Filìbàyns 1:20 - The New Testament in the Babanki language

²⁰ Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

Filìbàyns 1:20 ပူးပေါင်းရင်းမြစ်များ

Joyn 21:19

Yesò ə gàʼa alə̀, diʼi ji yì a Bità lu pfʉ fa tsù, ghə̀ vi nə̀ əkuʼsə a Nyìngòŋ. Yesò ə gàʼa ali, ə be mu gàʼ la, “dzɨ̀mtə̀ mò.”

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Shwèʼ 21:13

alì Bol bwènsə̀ gàʼ la, “Ghə̀ŋ ə nè ghò lə̀? Byìʼì ghò a ghə̀ŋ ə ku ngəʼ à mò a tyɨm a? Mà ko kə̀ʼtə̀ ə və kwiʼ mò tò kwiʼi a Jelusalèm, mà kə̀ʼtə̀ əpfʉ tè pfʉ byìʼì Bobo Yesò.”

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 5:5

Vəghəŋ zizi ko və lu ə gho kəfo na kènkə a və ki dyʉ̀sə̀ nə̀ kəwenkə lə byìʼì ando Nyìngòŋ ə kù li Kəzhwì kə Ŋwoʼkə, kə sə diʼi kòŋ ə wen a vəghəŋ.

Lumans 6:13

Kə ghə̀ŋ ne moʼtə kəshi kə wen ə ghə̀ŋ no to kə muʼ la ghə̀ ne mbyɨ. Kə ghə̀ŋ moʼtə kəshi kə wen kətsen ə ndiʼ kəfo kəshyèʼ a nyʉ̀ ə byɨvə. Ghə̀ŋ boŋsə ku mwetə təwen ə tyəŋtə a Nyìngòŋ to nə̀ viʼi vyi a və lùsə li vəwenə fa pfʉ, və sə tsi. Ghə̀ŋ ku mwetə təwen ə təŋtə a Nyìngòŋ ə ndiʼ əfo əshyèʼ ə nyʉ̀ tɨməvə.

Lumans 6:19

Ma gaʼa shəʼmə nə̀ nyʉ̀ a və diʼ to no ghə̀ŋ a ntìntìn byìʼì ando ətof ə ghəŋə bo temsə̀ kumə nyʉ̀ kəzhwì. A ə ndiʼ fa mbì, mu ghə̀ŋ ku li təwen ətəŋtə shəŋsə a əkòs a mbyɨ ə sə nè dyʉ̀ to nə̀ nyʉ̀ kəməŋ ə be tuʼ nè dyʉ̀ to nə̀ nyʉ̀ ə byɨvə ə tsenəvə. Ma sə gàʼa luwen la ghə̀ŋ ku təwen ətəŋtə a əkòs ə tuʼ nè dyʉ̀ nə̀ nyʉ̀ ə tɨmə və ndiʼ ntsìnə̀ shəŋsə layn ə mwetə ashɨ Nyìngòŋ.

Lumans 8:19

Nò əfo ə tsèm a Nyìngòŋ ə shɨtə ə bvɨtə no nànto la Nyìngòŋ ə diʼ nkàyntə̀ a vunə wen.

Lumans 9:33

to ndə̀ŋndəŋ ando və nyoʼo li la: “Ghə̀ŋ yen na! Ma wʉ̀ ngùʼ a ntə̀ʼ Zayòn, viʼi diʼ ə kòyntə tsu. A diʼi təwu, diʼ ə nè la viʼi ə nfəŋkə ali mu à byɨmə no ndo a wen, ko ghə̀ lu ə diʼsəkətʉ.”

1 Kolìntyàns 15:31

Ma ti to kəʼ pfʉ no mətsi ə ntsèm a vəlemə vwomə! Ma gàʼà alə̀, naynə kumə ghə̀ŋ byìʼì ando vye Yesò, ə Bobo vəghəŋ diʼ to kənyʉ̀ kə mùʼ.

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

1 Kolìntyàns 7:34

Ghə̀ ne ko ghə̀ be ə kiʼ əkwoʼtə ə mùʼ. Wùwì yi a ghə̀ ko lam kò wàyn ə wùwì a ghə̀ ko lam ə lɨ̀mtə̀ a nyʉ̀ ə Bobo diʼ nə̀ laynə a wen a wèn be diʼ nə̀ laynə a kəzhwì, ali wùwì lamə ghʉ̀ kətʉ to nyʉ̀ ə mbyi a və a nè la lɨm ə wen ə nsaŋlə.

2 Kolìntyàns 10:8

Bobo ku li kədyòʼ a mò a ghə̀ŋ a kətʉ̀, mu mà sətsèn ə nkumə tebe kədyʉ̀ʼ kumə kədyòʼ na kì, ko ma diʼsə kətʉ byìʼì ando ghə̀ ku la mà kwisə ghə̀ŋ a ghə̀ŋ a byɨmə nə̀ kəwenkə, ghə̀ ko ku la ma mbyɨsə ghə̀ŋ byɨsə nə̀ kəwenkə

2 Kolìntyàns 3:12

Ando yès ə kɨ nəmwèʼè la kənyʉ̀ kə məkàyn mə mfimə̀ ə chò kə ə məkàyn mə mumə̀. A le kənyʉ̀ ki a yès ə shə̀ʼtə̀ ntɨm a ghèn, ko yèsə fwàynə̀.

2 Kolìntyàns 4:10

Yès zi yès ə pfʉ̀ no zhʉ̀ko, to ndə̀ŋndəŋ ando Yesò mpfʉ̀, ndi viʼi ə yenə la yès ə kiʼi ntsìnə̀ Yesò.

2 Kolìntyàns 5:15

Yesò ə mpfʉ̀ to a viʼi və tsèm ndiʼ viʼi sə ntsi ko və be ntsi a ji yi a vəwenə kòŋ, ali ntsi to byìʼì Yesò. Kə diʼ alə̀ byìʼì ando Yesò mpfʉ̀ byìʼì vəwenə və bwensə lùsə̀ wen fa pfʉ̀.

2 Kolìntyàns 7:14

Ma tə kùm kədyʉ̀ʼ a wen byìʼì ghə̀ŋ ali ghə̀ŋ kò tə diʼsə kətʉ komkə. Yès tə gaʼa to nəmwèʼè a ghə̀ŋ. Nò tèbe ghò yi a yès tə gàʼ a Taytùs kumə ghə̀ŋ, kə tə be fʉ to nəmwèʼè.

2 Kolìntyàns 7:4

Ma shɨtə kɨ ghə̀ŋ, ma ko momə̀ ghə̀ŋ momə̀. Ma saŋlə no nànto kumə ghə̀ŋ, tyɨm ə ghomə zhʉ̀tə̀ no nànto byìʼì ghə̀ŋ, be boŋsə saŋlə to saŋlə a ntìntìn ngəʼ shisə a yès nyenə.

Filìbàyns 1:14

Ngə̀ŋ nfɨŋ ghèn a ma diʼi tsu nè li viʼi və byɨməvə be tuʼ ku tətyɨm tə vəwenə a Bobo. Vəwenə sə shə̀ʼtə̀ ntɨmə Nyìngòŋ luwen nə̀ ətyɨm ə toghə, ko və fwàynə̀ tebè wìʼ.

Filìbàyns 2:17

Mà ne saŋlə̀ be nàynə̀ vəghəŋ a muʼu. Və sətsèn ə̀ zhwì tè mò luwèn mənlyuŋ ə̀ mwomə̀ à dyʉ̀ kwʉ̀ʼsə̀ kəku kì a ghə̀ŋ ə ku à Nyìngòŋ byìʼì əbyɨmə ghəŋə.

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

1 Bità 4:16

Alì, sətsen wìʼ ə fa ghə̀ŋ ə yenə ngəʼ byìʼì ando ghə̀ dzɨ̀mtə̀ Yesò, kə ghə̀ a diʼsəkətʉ, ghə̀ ə boŋsə kuʼsə to Nyìngòŋ byìʼì ando ghə̀ byɨmə azhiʼ ə Yesò.

1 Joyn 2:28

Ghə̀ŋ faŋ tò à Klistò luwèn a vunə ndi ghə̀ lù sə bvʉ̀tə fʉ̀, vəghəŋ nti a nkàyn ko a ndiʼ la vəghəŋ ə ndìʼ ne kətʉ kədìʼkə̀ a zhʉ a ghə̀ vì.