Efisyàns 5:4 - The New Testament in the Babanki language

⁴ Kə ko bòŋ la gàʼà a ghə̀ fʉ̀ fa ghə̀ŋ əchʉ̀ ndiʼ gàʼà ə fwaʼlə ghə, gàʼa nyʉ̀ kəkoyn be gàʼà gàʼa demə byɨghə a viʼi. Ghə̀ŋ ə̀ boŋsə ku to kəzòŋ a Nyìngòŋ.

Efisyàns 5:4 ပူးပေါင်းရင်းမြစ်များ

Ŋwàʼlə̀ Mak 7:22

tsi nə̀ ki viʼi kò nə̀ vəlɨm və viʼi, kiʼ ashɨ kəmbàŋbàŋ, kiʼ tyɨm byɨghə, lobtə̀ viʼi, ku kətʉ kə diʼikə à viʼi, kiʼ kəghəʼ a viʼi, zhò kùwòŋ, kiʼ ghaŋsə wèn bènə̀ kəndzɨ̀ŋtə̀.

Joyn 6:23

Məbaŋ mə tsenə mə lù fa Tàybelìyàs ə vì tɨmə a ben kəshi yi a Yesò ə bwaʼsə fozhɨvə vyi ə ku a viʼi tsu li la vəwenə zhɨ.

Lumans 1:28

Ando vəwenə tyenli əbyɨmə Nyìngòŋ, ghə̀ moʼtə li vəwenə a ntìntìn kwoʼtə ə nəkwoŋ ə vəwenə a ghèn, vəwenə sə kumə tsì, ne nyʉ̀ a və ko kwʉʼʉ.

2 Kolìntyàns 1:11

Ghə̀ ne bwòŋsə yès byìʼì ando ghə̀ŋ ne ngyàmtə̀ əjɨ̀m a yès. Byìʼì na kenkə nghoʼo viʼi ne nku kəzòŋ byìʼì ando ghə̀ zhʉ li ə jɨ̀mə̀ viʼi no kədə̀ŋ la yès ə ndiʼi a nkàyn.

2 Kolìntyàns 9:15

Kəzòŋ kə Nyìngòŋ byìʼì Wàyn wen yì a ghə̀ nku a vəghəŋ. A diʼ kəku kə kaynə kə.

Efisyàns 4:29

Kə əgaʼa byɨkə ə lu fʉ̀ fa wìʼ chʉ̀. Ghə̀ŋ ə boŋsə gàʼa to kənyʉ̀ ki a ghə̀ŋ zizi ghə̀ŋ gyamtə viʼi və tò a vəwenə byɨmə ndiʼ no ndo a ghə̀ əzhʉ əgàʼ ə ghəŋə, ghə̀ a sè kənyʉ̀.

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

Kòlòsyàns 3:8

Alì ma sə gàʼa a ghə̀ŋ luwen la ghə̀ŋ maʼa nyʉ̀ na venə no ətsèm to nə̀ fwisətinə. Kə ghə̀ŋ baʼtə̀ ə ne mbyɨ a viʼi kò zhò ndzɨŋ ə byɨsə əzhiʼ ə wìʼ. Kə gaʼa ə fwaʼləghə ne nfʉ̀ fa ghə̀ŋ chʉ̀.

1 Tèsàlonyà 3:9

Yo wen ə ku kəzòŋ a Nyìngòŋ ə vəghəŋ byìʼì ghə̀ŋ, be ku byìʼì saŋlə yì a ghə̀ nè la yes kɨ byìʼì ghə̀ŋ.

1 Tèsàlonyà 5:18

A nə̀ fʉ̀ no tèbe ghò, ghə̀ŋ ə ku to kəzòŋ a Nyìngòŋ. A le nyʉ̀ vyi a Nyìngòŋ ə kəŋ la ghə̀ŋ ə nè byìʼì ando ghə̀ŋ və Yesò Klistò diʼ to muʼ.

Filimùyn 1:8

Ando wù nè nyʉ̀ venə lə, ma yi zi ma ku a nə̀ soʼ a zhiʼ Klistò la wù ne kənyʉ̀ a wù ndiʼ ə nè

Hibùlù 13:15

Vəghəŋ nku li kəku, kə kə kuʼsə a Nyìngòŋ to məzhʉ̀ ə tsèm chò fa Yesò, gàʼà fa vəghəŋ a chʉ la Nyìngòŋ diʼ Nyìngòŋ vəghəŋ.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

2 Bità 2:7

Ghə̀ ə sə byɨbsə təloʼ a tentə ə bwoŋsə Lòt. Lòt ndiʼ wù kənyʉ̀ kətɨməkə, ghə̀ nki ə ntsìnə̀sə kəfwaʼlə shisə a viʼi lòʼ a venə ə̀ tsi, kənyʉ̀ a kì ku ngəʼ a wen no nànto.

Ŋwàʼlə̀ Jud 1:10

Alì viʼi venə ə sə gàʼà nyʉ̀ byɨvə kumə nyʉ̀ vyi a vəwenə ə zhʉ, ko və lu kɨ. Vəwenə kwoʼtə ənyʉ̀ to nə̀ nyamsə tətòʼ, a diʼ nyʉ̀ a venə a və byɨsə vəwenə.

Ŋwàʼlə̀ Jud 1:13

Viʼi a venə ə diʼ to nə̀ əsɨŋ a mù a mə bwìnkə̀ a ti a mù mə ghoʼo mə. To ando mu nə̀ bwìnkə̀, tenə fo ə byɨvə shisə a wen a mù. A diʼ to ndə̀ŋndəŋ to ando nyʉ̀ ə byɨvə ə və wenə fʉ̀kə̀ a ndayn. Vəwenə ə diʼ to nə̀ mədzɨ̀ŋ a mə tenə viʼi a kù, diʼ mù Nyìngòŋ ə moʼtə li kəshi kə fenə to la lèm la mə faŋ tsu to ghayn əmùʼ.