Efisyàns 5:5 - The New Testament in the Babanki language

⁵ Ghə̀ŋ kɨ nəmwèʼè la viʼi vyi a və dzɨ̀mtə̀ ki kò viʼi a və dzɨ̀mtə̀ lʉ̀mə nə̀ viʼi a və ne nyʉ̀ ə kəfwaʼlə ə tsenəvə nə̀ viʼi a ashɨ ə vəwenə bàŋ (a diʼ ji ə tsen ə nkuʼsə nshəʼsə) ə ko lu kwen akəshi kə əfòyn ə Klistò wenə Nyìngòŋ.

Efisyàns 5:5 ပူးပေါင်းရင်းမြစ်များ

Shwèʼ 20:32

A nə̀ luwèn mà ku li ghə̀ŋ a kəvu Nyìngòŋ nə̀ Ntɨm jùŋ byìʼì boŋə tyɨmə wen, a ghə̀ kiʼì à viʼi a ntùʼmə̀ nə̀ ghə̀ŋ. Nyìngòŋ a ngyàmtə̀ ghə̀ŋ, bwaʼsə̀ ghə̀ŋ nə̀ fo jùŋvə vi a ghə̀ ghʉ̀ tò à viʼi wen no vətsèm.

Shwèʼ 8:21

Wù ko kiʼ no kəshi, ko kənyʉ̀ kətsenkə ənè à yès a tì shwèʼ byìʼàndo Nyìngòŋ lye li tyɨm wu, nyen la wu ko dìʼ wù kənyʉ̀ kə tɨməkə à wen a shɨ̀.

Gàlesìyà 5:19

Ənyʉ̀ vyi a njòsə wen sə kòŋ ə ne ə diʼ to a ndayn. Nyʉ̀ venə diʼ: Ə kòŋ la viʼi ntsi nə̀ ki kò nə̀ vəlɨm və viʼi, tsi ə ntsìnə̀sə kəməŋ, tsi to nə̀ bʉsə,

Gàlesìyà 5:21

kiʼ ashɨ kəmbàŋbàŋ, nyʉ chòsə̀ məlyʉ̀ʼ bomə, kòŋ ə nzhùŋtə̀ ashi nyʉ məlyʉ̀ʼ ne to nə̀ bʉsə. Nki ənyʉ̀ a vyi diʼ to kədə̀ŋ. Ma kù kətyiftə a ghə̀ŋ luwen ndə̀ŋndəŋ ando ma tə ku fa ambì la, “Viʼi vi a və nè nyʉ̀ na venə ko lu kiʼi kəshi a akəshi kə əfòynə ə Nyìngòŋ.”

Efisyàns 5:3

Ghə̀ŋ diʼ alə̀ diʼ viʼi Nyìngòŋ. Və ko be diʼ zhʉ̀ tèbe kənyʉ̀ kumə ə ndzɨ̀mtə̀ ə ki kò ndzɨ̀mtə̀ ə lʉmə nə̀ ashɨ a bàŋ ghə nə̀ nyʉ̀ ə kəfwaʼlə ə tsenəvə a ghə̀ŋ a ntìntìn. Nki nyʉ̀ a venə, və ko diʼ ə zhʉ a ghə̀ŋ a ntìntìn.

Kòlòsyàns 1:13

Ghə̀ bwoŋsə li vəghəŋ fa tì kədyoʼkə kəbəŋ kəfenəkə ə lyɨ̀ vi nə̀ vəghəŋ akəshi kə əfòyn ə Wàyn əkòŋ əwen.

Kòlòsyàns 3:5

Ghə̀ŋ maʼa nyʉ̀ ə byɨvə no ətsèm. Kə wìʼ ə tsi nə̀ wùwì a kodiʼ wi wen kò nə̀ wulɨm a kodiʼ lɨmə wen. Ghə̀ŋ maʼa ətsìnə̀sə kəfwaʼlə. Kə ghə̀ŋ kiʼi əkwoʼtə a ghə kòŋə̀ ə nè mbyɨ. Ghə̀ŋ maʼa ashɨ bòghə byìʼì ando ashɨ bòghə diʼi la ghə̀ŋ gumlə əfo ə nse, a kodiʼ Nyìngòŋ.

1 Timotì 6:10

Viʼi vi a və kòŋ əko ə zaŋsə kwenə a mbyɨ. Viʼi vətsenvə nyɨŋ li nchosə fa ayi abàm, ə maʼa əbyɨmə vəwenə ə sə kiʼi ngəʼsə ghoʼo sə a vəwenə tətyɨm.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

Hibùlù 13:4

Ghə̀ŋ ə̀ nshɨtə ghaʼa kənyʉ̀ ki a Nyìngòŋ ə gàʼa kumə làm. Kə wìʼ ə lu əwʉ̀sə lɨmə wen kò wùwì wen ə dyʉ̀ ntsì wenə wù kədyàŋ. Ghə̀ŋ kɨli la Nyìngòŋ ə lu soʼ no ndò yi a ghə̀ tsi a ji na ghèn ə soʼo no tèbe ndò ə tsen yi a ghə̀ tsi ntsìnə̀ kənfwàʼlə̀ wenə və ki ko lʉmə.

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Kəmwetə 22:15

Alì viʼi vyi a və fàŋ abàm ə mbàyn nə̀ diʼ viʼi vyi a və nè nyʉ̀ kəməŋ nə̀ viʼi fənyoʼ nə̀ viʼi vyi a və tsi nə̀ ki kò lʉ̀mə, a ko kiʼi vəwenə nə̀ viʼi vyi a və zhwilə viʼi vətsenvə ne viʼi a və gumlə nshəʼsə nə̀ viʼi vyi a və zhodzɨ̀ŋ be nè nyʉ̀ ə dzɨŋ.