Efisyàns 6:8 - The New Testament in the Babanki language

⁸ Ghə̀ŋ kɨli la wìʼ ə sətsen nè no tèbe jùŋ ə kò, kò ghə̀ diʼ kəkòs kò ghə̀ ko diʼ, Nyìngòŋ ə lù ku əmòʼtə wen.

Efisyàns 6:8 ပူးပေါင်းရင်းမြစ်များ

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Matìyò 20:7

Vəwenə gàʼ la,“A dìʼ byìʼàndo wìʼ ko yì lyɨ̀ yès a shwèʼ. Ghə̀ gàʼ à vəwenə la vəwenə fʉ shwèʼ a wen ə sɨm yì.”

Matìyò 5:12

Və sə nè nyʉ̀ a venə, ghə̀ŋ saŋlə tò saŋlə byiʼàndo mòʼtə̀ ghoʼo ghə̀ kə̀ʼtə̀ ghə̀ŋ a kàŋ. A ndiʼ tò alì a və ntsuʼ aghʉ nshə̀ʼtə̀ sə ghoʼkəsə sə mbìsə.

Matìyò 6:1

“Ghə̀ŋ tùʼmə̀, la kə ghə̀ŋ a nè nyʉ̀ jùŋ və a zhìʼ Nyìngòŋ tò byìʼì ando ghə̀ŋ kəŋ la viʼi yen ghə̀ŋ. Ghə̀ŋ sə tsèn nè ali, kò Tìʼ ghə̀ŋ a ghə̀ dìʼ a kaŋ lə ku mòʼtə̀ à ghə̀ŋ.

Matìyò 6:4

Kə la diʼi la wù lyɨ kəku, kə wù a ku byìʼì ando wù kəŋ la viʼi yen. Wù ne alì, ə Tìʼ wù yi a ghə̀ yenə ənyʉ̀ ə nlyòmtə və ne ku əmòʼtə ə wu.

Ŋwàʼlə̀ Luk 14:14

Wù sətsèn nè alì mbwaʼmə lu ndiʼ à wù byiʼàndo vəwenə ko lu bwènsə̀ lòʼ wù, Nyìngòŋ lu lòʼ wù a kətsi kyì a viʼi vyì a diʼ viʼi və jùŋə və ashɨ Nyìngòŋ bwènə̀ lù fa pfʉ.”

Ŋwàʼlə̀ Luk 6:35

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

1 Kolìntyàns 12:13

Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Kòlòsyàns 3:24

kɨ la Nyìngòŋ ə na ku moʼtə ghə̀ŋ nə̀ fo vi a ghə̀ ghʉ̀ a viʼi wen. Byìʼì ghə̀ŋ shwèʼè to Bobo.

Kòlòsyàns 3:25

Ghə̀ lu bwensə loʼ no tèbe wù byɨ ə kò to nə̀ ndə̀ŋndəŋ mbyɨ yi a ghə̀ nè. Ghə̀ ko lyɨ tebè wìʼ ə tsen nəkwoŋ.

Hibùlù 10:35

Kə ghə̀ŋ ə kwitə tə tyɨmə ətəŋtə fa a ghə̀ŋ a əbyɨmə yi a ghə̀ŋ kiʼi a Nyìngòŋ. Ghə̀ŋ a kiʼi əmoʼtə azhʉ̀ a ghə̀ŋ zhəʼtə to a wen ə Nyìngòŋ.

Hibùlù 11:26

Mosìs ə nyen li la kə boŋsə boŋ no nànto ə və ntelə wen byìʼì Yesò chò əghoʼ yi ghə̀ nkiʼi alòʼ ə Ijìb. Ghə̀ mboŋsə ki dyʉ̀sə nə̀ əmoʼtə yi a Nyìngòŋ ə ndiʼ lù ku a wen.