Efisyàns 6:1 - The New Testament in the Babanki language

¹ Voyndyə, ghə̀ŋ ə̀ nzhʉ to fa vətiʼi vəŋə nə̀ vəlì vəŋə byìʼì ando à diʼ kənyʉ̀ ki a kə diʼ kənyʉ̀ kətɨməkə.

Efisyàns 6:1 ပူးပေါင်းရင်းမြစ်များ

Ŋwàʼlə̀ Luk 2:51

Ghə̀ lu a zhʉ a ghèn bwènə̀ shiʼi a Nazalèt wenə vəwenə mù zhʉmə vəwenə. Li wen ghʉ nyʉ̀ venə a wenə a tyɨm.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Lumans 16:2

Ghə̀ vì, ghə̀ŋ shɨtə shisə wen a zhiʼ ə Nyìngòŋ to no a ji yi a viʼi Nyìngòŋ ə diʼ ə shisə vəlemə fa tsu. Ghə̀ŋ shisə wen, ghə̀ŋ ku no tèbe ə gyàmtə̀ ə kò a ghə̀ kəŋ byìʼì ando ghə̀ gyàmtə̀ li viʼi, to kədə̀ŋ ə be gyàmtə̀ nkàyntə mò.

Lumans 7:12

Kə lə diʼi la Əsoʼ ə laynə, no tèbe a gho a ghə gaʼa be laynə, diʼ tɨmə, be bòŋ.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

1 Timotì 5:4

Alì, wùwì mphʉ sətsen ə nkiʼ vunə, kò vu vunə, wu ne vəwenə ziʼi ə ne ənyʉ̀ vyi a viʼi və byɨməvə ə kiʼi ə nə̀ nè ngwaʼ ə ngə̀ŋ nə̀ vəwenə a mbì. Vəwenə ə ne alə vəwenə a bwènsə̀ loʼo vətiʼi və vəwenə byìʼì a diʼ kənyʉ̀ a Nyìngòŋ ə kòŋə̀.

1 Bità 2:13

Ghə̀ŋ ə nshiʼsə təwenə təŋtə a no ndò yi a və ghʉ la ghə̀ ə nsoʼo ghə̀ŋ. Ghə̀ŋ ə nè alə̀ byìʼì ando ghə̀ŋ əfwanə Nyìngòŋ. Ghə̀ŋ be ə zhʉ fa fòyn ə ghoʼo yi a ghə̀ soʼo viʼi və tsèm,