Filìbàyns 1:7 - The New Testament in the Babanki language

⁷ Mà zizi ko ma lu faŋ ke ə̀ ku to alə kumə ghə̀ŋ və tsèm byìʼì ando ma kòŋ ghə̀ŋ nəkwoŋ. Nyìngòŋ ə tom li kəvu, vəghəŋ sə ə̀ shyèʼ to muʼ, kò ma diʼ a nfɨŋ, kò ma ti nchwò nsòʼ kumə ntɨm ə jùŋ. Nyìngòŋ diʼi li ətyɨm ə jùŋ ghə̀ ə wen a vəghəŋ no vətsèm ando vəghəŋ ə shwèʼ a wen.

Filìbàyns 1:7 ပူးပေါင်းရင်းမြစ်များ

Shwèʼ 20:23

alì kənyʉ̀ a mà nkɨ dìʼ tò la ando Kəzhwì kə ŋwòʼəkə diʼì li me à mò no a ntə̀ʼ ko a mà chò fa tsu, la mà dìʼ wù mfɨŋ ngəʼsə be kə̀ʼtə̀ mò tsu.

Shwèʼ 21:33

Kətʉ kə vəsugyèʼ akì dyʉ̀ à Bol ə̀ gàʼ və ghaʼ wen ə̀ kwìʼi wen nə̀ mpfɨŋsə səbò. Ghə̀ mù bèm à viʼi a vyi la, “Wìʼ ghèn dìʼ ndo? Ghə̀ nè ghò?”

1 Kolìntyàns 13:7

Wìʼ ə sətsen ə nkòŋ viʼi, ko ntsìnə̀ wìʼ be na byɨf ə ghoʼo wen, ko ghə̀ be nlye mbyɨsə viʼi, ghə̀ ne tsi kɨ to kɨ la no tebe ghò yi a ghə̀ bo ki kəʼtə lu ndiʼ to alì. Wìʼ sətsen ə nkòŋ viʼi, a ghə̀ ne wensə nyʉ̀ tsèm to wensə.

1 Kolìntyàns 9:23

Ma ne nyʉ̀ a venə no ətsèm ndiʼ ə ne la ntɨm ə jùŋ kwi dyʉ̀ ambì mà boŋ ə kiʼi mbwaʼsə yì a ghə̀ diʼi tsu.

2 Kolìntyàns 3:2

Ghə̀ŋ diʼ to nə̀ ŋwàʼlə̀ yì a yès kiʼi mu və nyoʼo a yès a tətyɨm ndiʼ no ndo ndzaŋə, zhʉ kɨ kənyʉ̀ ki a və gaʼa.

2 Kolìntyàns 7:3

Ma ko gàʼà nyʉ̀ a venə alə ə gàʼ la ghə̀ŋ ne li byɨbsə kənyʉ̀. Mà sə diʼ mù ma gàʼà li la yès ə kòŋ ghə̀ŋ no nànto, diʼ faŋ nkòŋ ghə̀ŋ to kòŋ, kò à vì tèbe əpfʉ̀.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Efisyàns 3:1

A diʼ to byìʼì ntsèntə̀ ə vəghəŋ a ghèn a ma jɨ̀mə̀ a Nyìngòŋ ə kùmə̀ ghə̀ŋ. Ma diʼ wù ə nfɨŋ byìʼì shwèʼ yì a Yesò Klistò kù a mò la mà ə shə̀ʼtə̀ ntɨm ə jùŋ a ghə̀ŋ viʼi ətɨm.

Efisyàns 4:1

Ma sensə ghə̀ŋ byìʼì shwèʼ a ghenə a Bobo ne li a vəghəŋ la, ghə̀ŋ ntsi ntsìnə̀sə, a ji yi a Nyìngòŋ ə kəŋ ando ghə̀ dzàŋ shisə ghə̀ŋ fa mbyi. Ghə̀ŋ kɨli la ma diʼ alə̀, diʼ wù ə nfɨŋ byìʼì shwèʼ yì a ma ne a Bobo.

Efisyàns 6:20

Ma diʼ mu və tɨm la mà vi ə shə̀ʼtə̀ ntɨm ə jùŋ a ghèn no tèbe ando, ma diʼi luwen a nfɨŋ. Ghə̀ŋ njɨ̀mə̀ la mà ə̀ shə̀ʼtə̀ to ando ma diʼi ə̀ nshə̀ʼtə̀, ko ma fwàynə̀ tebè kəfo.

Filìbàyns 1:12

Vəlemə, ma kəŋ la ghə̀ŋ kɨ la nyʉ̀ venə a və fʉ̀ a mò boŋsə gyamtə ə ne la ntɨm ə jùŋ ə dyʉ̀ nə̀ mbì.

Filìbàyns 1:13

Nò vəsugyèʼ vyi a və ntsɨŋ ntuʼ no və tsèm, nə̀ viʼi ashə no və tsèm ə kɨ la ma diʼ a ngə̀ŋ nfɨŋ byìʼì ando ma shyèʼ a Yesò.

Filìbàyns 1:14

Ngə̀ŋ nfɨŋ ghèn a ma diʼi tsu nè li viʼi və byɨməvə be tuʼ ku tətyɨm tə vəwenə a Bobo. Vəwenə sə shə̀ʼtə̀ ntɨmə Nyìngòŋ luwen nə̀ ətyɨm ə toghə, ko və fwàynə̀ tebè wìʼ.

Filìbàyns 1:5

Ma kù kəzòŋ alə̀ byìʼì ando ghə̀ŋ gyàmtə̀ li mò ə shə̀ʼtə̀ ntɨm ə jùŋ ghèn ə zìtə̀ fa kətsi yi a ghə̀ŋ zhʉ ntɨm na ghèn ə zàʼa fa layn.

Filìbàyns 2:22

No nkàntə̀ ghə̀ŋ ə kɨ əshwèʼ Timotì. Ghə̀ shyèʼè li yo wen ənè la viʼi byɨmə ntɨm ə jùŋ to ndə̀ŋndəŋ ji a wàyn nə̀ shyèʼè à tìʼ wen.

Filìbàyns 4:14

Alì, ghə̀ŋ ə tə nè a nkàyn ando ghə̀ŋ tə gyàmtə̀ mò à mo tì ngəʼsə.

Filìbàyns 4:15

No nkàyntə̀ ghə̀ŋ ə viʼi Fìlìbày ə kɨ la ando mà nzìtə̀ shə̀ʼtə ntɨm ə jùŋ ando ma əlù fa Macedonia, no ntsèntə̀ viʼi və byɨməvə tsen nko gyamtə mo ə chò tò ghə̀ŋ,

Filìbàyns 4:3

Mà gaʼa à wù a ma ghʉ ə tyɨmə ghomə a wù a yowù tsentə̀ ə̀ shyèʼ a muʼu, Mà kəŋ la wù gyamtə ki venə byìʼe yo vəwenə nshə̀ʼtə̀ ntɨm ə jùŋ amuʼ əboʼsə nə̀ Clemèn bènə̀ viʼi vətsenvə a təzhiʼ tə vəwenə sə̀ diʼ a ŋwàʼlə̀ əbwòŋ.

Kòlòsyàns 4:18

A nyoʼo to no mò Bol nyoʼtə ətoŋtə akəshi ghèn luwen a ghə̀ŋ nə̀ kəvu ə kòmkə. Kə ghə̀ŋ lyesə la ma diʼ a ngə̀ŋ nfɨŋ. Nyìngòŋ ə ndiʼi ətyɨm ə jùŋə ghə̀ wen a ghə̀ŋ.

Kòlòsyàns 4:3

Ghə̀ŋ be njɨ̀mə̀ a yes la, Nyìngòŋ ə nè yes kɨ jisə ə shə̀ʼtə̀ ntɨm ə jùŋ kumə ənyʉ̀ ə tò və vi a Nyìngòŋ ə diʼi làynsə a yes kumə Yesò. Ma diʼ a ngə̀ŋ nfɨŋ byìʼì ntɨm ə jùŋ na ghèn a ma shə̀ʼtə̀ lə.

1 Tèsàlonyà 5:5

Byìʼì ando no ghə̀ŋ və tsèm ə tsi ntsìnə̀ ə jùŋə to nə̀ viʼi a və nè nyʉ̀, chwìchwì ə baynə. Vəghəŋ ə ko nè tebè nyʉ̀ alə ando və nè a kəlyomtə kò a kəbəŋ kə fenəkə.

2 Timotì 1:8

Kə lə diʼi la wù ko diʼ ə ndiʼsə kətʉ ə tɨmə ncho nsoʼ à Bobo vəghəŋ, kò be ndiʼsə kətʉ byìʼì mò ando ma diʼì a mfɨŋ byiʼ ando ma byɨmə à Klistò. Mà gàʼà la wù bòŋsə lyɨ̀ kədyòʼ ki a Nyìngòŋ ku à wù, ə vi boʼsə à mò atyi ngəʼ yi a ma diʼì tsu byìʼì ntɨm ə jùŋ.

2 Timotì 2:9

Mà yenə ngəʼ, və shwinə̀ mò a nə̀ wù ə mfɨŋ alə tò byiʼ ando ma ziʼi ntɨm ə jùŋ à viʼi. Alì kənyʉ̀ kə Nyìngòŋ a kenkə ə diʼ mu və zi ko və lu shwìn.

Filimùyn 1:13

Ma zizi mà ə koŋə ghʉ̀ la ghə̀ faŋ to ashə ndiʼ ghə̀ lyɨ̀ kəshi ə kyəkə ə gyàmtə̀ mò, ando mà sə diʼ a ngə̀ŋ nfɨŋ lə byìʼì ando ma tə nshə̀ʼtə̀ ntɨm ə jùŋ,

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

1 Bità 4:13

Ghə̀ŋ ə boŋsə saŋlə la ghə̀ŋ yenə ngəʼ ndə̀ŋndəŋ to nə̀ Yesò ndiʼ ghə̀ lù sə bwenə vi a ntìntìn əbayn ə ghoʼo ghə̀ ə wen, ghə̀ŋ ə saŋlə no nànto.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

2 Bità 1:13

Kə diʼ no nkayn la mà ə ndzə̀ŋtə̀ ə nyʉ̀ a vyi a ghə̀ŋ zaʼa fa kətsi a mà lù pfʉ ndi ghə̀ŋ ə kwoʼtə.

1 Joyn 3:14

Vəghəŋ ə kɨ la vəghəŋ sə̀ diʼ mu vəghəŋ ə cho li fa pfʉ ə sə diʼ ə̀ to, byìʼàndo vəghəŋ ə kòŋə̀ vəlèmə̀ və vəghəŋ. Wìʼ a ghə̀ ko kòŋə̀ vəlèmə̀ və wen bò dìʼ tò a tyì pfʉ.