Efisyàns 6:23 - The New Testament in the Babanki language

²³ Nyìngòŋ ə, Tìʼ wenə Bobo Yesò Klistò ə ku mbwaʼmə a ghə̀ŋ ə ne la ghə̀ŋ əkòŋmə̀ təwen ə tyəŋtə be mbyɨmə to Klistò.

Efisyàns 6:23 ပူးပေါင်းရင်းမြစ်များ

Joyn 14:27

“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə.

Lumans 1:7

Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

Lumans 15:33

Ma jɨ̀mə̀ la Nyìngòŋ ə Tìʼ mbwaʼmə ə diʼ vye vəwenə. Amèyn.

1 Kolìntyàns 1:3

Nyìngòŋ ə, Tìʼ vəghəŋ wenə Bobo Yesò Klistò diʼi ətyɨm ə jùŋə ghə̀ a ghə̀ŋ, ə be ku mbwaʼmə a ghə̀ŋ.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Gàlesìyà 6:16

Nyìngòŋ ne viʼi vyi a və tsi to ando ma gaʼa, no tebe a viʼi Nyìngòŋ no və tsèm. Ntsìnə̀ mbwaʼmə, be kusə shinsə a vəwenə,

Efisyàns 6:24

Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

1 Tèsàlonyà 5:8

Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.

2 Tèsàlonyà 1:3

Vəlemə, yès nə̀ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ. A diʼ to no kənyʉ̀ kə jùŋ kə a yès ə nè alə byìʼì ando əbyɨmə ə ghəŋə a Yesò ə kwi dyʉ̀ to ambì, ə kòŋ ə ghəŋə be kwi dyʉ̀ to ambì.

2 Tèsàlonyà 3:16

Ma jɨ̀mə̀ luwen la Nyìngòŋ yi a ghə̀ kù mbwaʼmə nè ghə̀ŋ ə kiʼi mbwaʼmə to məzhʉ̀ ə tsèm, kò à fʉ no tèbe ghò. Bobo faŋ to a ghə̀ŋ vətsèm.

1 Timotì 1:14

Bobo vəghəŋ ə ndiʼ li ətyɨm ə jùŋ ghə̀ wen à mò no nànto, ə ne la mà byɨmə à wen ə bè nkiʼ ə kòŋ a ghə̀ lu fà Yesò Klistò.

1 Timotì 1:3

A ndiʼ ando ma lu sə dyʉ̀ a əloʼ ə Macedonia, mà gaʼa a wù la wù faŋ tò a ntə̀ʼ Efesùs. Mà ə kəŋ la wu faŋ tò tsu ə kàyn la viʼi vətsenvə vi ghʉsə əziʼi ə kənwam yi a vəwenə ə ziʼi tsu lì.

1 Timotì 5:8

A sətsen te ndò nyɨŋ la ghə̀ ko tùʼmə̀ nə̀ viʼi ngwaʼ ngə̀ŋ wen, ma tuʼtə gàʼa viʼi ti ngə̀ŋ wen, kə ne diʼi la ghə̀ tensə li ənyʉ̀ vyi a wù ə byɨmə ə diʼ nè mu ghə̀ byɨfə chò no tebe wìʼ yi a ghə̀ ko təmə ə ndiʼ wù ə byɨmə no fa mpfen.

1 Bità 5:14

Ghə̀ŋ toŋtə təwen təŋtə to no a ji ə diʼ əkòŋ ə viʼi və byɨməvə. Ma jɨ̀mə̀ la mbwaʼmə Nyìngòŋ faŋ to faŋ a ghə̀ŋ no vətsen a və byɨmə li a Yesò.

3 Joyn 1:14

Mà kwòʼtə̀ əvi yen wù tò mətsi ghèn yowù besə nyʉ̀ a vyi tò nə̀ chʉ̀.

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.