Filìbàyns 1:14 - The New Testament in the Babanki language

¹⁴ Ngə̀ŋ nfɨŋ ghèn a ma diʼi tsu nè li viʼi və byɨməvə be tuʼ ku tətyɨm tə vəwenə a Bobo. Vəwenə sə shə̀ʼtə̀ ntɨmə Nyìngòŋ luwen nə̀ ətyɨm ə toghə, ko və fwàynə̀ tebè wìʼ.

Filìbàyns 1:14 ပူးပေါင်းရင်းမြစ်များ

Ŋwàʼlə̀ Mak 3:3

Yesò gàʼ à wù mpfʉ̀ kwòŋ ayì la, “chò vì a shèn.”

Ŋwàʼlə̀ Luk 1:74

Ndi nè la ando və bwòŋsə li vəghəŋ fa avu viʼi kəbàyn vəghəŋ, vəghəŋ shə̀ʼ a wen kenə fàynə,

2 Kolìntyàns 3:12

Ando yès ə kɨ nəmwèʼè la kənyʉ̀ kə məkàyn mə mfimə̀ ə chò kə ə məkàyn mə mumə̀. A le kənyʉ̀ ki a yès ə shə̀ʼtə̀ ntɨm a ghèn, ko yèsə fwàynə̀.

2 Kolìntyàns 7:4

Ma shɨtə kɨ ghə̀ŋ, ma ko momə̀ ghə̀ŋ momə̀. Ma saŋlə no nànto kumə ghə̀ŋ, tyɨm ə ghomə zhʉ̀tə̀ no nànto byìʼì ghə̀ŋ, be boŋsə saŋlə to saŋlə a ntìntìn ngəʼ shisə a yès nyenə.

Efisyàns 3:13

A lə kənyʉ̀ kì a ma gaʼa a ghə̀ŋ la kə ghə̀ŋ a bwaʼ byìʼì ngəʼ yì a ghə̀ŋ zhʉ̀ la ma yenə byìʼì ghə̀ŋ. Ghə̀ŋ diʼ ə kɨ la nyʉ̀ a vyi ə diʼ to ghə̀ŋ a njùŋ.

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

Filìbàyns 1:7

Mà zizi ko ma lu faŋ ke ə̀ ku to alə kumə ghə̀ŋ və tsèm byìʼì ando ma kòŋ ghə̀ŋ nəkwoŋ. Nyìngòŋ ə tom li kəvu, vəghəŋ sə ə̀ shyèʼ to muʼ, kò ma diʼ a nfɨŋ, kò ma ti nchwò nsòʼ kumə ntɨm ə jùŋ. Nyìngòŋ diʼi li ətyɨm ə jùŋ ghə̀ ə wen a vəghəŋ no vətsèm ando vəghəŋ ə shwèʼ a wen.

Filìbàyns 4:1

Vəlèmə vwomə mà gàʼà à ghə̀ŋ a la, mà kòŋə̀ ghə̀ŋ no nkàyn be kòŋə̀ əyen ghə̀ŋ. Ghə̀ŋ ə nè mà saŋlə̀ no nkàyn. Ghə̀ŋ dìʼ əmoʼtə shyèʼ ə̀ mò. Mà kuʼsə̀ əwen ə ghomə byìʼì ghə̀ŋ. Vəlèmə vwomə ma kòŋ Luwen ghə̀ŋ diʼi tɨmə tò a ghə̀ŋ əbyɨmə a Bobo.

Kòlòsyàns 4:4

Ghə̀ŋ ne njɨ̀mə̀ la mà shə̀ʼtə̀ làynsə ntɨm na ghèn a ji yi a ma diʼ ə shə̀ʼtə̀ fa tsù.

Kòlòsyàns 4:7

Lèmə̀ əkòŋ vəghəŋ Tikikùs a əshəʼtə əsoʼgho ə tsèm a ghə̀ŋ kumə mò. Yès ə tsèntə shwèʼè a Bobo amuʼ, ghə̀ shwèʼè to no nə̀ ətyɨm ə wen ə tsèm.

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.

2 Timotì 2:9

Mà yenə ngəʼ, və shwinə̀ mò a nə̀ wù ə mfɨŋ alə tò byiʼ ando ma ziʼi ntɨm ə jùŋ à viʼi. Alì kənyʉ̀ kə Nyìngòŋ a kenkə ə diʼ mu və zi ko və lu shwìn.