Efisyàns 6:14 - The New Testament in the Babanki language

¹⁴ Ghə̀ŋ kwiʼ li kənyʉ̀ kì a kə diʼi nəmwèʼè a ghə̀ŋ kənaʼ to nə̀ kətəŋkə, ə̀ ntsi ntsìnə̀ ətɨmə yi a ne kəkəŋtə kəŋkə̀ a ghə̀ŋ kədyʉ̀ʼ ə mbvʉtə.

Efisyàns 6:14 ပူးပေါင်းရင်းမြစ်များ

Ŋwàʼlə̀ Luk 12:35

Yesò be gàʼ à ndzɨ̀mtə̀sə bàm wen la, “Ghə̀ŋ shətə təwen təŋtə ə kə̀ʼtə̀ no ghò a ghə̀ vì,ghə̀ŋ tamə ndisə səŋsə no nkayn bè dyàyn nkaʼtə vəŋə ə bvʉ̀tə̀.

Lumans 13:12

Ə tʉʼ ə layn li, kəbəŋ kə sə laynə mwetə vì. Vəghəŋ maʼa li nyʉ̀ kəbəŋ kə fenəkə ə boŋsə lyɨ̀ fo ghòŋ vi a və soynə tsu nə̀nchwì.

2 Kolìntyàns 6:7

Nyìngòŋ ə ku li kədyòʼ a yès, yès sə shə̀ʼtə̀ to kənyʉ̀ ki a kə diʼi nəmwèʼè a viʼi. Əfo ghòŋ vi a yès ə soynə nə̀ wenəvə be kɨŋtə təwen ə tyestə tsu diʼ ando yès ə tsi a jisə tɨməsə.

Efisyàns 5:9

Ma gàʼà alə̀ byìʼì ando no fè a əbayn ə diʼ tsu, ə nyʉ̀ ə jùŋə və ə fʉ̀ kuʼu tsu, viʼi tsi ətsìnə̀sə tɨməsə be ne to ə nyʉ̀ vyi a və diʼi nəmwèʼè.

Efisyàns 6:13

Ghə̀ŋ lyɨ̀ əfo əghòŋ Nyìngòŋ ə no tsèm ndiʼ mətsi mə mbyɨ sə vi kwʉʼ ghə̀ŋ temə zhɨ̀ Deblə̀, ndi əghoŋ ne sə mè, ghə̀ŋ mbo nti tò to tò.

1 Tèsàlonyà 5:8

Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.

1 Bità 1:13

Ghə̀ŋ baʼtə̀ li tə wen ə təŋtə, bvɨtə ə nè shyèʼ yì a Nyìngòŋ ə kəŋ. Ghə̀ŋ ə shɨtə ghaʼa təwen ə təŋtə, ghʉ̀ tə kwoʼtə təŋtə a bwaʼmə a ghèn a Nyìngòŋ ə diʼ lù ku a ghə̀ŋ a tʉʼ a Yesò Klistò lu bwenə vì.

Kəmwetə 9:17

Ghèn dìʼ ji a mà ə̀ nyèn təlyəŋ tì a jòm yì a ghə̀ mfʉ à mò a kə̀ʼ lì; viʼi vyi a və̀ nyɨŋ a kwi təlyəŋ tətyɨm tə vəwenə ə nkìʼ ə nkɨ̀ŋsə ghòŋ sə bàŋə̀ tò nə̀ əzhiʼ, nyìmə̀ to nə̀ məkàyn be nyòʼlə̀ nyòʼlə. Ətʉ təlyəŋ atì ə̀ nkə̀ʼə̀ to nə̀ ətʉ ve abìkəŋ. Əzhiʼ nə̀ fələʼ nə̀ məkàyn fʉ̀ fà təwentə a təchʉ̀.

Kəmwetə 9:9

Ngùməsə ashìsə ndìʼ mu sə kɨŋtə̀ li ədyʉ̀ʼ ə səwensə nə̀ ə̀fo mu və shɨ̀tə̀ nə̀ kəkas, sətànə̀ təvò tə vəwenə tə gàʼà tò nə̀ təlyəŋ no tə ghoʼo a tə gùfə̀ ə̀ mfɨŋsə dyʉ̀ a ghòŋ.