Filìbàyns 1:18 - The New Testament in the Babanki language

¹⁸ Alì ngəʼ ko diʼ! Ko wìʼ nshə̀ʼtə̀ ntɨm ə Yesò zhuŋsə ne tèbe nè, kò ghə̀ ne nəmwèʼè, ma saŋlə byìʼì ando vəwenə shə̀ʼtə̀ ntɨm ə jùŋ Yesò ghə̀ kwi dyʉ̀ to ambì.

Filìbàyns 1:18 ပူးပေါင်းရင်းမြစ်များ

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Ŋwàʼlə̀ Mak 12:40

Vəwenə lu nkòŋə̀ əshi fo ki mpfʉ tò tsèm, bɨ̀lə̀ jɨ̀mə̀ jɨm lotəghə ndi diʼ la vəwenə diʼ viʼi və jùŋ və, Nyìngòŋ lu ku ngəʼ byɨ a vəwenə.”

Ŋwàʼlə̀ Luk 9:45

Vəwenə nko zhʉ ə kɨ kənyʉ̀ a kènkə a ghə̀ ngàʼà no fa mpfen byìʼàndo à sə ndiʼ alì mu və neli la kə vəwenə a zhʉ kɨ. Vəwenə mù sə fàynə ə bèm à wen la kənyʉ̀ kènkə shə̀ʼtə̀ la ghò lo?

Ŋwàʼlə̀ Luk 9:50

Yesò gàʼ à wen la, “Kə ghə̀ŋ bè tàm wen byìʼàndo wìʼ yì a ghə̀ ko soynə ghə̀ŋ diʼ à ghə̀ŋ a shə.”

Lumans 3:9

Və zizi və gàʼ mwetə la gho? La vəghəŋ viʼi Jus ə chò viʼi vətsenvə mu? Kə ko diʼ ali no fa mphen. Kə diʼ to ando mà sə diʼ mù ma diʼi li ə làynsə la viʼi Jus nə̀ viʼi ətɨm ə tsèntə diʼ to viʼi nyʉ̀ ə byɨvə no vətsèm.

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

1 Kolìntyàns 10:19

A ghə̀ŋ lə zhʉ̀ kɨ no tèbe kənyʉ̀ kì a ma gàʼà a? Ma gàʼà ə boʼ la əfo ə zhɨvə vyi a və moʼo a əse a nshəʼsə ə diʼ no kəfo kə tsenkə mu, la no nshəʼsə a vyi diʼ kəfo lo?

1 Kolìntyàns 14:15

Kə sətsèn ndiʼ alə̀, ma ne a le? Kəzhwì ə kòmkə diʼ ə njɨ̀mə̀, kwoʼtə ə ghomə be jɨ̀mə̀, kəzhwì ə kòmkə ə zhɨmə ndzàŋ, kwoʼtə ə ghomə zhɨmə.

1 Kolìntyàns 15:11

Kə diʼ la, kò a nshə̀ʼtə̀ mò shə̀ʼtə̀ ntɨm ə jùŋ a ghə̀ŋ, kò à ə̀ shə̀ʼtə̀ viʼi vətsenvə na vyi, kənyʉ̀ kətokə diʼ to la, və nshə̀ʼtə̀ li, ghə̀ŋ byɨmə.

Filìbàyns 1:19

Ma saŋlə byìʼì ando ma kɨli la əjɨ̀m ə ghəŋə nə̀ gyamtə kəzhwì kə Yesò Klistò kə gyàmtə̀ mà nè bwòŋ ə fʉ̀ fa nfɨŋ ashə.