəvə, ma zhʉ̀ lɨ̀m kumə ghə̀ŋ to no ando luwàyn nə̀ azhʉ̀ lɨm ə wàyn. Ma ne nzhʉ lɨ̀m to alə ə zaʼa ando ghə̀ŋ ne ntsi ntsìnə̀ to nə̀ Klistò.

Filìbàyns 2:1

Ghə̀ŋ ndìʼ a kənyʉ̀ kəmùʼ Ghə̀ŋ və Klistò, nakènkə ku tətyɨm tə totə à ghə̀ŋ. Klistò ə kòŋə̀ ghə̀ŋ, ə kòŋ a ghenə bè ku tətyɨm tə zhʉtə tə à ghə̀ŋ. Ghə̀ŋ və Kəzhwì kə ŋwoʼkə diʼ a kənyʉ̀ kəmùʼ. Ghə̀ŋ ə nkìʼ tətyɨm tə bwaʼmətə bènə̀ kusə nshinsə à ghə̀ŋ ə ntìntìn.

Filìbàyns 2:26

Ghə̀ kòŋə̀ no nkàyn əvi yen ghə̀ŋ Ghə̀ ko tə nsaŋlə̀ byìʼàndo ghə̀ŋ tə zhʉ̀ la ghə̀ tə nkwaʼa.

Filìbàyns 4:1

Vəlèmə vwomə mà gàʼà à ghə̀ŋ a la, mà kòŋə̀ ghə̀ŋ no nkàyn be kòŋə̀ əyen ghə̀ŋ. Ghə̀ŋ ə nè mà saŋlə̀ no nkàyn. Ghə̀ŋ dìʼ əmoʼtə shyèʼ ə̀ mò. Mà kuʼsə̀ əwen ə ghomə byìʼì ghə̀ŋ. Vəlèmə vwomə ma kòŋ Luwen ghə̀ŋ diʼi tɨmə tò a ghə̀ŋ əbyɨmə a Bobo.

Kòlòsyàns 2:1

Ma kəŋ la ghə̀ŋ kɨ ando ma ntaŋkə li ne shwèʼè no nə̀ kədyoʼkə a ghə̀ŋ viʼi və byɨməvə və, ə be ə shwèʼè a viʼi vyi a və tsi a loʼ Làdisìyà no vətsèm nə̀ vi a nkàyntə̀ vəwenə ko tɨmə yen mò.

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

1 Tèsàlonyà 2:5

Ghə̀ŋ kɨli la yes əko vi a ghə̀ŋ ə gàʼa gaʼa kənlobtə no faphen. Nyìngòŋ ə kɨ no nəmwèʼè la yes ə nko shə̀ʼtə̀ ntɨm ə jùŋ a ghə̀ŋ la ghə̀ŋ ku kəfo kətsenkə a yes.

1 Tèsàlonyà 2:8

Yes ə shə̀ʼtə̀ ntɨm ə jùŋ a ghə̀ŋ mu à ku Nyìngòŋ, be ku təwen ə tyetə a ghə̀ŋ, byìʼì ando yes ə kòŋ ghə̀ŋ no nànto.

2 Timotì 1:4

Mà kwoʼtə dì wu. Ma sə kòŋ no nànto ə yen wù ndi ndiʼ nə̀ nsaŋlə̀ ghə̀.

Filimùyn 1:12

Ma bwensə tɨmə wen a wù luwèn lə, kòŋə̀ wen no nə̀ ətyɨm ə ghomə no tsèm.

Filimùyn 1:20

Lèmə̀ ghom, sensen nè kənyʉ̀ kènkə a ma gàʼà a wù lə a zhiʼi Bobo. Nè mà ə saŋlə a zhiʼi Klistò.

1 Joyn 3:17

Wìʼ sətsèn ə nkiʼ fo mbi venə no tsèm ə yèn lèmə̀ wen a ghə̀ ghò, alì ə̀ tyèn la ghə̀ ko kusə nshinsə à wen, əkòŋ ə Nyìngòŋ à ndiʼ à wen a ji kò?