Filìbàyns 1:26 - The New Testament in the Babanki language

²⁶ Ma ne alə̀ ndiʼ mà sə bwenə ə vi a ghə̀ŋ, ghə̀ŋ be tuʼtə kùm kədyʉ̀ʼ kùmə̀ kənyʉ̀ ki a Yesò Klistò ne a mò chò fa a ghə̀ŋ.

Filìbàyns 1:26 ပူးပေါင်းရင်းမြစ်များ

Joyn 16:22

Kə lə diʼ to ndə̀ŋndəŋ luwen a ghə̀ŋ, ando ghə̀ŋ kusə shinsə, ali ma diʼ ə ne be ə yen ghə̀ŋ la ghə̀ŋ, ghə̀ŋ ə̀ saŋlə, ko wìʼ diʼ ə nè la kə ghə̀ŋ be sàŋlə.

Joyn 16:24

Ə zàʼa fa luwen, ghə̀ŋ ko bèmə kəfo chò fa mo əzhiʼ. Ghə̀ŋ bèm, a ghə̀ŋ a kiʼi, ə kiʼi saŋlə, ghə̀ŋ kuʼ kwʉ̀ʼ.

2 Kolìntyàns 5:12

Kə ghə̀ŋ a nkwoʼtə la yès be kəŋ ə diʼi a mfi la yès ə kwʉ̀ʼʉ̀ li ə ndiʼ viʼi ntɨm. Yès ə kòŋ la ghə̀ŋ nkɨ kənyʉ̀ ki a ghə̀ŋ diʼi ə nsaŋlə̀ kumə yès byìʼì kəwenkə ndiʼ ghə̀ŋ kɨ ji ə bwensə viʼi vyi a və kumə kədyʉ̀ʼ to byìʼì ji yì a və yenə wìʼ fa tsù, ko və kɨ ətyɨm ə wen.

2 Kolìntyàns 7:14

Ma tə kùm kədyʉ̀ʼ a wen byìʼì ghə̀ŋ ali ghə̀ŋ kò tə diʼsə kətʉ komkə. Yès tə gaʼa to nəmwèʼè a ghə̀ŋ. Nò tèbe ghò yi a yès tə gàʼ a Taytùs kumə ghə̀ŋ, kə tə be fʉ to nəmwèʼè.

2 Kolìntyàns 7:4

Ma shɨtə kɨ ghə̀ŋ, ma ko momə̀ ghə̀ŋ momə̀. Ma saŋlə no nànto kumə ghə̀ŋ, tyɨm ə ghomə zhʉ̀tə̀ no nànto byìʼì ghə̀ŋ, be boŋsə saŋlə to saŋlə a ntìntìn ngəʼ shisə a yès nyenə.

2 Kolìntyàns 7:6

Alì Nyìngòŋ yi a ghə̀ bwaʼa sə tətyɨm tə viʼi a və kaynə mbyi li, wye tyɨm ə yèsə ando Taytùs nvi a yès.

Gàlesìyà 6:4

Nò ndò shɨtə lye nyʉ̀ a ghə̀ ne. Sətsen nyʉ̀ vyi mbù, ghə̀ a kumə kədyʉ̀ʼ kə wen, ko diʼ ghə̀ shəʼmə wenə wìʼ tsen,

Filìbàyns 3:1

Ə myètə̀ a vəlèmə̀ vwomə, ghə̀ŋ ə nsaŋlə̀ la ghə̀ŋ dìʼ a kənyʉ̀ kə mùʼ wenə və Bobo. Kə ko ku ngəʼ à mò ə mà be ə̀ zòmtə nyòʼ ənyʉ̀ à ghə̀ŋ a mà sə̀ diʼ mu mà nyòʼò li. Ə nyʉ̀ avenə be a ntsɨ̀ŋə̀ ghə̀ŋ.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Filìbàyns 4:10

Ando mà diʼi yo Bobo, ma saŋlə̀ no nkàyn byìʼàndo ghə̀ŋ ə be dìʼ à mò luwèn la ghə̀ŋ tuʼmə nè mò no tèbe ando kəghaf kə dyʉ̀ li. Mà kɨ li la ghə̀ŋ tə nkiʼ ə tyɨmə tuʼmə nè mò alì jì ə ko tə ndiʼ.

Filìbàyns 4:4

Ghə̀ŋ ə saŋlə̀ a Bobo no mənzhʉ̀ tsèm. Mà gàʼà be kùmtə̀ la ghə̀ŋ ə nsaŋlə̀.