Efisyàns 6:9 - The New Testament in the Babanki language

⁹ Vətiʼ və əshwèʼ, ghə̀ŋ mbe boŋ shɨtə ghaʼa əkòs ə vəghəŋ akàyn. Kə ghə̀ŋ ə̀ nkàyntə̀ nyʉ̀ a vəwenə. Ghə̀ŋ ə kɨ la wìʼ yi a ghə̀ diʼi tìʼ shwèʼ a ghə̀ŋ nò və tsèm diʼ akàŋ, lyɨ no ndò to ndə̀ŋndəŋ.

Efisyàns 6:9 ပူးပေါင်းရင်းမြစ်များ

Matìyò 22:10

Viʼi shwèʼ a vyi fʉ̀ dyʉ̀ dzàŋtə̀ no məndò a vəwenə nyenə, viʼi və byɨvə nə̀ və jùŋvə vì lwin a ngə̀ŋ lam ayì.”

Matìyò 22:8

Ghə̀ mù gàʼ à viʼi shwèʼ wen vətsenvə la və baʼtə li kəzhɨ kə lam kèn kə mwetə alì viʼi vi a ma tə̀ làʼà lì ko kwʉ̀ʼ əvì.

Matìyò 24:48

Mu wù shyèʼ ayì sətsèn ndiʼ ghə̀ byɨ, ghə̀ à kwòʼtə̀ tò fa wen ngə̀ŋ la tì shyèʼ ko a zàŋsə pfwo,

Matìyò 24:51

ə̀ lyomsə wen no a ji byɨ ə̀ we wen a nòyn viʼi vyi a və bɨ̀lə̀ ashɨ viʼi nə̀ nè nyʉ̀, wenə̀ vəwenə nlyuŋlyuŋ dì be pfiʼi asoŋ.”

Matìyò 7:12

“Kə diʼ la ghə̀ŋ ə ne no ghò yi a viʼi a ghə̀ŋ kòŋ la və ə ne a ghə̀ŋ. Əkenkə ə diʼ kətʉ kənyʉ̀ kì a Əsoʼ ə Mosìs nziʼi. Nshə̀ʼtə̀sə ghoʼkə sə ə tsentə gàʼa.

Ŋwàʼlə̀ Luk 6:31

Ghə̀ŋ nè tò nyʉ̀ à viʼi a ghə̀ŋ kòŋ la vəwenə nè à ghə̀ŋ.

Joyn 13:13

Ghə̀ŋ toŋtə mò la ndìʼsə̀, be toŋtə la Bobo, kə diʼ to nəmwèʼè.

Shwèʼ 10:34

Bità gàʼ la, “Ma kɨ li nəmwèʼè luwèn la Nyìngòŋ ə lyɨ̀ viʼi vətsèm tò ndə̀ŋndəŋ;

Lumans 2:11

Kə diʼ li byìʼì ando Nyìngòŋ ə soʼo viʼi və tsèm to ndə̀ŋndəŋ, ko ghə̀ lu lye la ghə̀ fʉ̀ fa lòʼ ə kò lo.

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

1 Kolìntyàns 7:22

Wìʼ ndiʼ la ghə̀ ndiʼ kəkòs mibu Bobo dzàŋə wen mu ghə̀ sə diʼ fa ngeŋ, ndə̀ŋndəŋ ando ghə̀ sə dzàŋ wìʼ, ghə̀ diʼ fa ngeŋ, ghə̀ sə diʼ kəkòs a Yesò.

Kòlòsyàns 3:25

Ghə̀ lu bwensə loʼ no tèbe wù byɨ ə kò to nə̀ ndə̀ŋndəŋ mbyɨ yi a ghə̀ nè. Ghə̀ ko lyɨ tebè wìʼ ə tsen nəkwoŋ.

Kòlòsyàns 4:1

Ghə̀ŋ ghaʼa viʼi vyi a və shwèʼè a ghə̀ŋ a jisə jùŋsə a vətiʼ və əshwèʼ, be ku əfo vi a vəwenə diʼ ə kiʼ. Ghə̀ŋ kɨ la ghə̀ŋ be kiʼi tìʼ shwèʼè akàŋ.

Jems 2:13

Nyìngòŋ ko lu nkiʼ kusə nshinsə a zhʉ a ghə̀ soʼo no tè ndò a ghə̀ ko dìʼì kusə nshinsə à viʼi, alì wìʼ yì a ghə̀ dìʼì kusə nshinsə ko diʼ ə mfànə̀ nsoʼ.

Jems 2:8

Soʼ toghə a ghə̀ diʼì a ŋwàʼlə̀ Nyìngòŋ dìʼ la, “Wù diʼì əkòŋ lèmə̀ wù ando wù kòŋə̀ wen ə̀ wu.” Ghə̀ŋ sətsen ə nsù nè a lì mu ghə̀ŋ nè à nkàyn.

Jems 5:4

Ghə̀ŋ zhʉtə a! Viʼi a və shwèʼè təsɨm təŋtə ghə̀ŋ zhɨ təko tə vəwenə dì no a gɨ to, di vəwenə aghenə diʼ mu ghə̀ zaʼa li a tiʼitiʼi Bobo yì a ghə̀ ŋaŋtə li nkwʉʼ.