Filìbàyns 1:6 - The New Testament in the Babanki language

⁶ Ma be ku alə̀ byìʼì ando ma kɨli nəmwèʼè la shyèʼ ə jùŋghə ghenə a Nyìngòŋ ə zìtə̀ a ghə̀ŋ a ntìntìn lə dyʉ̀ to nə̀ mbì ə zàʼa fa kətsi yi a Yesò Klistò lù bwenə vì.

Filìbàyns 1:6 ပူးပေါင်းရင်းမြစ်များ

Joyn 6:29

Yesò ə bwensə la, “əshyèʼ ə Nyìngòŋ ə diʼ la ghə̀ŋ byɨmə a wen yì a ghə̀ tɨmə a mbyi.”

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 16:14

Andìʼ a tì ki avenə a və mvì zhùŋtə̀ və sə zhʉtə̀ ando Bol gàʼà lì, wùwì tsen diʼ tsu, a zhiʼ wen ndìʼ Lydiyà mu ghə̀ lù fa ntə̀ʼ Tatiliyà. Ghə̀ nè mbaʼlə̀ nə̀ ndisə a ko yi nto no nànto, a be diʼ wùwì a ghə̀ ngumlə̀ Nyìngòŋ. Bobo bòʼtə̀ kwòʼtə̀ wen la ghə̀ ntùʼù zhʉtə̀ nyʉ̀ vyi a Bol ngàʼà lì ə̀ byɨmə nyʉ̀ a vyi.

1 Kolìntyàns 1:8

Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

2 Kolìntyàns 1:15

To ando mà tə nkɨ la ghə̀ŋ kɨli mò a ji na ghèn. A le kənyʉ̀ ki a mà tə ghʉ̀ la ma ghayntə ghə̀ŋ a ambì mibu dyʉ̀ a Màsìdonìyà ndi mà lù sə bwensə sə nvì ə be yèn ghə̀ŋ, ghə̀ŋ tuʼtə sàŋlə. Mà tə ghʉ̀ alə̀ ndi mà lù sə bwenə vì vəghəŋ be yemə, ghə̀ŋ gyamtə mò, mà dyʉ̀ a Jùdiyà.

2 Kolìntyàns 2:3

A lə kənyʉ̀ ki a mà tə boŋsə nyòʼ ŋwàʼlə̀. Ndi kə ma ne sə vi, ghə̀ŋ a ghə̀ŋ yi ndiʼ boŋsə ne la ma nsaŋlə̀ boŋsə ne ma nkwoʼ mbyi. Ma kɨli nəmwèʼè la saŋlə ghə̀ŋ nè ma saŋlə.

2 Kolìntyàns 7:16

Ma saŋlə no nànto byìʼì ando ma kɨli la mà zizi mà nzhəʼtə̀ to a ghə̀ŋ wen to jisə tsèm.

2 Kolìntyàns 9:4

Kə sətsen fʉ̀ la yo viʼi Màsìdonìyà vi, yo vəwenə ko andiʼ la ghə̀ŋ baʼtə̀ li, a yès a diʼsə kətʉ kumə nyʉ̀ vyi a yès tə gàʼ kumə ghə̀ŋ, nkàyntə̀ ghə̀ŋ be diʼsə kətʉ no nànto.

Gàlesìyà 5:10

Ma kɨli la ando vəghəŋ sə tsèntə diʼ to kənyʉ̀ kə mùʼ vəghəŋ və Bobo, la ghə̀ŋ ko a ndzɨ̀mtə̀ kənyʉ̀ kə wìʼ, a bwen to kənyʉ̀ ki a ma gàʼà, Nyìngòŋ ə na ku ngəʼ a wìʼ yi a ghə̀ nfɨŋsə ghə̀ŋ, kò à diʼ no tebè ndò.

Efisyàns 4:12

Ghə̀ ə ne alə ə baʼtə̀ viʼi və byɨməvə la vəwenə kɨ ə ne shwèʼ ə Nyìngòŋ ndi ngə̀ŋ Nyìngòŋ ə nkwi, a diʼ əwènə Klistò.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

Filìbàyns 2:12

Luwen a vəlèmə̀ və kòŋ ə̀ mò, ando ghə̀ŋ tə zhʉ gɨ̀ ghom, ando mà ndiʼ vəghəŋ, kə a mbòŋsə̀ bòŋə̀ no nkàyn la ghə̀ŋ ntùʼtə̀ zhʉ gɨ̀ ghom ando mà ko bè diʼ vəghəŋ. Ghə̀ŋ myetə nè əshyèʼ yi a ghə̀ faŋə̀ nə̀ gumlə ghə bènə̀ fwàyn ə Nyìngòŋ ndi Nyìngòŋ myetə li bwoŋsə̀ ghə̀ŋ.

Filìbàyns 2:13

Kədiʼ a li byìʼàndo Nyìngòŋ diʼ wenə vəwenə no məzhʉ tsèm, ku kədyòʼ la ghə̀ŋ ə nkòŋ ənè nyʉ̀ a ghə̀ kəŋə la ghə̀ŋ ə nè.

Filìbàyns 2:16

Ghə̀ŋ ə ntsi ando ntɨm ə̀bwòŋ ghèn ə ziʼì la və ntsi ndi à lu ndiʼ a kətsi a Klistò ə bwènə̀ vì, mà ə nsaŋlə̀ la mà ko nshwèʼè kwàʼtə̀ əwen ə ghomə tò kədyàŋ.

Kòlòsyàns 2:12

A ndiʼ ndo ghə̀ŋ shi mu, və bvɨmə li ghə̀ŋ və Klistò, vye vəwenə mbwensə li lù fa pfʉ a amuʼ əcho fa byɨmə yi a ghə̀ŋ kiʼi a kədyòʼ Nyìngòŋ ki a kə nlùsə Klistò fa pfʉ.

1 Tèsàlonyà 1:3

Yes ə zhʉsə njɨ̀mə̀ a Nyìngòŋ ə, Tìʼ vəghəŋ, yes ə sə kwoʼtə ando ghə̀ŋ nè shyèʼ ə jùŋ ghə̀ byìʼì ando ghə̀ŋ byɨmə a Bobo vəghəŋ Yesò Klistò be kwoʼtə ando ghə̀ŋ tə nshyèʼ no nə̀ kədyoʼkə byìʼì ando ghə̀ŋ kòŋ wen. Yes be kwoʼtə ando ghə̀ŋ kəʼtə wen, kɨ kɨ la ghə̀ lu bwenə vi.

2 Tèsàlonyà 1:11

A le kənyʉ̀ ki a yès nə̀ jɨ̀mə̀ a ghə̀ŋ to məzhʉ̀ ə tsèm la Nyìngòŋ ə vəghəŋ nè la ghə̀ŋ ə tsi ntsìnə̀ yì a ghə̀ kwʉ̀ʼ a diʼ yi a ghə̀ dzàŋ ghə̀ŋ la ghə̀ŋ vi ə ntsi. Yès nə̀ jɨ̀mə̀ la ghə̀ ku kədyòʼ ghə̀ŋ ə nè nyʉ̀ ə jùŋ və vi a ghə̀ŋ kòŋ ə nə̀ nè ə be nè mwetə shwèʼ ə ghəŋə to nə̀ viʼi və byɨməvə.

2 Tèsàlonyà 3:4

Bobo nè li yès sə kiʼi əchoʼsə a ghə̀ŋ la ghə̀ŋ tsi to ando yès ngàʼ la ghə̀ŋ ə ntsi be diʼ ə faŋ ə̀ ntsi dyʉ̀ to ali.

Filimùyn 1:21

Ma kɨli no nəmwèʼè la to ando ma tɨmə ŋwàʼlə̀ ghèn a wù lə, la wù a nè to ando mà gàʼà, ə sə nè, ə nè chò tebè ando ma kəŋə.

Hibùlù 10:35

Kə ghə̀ŋ ə kwitə tə tyɨmə ətəŋtə fa a ghə̀ŋ a əbyɨmə yi a ghə̀ŋ kiʼi a Nyìngòŋ. Ghə̀ŋ a kiʼi əmoʼtə azhʉ̀ a ghə̀ŋ zhəʼtə to a wen ə Nyìngòŋ.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Bità 3:10

Alì Nyìngòŋ lu bvɨtə vì a kətsi a wìʼ ko ə kɨ, to nə̀ tsòŋ. A lu ndiʼ a kətsi na yi, kəfo kə zɨ̀mə fa kàŋ, ə kàŋ sàm, ə zhiʼi ə nyʉʼ no tèbe ghò yi a ghə̀ diʼi tsu, nse be mè boʼsə no tèbe nə̀ ghò yi a ghə̀ diʼi tsu.