Efisyàns 6:11 - The New Testament in the Babanki language

¹¹ Ghə̀ŋ lyɨ̀ əfo ghòŋ vyi a Nyìngòŋ ə ku a ghə̀ŋ no ə tsèm ndi kɨ ə sòyn mənàŋ myimə a Deblə̀ ə baʼtə̀.

Efisyàns 6:11 ပူးပေါင်းရင်းမြစ်များ

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Lumans 13:12

Ə tʉʼ ə layn li, kəbəŋ kə sə laynə mwetə vì. Vəghəŋ maʼa li nyʉ̀ kəbəŋ kə fenəkə ə boŋsə lyɨ̀ fo ghòŋ vi a və soynə tsu nə̀nchwì.

Lumans 13:14

Ghə̀ŋ boŋsə ghaʼ to ntsìnə̀ ə fi yì a Bobo Yesò Klistò ə ku li a ghə̀ŋ a fo ghòŋ. Kə vəghəŋ na kù ji la njòsə əwen ə vəghəŋ sə tisə vəghəŋ, kwetə tèbe ghò ando sə kòŋ, vəghəŋ ə ne to ne.

1 Kolìntyàns 10:13

Nò mwomsə ə tsen ghə̀ ko diʼ a ghə̀ vì a ghə̀ŋ ko andiʼ la ghə̀ tɨmə vì a wìʼ. Nyìngòŋ ə tuʼmə. Ghə̀ ko a moʼtə la mwòmsə̀ ə vi a ghə̀ to chò kədyòʼ ə kəŋkə̀. Əmwòmsə̀ ə sətsèn vì a ghə̀ŋ, ghə̀ a diʼ ji yì a ghə̀ŋ nyɨŋ fa tsù, ko mwòmsə̀ na yi a to ghoʼ ghə̀ŋ.

2 Kolìntyàns 10:4

Əfo ghòŋ ə yès ko diʼ ə əfo a shɨtə wìʼ nə̀ kəvu kə, à kù Nyìngòŋ a yès la yès ə nsoynə zhɨ kədyòʼ kəbəŋ kəfenəkə tsu.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

2 Kolìntyàns 2:11

Ma nè alə̀ byìʼì ando ma ko kòŋ la Satan a kwen a kənyʉ̀ na yi, byìʼì a vəghəŋ ə kɨ li mɨ̀naŋ mə wen.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 6:7

Nyìngòŋ ə ku li kədyòʼ a yès, yès sə shə̀ʼtə̀ to kənyʉ̀ ki a kə diʼi nəmwèʼè a viʼi. Əfo ghòŋ vi a yès ə soynə nə̀ wenəvə be kɨŋtə təwen ə tyestə tsu diʼ ando yès ə tsi a jisə tɨməsə.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Efisyàns 4:24

Luwen ghə̀ŋ lyɨ̀ ntsìnə̀ ə fi yi a ghə̀ diʼi to nə̀ ghə̀ Nyìngòŋ. Ntsìnə̀ əfi ghèn diʼi ndiʼ no nkàyntə ə ntsìnə̀ ətɨmə nə̀ ntsìnə̀ laynə.

Efisyàns 6:13

Ghə̀ŋ lyɨ̀ əfo əghòŋ Nyìngòŋ ə no tsèm ndiʼ mətsi mə mbyɨ sə vi kwʉʼ ghə̀ŋ temə zhɨ̀ Deblə̀, ndi əghoŋ ne sə mè, ghə̀ŋ mbo nti tò to tò.

Kòlòsyàns 3:10

ə boŋsə ghaʼa ntsìnə̀ ə fi. Ghə̀ŋ diʼ viʼi və fi və a Nyìngòŋ bwom ə sə ne la ghə̀ŋ fɨsə wen a nyʉ̀ yi a ghə̀ŋ ne ndi ghə̀ŋ tuʼ kɨ wen akayn.

1 Tèsàlonyà 5:8

Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Jems 4:7

Ghə̀ŋ ku lì təwen təŋtə à Nyìngòŋ. Ghə̀ŋ tyen Deblə̀ a ghə̀ a bwènə̀ fà ghə̀ŋ a bàm.

1 Bità 5:8

Ghə̀ŋ ə nyʉ̀ʼ bvɨtə be ghaʼ təwen ətəŋtə byìʼì ando wù kəbàyn ghə̀ŋ a diʼ Deblə̀ nyoʼo kaʼa to nə̀ nyàm ə kəbo, bufə, kəŋ wìʼ ə mì.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.

Kəmwetə 2:24

Ghə̀ŋ vətsenvə diʼ a Tatiliyà a ghə̀ŋ tyen li təziʼi tə byɨtə a tèntə, ghə̀ŋ ko ziʼi ənyʉ̀ vyi a viʼi vətsenvə dzàŋə̀ nə̀ ənyʉ̀ lyomtəvə Satan. Mà sə gàʼà à ghə̀ŋ la mà ko be a ku kəbyèʼè kətsenkə à ghə̀ŋ.