Efisyàns 6:19 - The New Testament in the Babanki language

¹⁹ Ghə̀ŋ ə njɨ̀mə̀ a mò la Nyìngòŋ əku kənyʉ̀ ə ma shə̀ʼtə̀ a zhʉ a ma kəŋ ə gaʼa, ma kɨ kənyʉ̀ ki a ma zi mà gàʼ, la ma sə shə̀ʼtə̀ ntɨm ə jùŋ yi a viʼi ko kɨ ma nshə̀ʼtə̀ ko ma fwàynə̀ kəfo.

Efisyàns 6:19 ပူးပေါင်းရင်းမြစ်များ

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Shwèʼ 14:3

Byìʼì alə̀, Bol wenə̀ Balnabas tsi tsu no alə̀, gàʼà nyʉ̀ byìʼì Bobo kè nə̀ faynə. Bobo dìʼ la ntɨm yì a vəwenə nziʼi byìʼì boŋə tyɨm Nyìngòŋ ndìʼ nəmwèʼè, ə̀ kù kədyòʼ la vəwenə ndìʼì chwitə be nè nyʉ̀ kanəvə.

Shwèʼ 18:26

Blisilyà wenə̀ Akwilà nè zhʉ̀ ziʼi yi a ghə̀ nziʼi nə̀ tyɨmə toghə a ngə̀ŋ ntsèntə̀ ə̀ gàʼ la Abolòs vì a vəwenə ngə̀ŋ. Ghə̀ vì, vəwenə shɨ̀tə̀ shə̀ʼtə̀ jì yì a wen a Nyìngòŋ kəŋ la viʼi ntsi fa tsu.

Shwèʼ 19:8

Fà yì a bàm, Bol sə dyʉ̀ kwenə a tì ngə̀ŋ ntsèntə̀ gàʼà wenə̀ Vəjew a tì vəsàŋ vətaʼ nə̀ tyɨm toghə, soʼtə̀ nyʉ̀, kəŋə la vəwenə byɨmə la kənyʉ̀ kì a yi gàʼà byìʼì soʼ fòn Nyìngòŋ diʼ nəmwèʼè.

Shwèʼ 2:4

Kəzhwì kə Ŋwoʼəkə kwen à vəwenə a tətyɨm ə̀ nè no mə ndò a ghə̀ ndiʼì tsu zìtə̀ sə̀ gàʼà gaʼa Loʼo kədyàŋ ando kəzhwì akì ntensə wen la ghə̀ gàʼ.

Shwèʼ 28:31

be shə̀ʼtə̀ nyʉ̀ byìʼì soʼ fòn Nyìngòŋ, ziʼì byìʼì Bobo Yesò Klistò. Ghə̀ ngàʼà nə̀ tyɨm toghə kò a ndiʼ la kəfo kətsenkə tàʼsə̀ wen.

Shwèʼ 4:13

Bità gàʼ a lì, viʼi a vyi yen nki tətyɨm tətotə tì a wenə̀ Joyn nkìʼ be kɨ la vəwenə diʼ to mbʉ viʼi byìʼàndo vəwenə nko kɨ ŋwàʼlə̀. A ndìʼ a zhʉ ayì a vəwenə mù be kɨ̀ la Bità wenə̀ Joyn ndìʼ viʼi jèʼè Yesò.

Shwèʼ 4:29

Luwèn a Bobo, kwòʼtə̀ byìʼì nyʉ̀ venə a və gàʼà baŋsə yès tsu lə̀ ə̀ kwʉ̀ʼsə̀ kədyòʼ à yès ə viʼi shwèʼè wù ndi yès nshə̀ʼtə̀ ntɨm wù kènə̀ fwaynə.

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

Shwèʼ 9:27

Balnabas mù vì gyàmtə̀ wen ə̀ lyɨ̀ wen ə̀ dyʉ̀ nə̀ wen à viʼi ntɨm Yesò ə̀ shə̀ʼtə̀ laynsə à vəwenə ando Saul tə yen Bobo a jì ando ghə̀ tə ndyʉ̀ a Damaskus, ghə̀ gàʼ à wen. Balnabas bè gàʼ ando Saul shə̀ʼtə̀ li ntɨm jùŋ a Damaskus byìʼì Yesò nə̀ tyɨmə toghə.

Shwèʼ 9:29

Ghə̀ ngàʼà be soʼtə̀ nyʉ̀ wenə̀ Vəjew vi a və ngàʼà gaʼa Glis. Vəwenə mù zìtə̀ sə baʼtə̀ əzhwi wen.

Lumans 15:30

Ma sensə ghə̀ŋ a vəlemə vwomə la ghə̀ŋ ə jɨ̀mə̀ a mò no nə̀ kədyoʼkə. Ghə̀ŋ ə jɨ̀mə̀ byìʼì ando vəghəŋ ə kiʼi to əbyɨmə ə mùʼ a Bobo vəghəŋ Yesò Klistò, kəzhwì kə Ŋwoʼkə be nè la vəghəŋ ə̀ kòŋ təwen tə vəghəŋ.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

1 Kolìntyàns 1:5

Yesò ne li la ghə̀ŋ ə nkiʼ əfo ə juŋəvə no tsèm, shɨtə kɨ ə shə̀ʼtə̀ ntɨm ə Nyìngòŋ, be kiʼi ətof no ə tsèm.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

1 Kolìntyàns 4:1

Viʼi ə diʼ ə̀ nlyɨ̀ mo Bol wenə Abolòs to nə̀ viʼi ə shyèʼ ə Yesò vyi a və ku li nyʉ̀ ə lyomtəvə vyi a və kùmə̀ Nyìngòŋ a vəwenə kəvu.

2 Kolìntyàns 1:11

Ghə̀ ne bwòŋsə yès byìʼì ando ghə̀ŋ ne ngyàmtə̀ əjɨ̀m a yès. Byìʼì na kenkə nghoʼo viʼi ne nku kəzòŋ byìʼì ando ghə̀ zhʉ li ə jɨ̀mə̀ viʼi no kədə̀ŋ la yès ə ndiʼi a nkàyn.

2 Kolìntyàns 3:12

Ando yès ə kɨ nəmwèʼè la kənyʉ̀ kə məkàyn mə mfimə̀ ə chò kə ə məkàyn mə mumə̀. A le kənyʉ̀ ki a yès ə shə̀ʼtə̀ ntɨm a ghèn, ko yèsə fwàynə̀.

2 Kolìntyàns 6:11

Yès ə gàʼà li a ghə̀ŋ a viʼi Kolìn to a ndayn, be kòŋ ghə̀ŋ no nànto.

2 Kolìntyàns 7:4

Ma shɨtə kɨ ghə̀ŋ, ma ko momə̀ ghə̀ŋ momə̀. Ma saŋlə no nànto kumə ghə̀ŋ, tyɨm ə ghomə zhʉ̀tə̀ no nànto byìʼì ghə̀ŋ, be boŋsə saŋlə to saŋlə a ntìntìn ngəʼ shisə a yès nyenə.

2 Kolìntyàns 8:7

Ghə̀ŋ diʼ mu ghə̀ŋ shə̀tə̀ li mbyɨmə ə sə be shə̀tə̀ shə̀ʼtə̀ kənyʉ̀ kə Nyìngòŋ be kiʼ ətof no nànto. Ghə̀ŋ shətə li ghʉ kətʉ ə kəŋkə̀ a kənyʉ̀ kə Nyìngòŋ ə sə be kòŋ yès no nànto. Ghə̀ŋ shətə li ghaʼ kəku na kenkə a diʼi shyèʼ ə jùŋghə na ghenə.

Efisyàns 1:9

Nyìngòŋ ə nè li la vəghəŋ kɨ nyʉ̀ mu ghə̀ baʼtə̀, a sə kɨ to wen. Ghə̀ mbaʼtə nyʉ̀ a venə la və fʉ̀ chò fa a Yesò, mu à nkòŋ to wen la kə ə̀ ndiʼ a ji a ghèn.

Efisyàns 3:9

be shə̀ʼtə̀ diʼ laynsə ji yì a shwèʼ ə kaynə ghə̀ Nyìngòŋ a ghenə nə̀ jèʼe fa tsù a no ndò. Nyìngòŋ yi a ghə̀ shɨtə əfo ə tsèm ə nko ndiʼi a no wìʼ fa viʼi ambì.

Kòlòsyàns 2:2

Ma ne alə̀ ndi vəwenə kiʼ tətyɨm tə totə, ndiʼ to kənyʉ̀ kə mùʼ, kòŋ tə wen tyəŋtə. Ma kəŋ la ghə̀ŋ shɨtə kɨ nyʉ̀ vyi a Nyìngòŋ ə lyomtə ndi ghə̀ŋ tuʼ tə ghaʼ nyʉ̀ na venə ə kiʼ əbwaʼmə ə ghoʼo. Ənyʉ̀ na venə a Nyìngòŋ ə nlyomtə sə diʼ luwen mu ghə̀ diʼi li làynsə a vəghəŋ a diʼ Klistò.

Kòlòsyàns 4:3

Ghə̀ŋ be njɨ̀mə̀ a yes la, Nyìngòŋ ə nè yes kɨ jisə ə shə̀ʼtə̀ ntɨm ə jùŋ kumə ənyʉ̀ ə tò və vi a Nyìngòŋ ə diʼi làynsə a yes kumə Yesò. Ma diʼ a ngə̀ŋ nfɨŋ byìʼì ntɨm ə jùŋ na ghèn a ma shə̀ʼtə̀ lə.

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.

1 Tèsàlonyà 5:25

Vəlemə, ghə̀ŋ nə̀ jɨ̀mə̀ a yès.

2 Tèsàlonyà 3:1

Ə mwetə a vəlemə vyesə, yès ə gàʼa la ghə̀ŋ ə njɨ̀mə̀ a yès ndi yès nè la ntɨm ə jùŋ ə Bobo kwi dyʉ̀ to shì ə tsèm ndi viʼi byɨmə ə nku əkuʼsə a Nyìngòŋ ndə̀ŋndəŋ ando ghə̀ŋ tə byɨmə ə sə ku.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Filimùyn 1:22

Ə kwʉ̀ʼsə, ma sensə la wù shətə kəshi a wù ngə̀ŋ a mò byìʼì ando ma kiʼi əkwòʼtə̀ la, Nyìngòŋ ə na zhʉ jɨ̀mə̀ ə ghəŋə ə nè ə və shisə mo fa nfɨŋ mà be vì vəghəŋ ə ndiʼ.

Hibùlù 13:18

Ghə̀ŋ ne jɨ̀mə̀ to jɨ̀mə̀ a yès. Yès ə kɨ la tətyɨm tyestə ə laynə, yès kəŋ ə ne to kənyʉ̀ kəjuŋkə to mənzhʉ̀ ntsèm.