Filìbàyns 1:11 - The New Testament in the Babanki language

¹¹ Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.

Filìbàyns 1:11 ပူးပေါင်းရင်းမြစ်များ

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Joyn 15:16

A ko tə tsuʼ ghə̀ŋ tsuʼ mo. A tə lù mò tsuʼ ghə̀ŋ ə tɨm la ghə̀ŋ dyʉ̀ ə kumə ashɨ, a diʼ a yi a ghə̀ zizi ghə̀ tsi faŋ. Ghə̀ŋ nè ali, Tìʼ ghom a ku no tèbe ghò yi a ghə̀ŋ bèmə fa wen chò fa mo azhiʼ.

Joyn 15:2

chwaynə maʼ tətam titə a tə ko kumə ashɨ a mo wèn, tsùʼtə fo fa tətam a tyi a tə ko kumə ashɨ, ndiʼ tə tuʼ kumə.

Joyn 15:8

A ndiʼ a azhʉ̀ a ghə̀ŋ kumə ashɨ to kədə̀ŋ, diʼi la ghə̀ŋ diʼ ndzɨ̀mtə̀sə bàm ə mo, no mbyi ə tsèm yen kədyòʼ kə Tìʼ ghom.

Lumans 15:28

Ma dyʉ̀ yen vəwenə ə ku əko na ghenə no zhʉ̀ ko ə sə dyʉ̀ a Sɨ̀ben ə chò ghayntə ghə̀ŋ mibu dyʉ̀.

Lumans 6:22

A diʼ luwen mu və bwoŋsə li ghə̀ŋ fa mbyɨ, ghə̀ŋ sə ə boŋsə diʼ əkòs a Nyìngòŋ, əse yi diʼ la ghə̀ŋ sə tsi ətsìnə̀sə laynə sə, diʼ lu kiʼi ntsìnə̀ yì a ghə̀ ko lu mè.

1 Kolìntyàns 10:31

Kə lə diʼ la, ghə̀ŋ sə nzhɨ̀ no tèbe ghò, kò ghə̀ŋ nyʉ nyʉ, kò ghə̀ŋ nè no tèbe ghò, ghə̀ŋ ne to ə ku kuʼsə a Nyìngòŋ.

2 Kolìntyàns 9:10

A kù Nyìngòŋ ku ngwaʼ a viʼi la və we, a ku to wen ku əfo ə zhɨvə, a diʼ to wen ə ku ə kwʉ̀ʼsə ngwaʼ a ghə̀ŋ, a ghə̀ŋ a ntsìnə̀sə ndiʼ ghə̀ŋ we ə na pfì jùŋ no ghoʼo.

Efisyàns 1:12

Ghə̀ ntsùʼ alə ndiʼ yès vyi a yes ə mbyɨmə Yesò a ambì nə̀ ji yi a yes tsi nè viʼi və tsevə bwomsə Nyìngòŋ byìʼì kədyòʼ kì a ghə̀ kiʼi li.

Efisyàns 1:14

Kəzhwì kə ŋwoʼkə a ki kə diʼ nchwi ə diʼ la zhʉ ə lu kwʉ̀ʼ, a vəghəŋ a kiʼi kəfo kì a Nyìngòŋ əghʉ a viʼi wen, ali nakènkə nè yes kɨ la Nyìngòŋ ne nè no a ndò a diʼ wù wen ntsentə diʼ to fa wen ngəŋ. Vəghəŋ kuʼsə Nyìngòŋ byìʼì kədyòʼ kə wen.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Efisyàns 5:9

Ma gàʼà alə̀ byìʼì ando no fè a əbayn ə diʼ tsu, ə nyʉ̀ ə jùŋə və ə fʉ̀ kuʼu tsu, viʼi tsi ətsìnə̀sə tɨməsə be ne to ə nyʉ̀ vyi a və diʼi nəmwèʼè.

Filìbàyns 4:17

Mà ko gàʼà a lə̀ la mà be kəŋə la ghə̀ŋ ku kəfo à mò, mà bòŋsə̀ kəŋə la Nyìngòŋ kwʉʼsə̀ mòʼtə̀ ə ghəŋə.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

Kòlòsyàns 1:6

Ntɨm ə jùŋ ghèn ə dyʉ̀ no shì ə tsèm a mbi, ghə̀ be vi nə̀ kwitə a viʼi a ntsìnə̀sə. Ntɨm ayi nvi li nə̀ kwitə a ghə̀ŋ ə zìtə̀ fa achʉʼ yi a ghə̀ŋ ə nzhʉ əkɨ nəmwèʼè kumə ətyɨm ə jùŋə Nyìngòŋ.

2 Tèsàlonyà 1:12

Ghə̀ŋ sətsen ə nè alə, ghə̀ŋ ne ku zhiʼ ə ghoʼoghə a Bobo vəghəŋ Yesò, ghə̀ nè, ghə̀ŋ ə boŋ kiʼi əkuʼsə. Ənyʉ̀ na venə ə kwʉ̀ʼ byìʼì ando Nyìngòŋ ə vəghəŋ wenə Bobo Yesò Klistò ə kiʼi ətyɨm ə jùŋə ghə̀ a ghə̀ŋ.

Taytùs 3:14

Viʼi və byɨməvə vəghəŋ diʼ əmwòmsə̀ ənè tò ənyʉ̀ juŋəvə, kiʼ ə̀fo, vəwenə ngyàmtə̀ viʼi a vəwenə ko kiʼ. Kə vəwenə à ntsi ntsìnə̀ a ghə̀ ko kiʼ əse.

Hibùlù 12:11

A zhʉ və tisə wìʼ nə̀ ngwàyn, ghə̀ sə zhʉ kəzaf, ko ghə̀ lə saŋlə, və tisə sə mwetə, ghə̀ ziʼi kənyʉ̀, kə nè la ghə̀ tsi ntsìnə̀ kənyʉ̀ kətɨməkə, be kiʼ ətyɨm ə zhʉ̀tə ghə̀.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

1 Bità 2:5

Ghə̀ŋ be boŋsə diʼ to nə̀ nguʼsə a sə tsi. Kə le diʼi la və diʼ ə lyɨ̀ ghə̀ŋ ə bwòm ngə̀ŋ Nyìngòŋ tsu, la ghə̀ŋ ə diʼ vəpfèm ngə̀ŋ Nyìngòŋ və laynəvə, ku kəku kə kəzhwì a Nyìngòŋ a kə kʉʼʉ, chò fa a Yesò Klistò.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

1 Bità 4:14

Viʼi sətsen ə telə ghə̀ŋ byìʼì ando ghə̀ŋ diʼi ndzɨ̀mtə̀sə bàm ə Yesò, ghə̀ŋ ə saŋlə to saŋlə byìʼì ando nakèn kə ə diʼi la kəzhwì kə kaynə kə, a diʼ kəzhwì kə Nyìngòŋ kə diʼ a ghə̀ŋ.