Efisyàns 5:25 - The New Testament in the Babanki language

²⁵ Ghə̀ŋ kòŋ ki ə vəŋə a lʉmə ndə̀ŋndəŋ ando Klistò ə nkòŋ ngə̀ŋ Nyìngòŋ ə ku wenə wen a pfʉ̀ byìʼì wen.

Efisyàns 5:25 ပူးပေါင်းရင်းမြစ်များ

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Joyn 6:51

A diʼ to no mò diʼ fozhɨvə na venə a və shiʼi ə vi fa kàŋ. A zhɨ no ndo zhɨ fozhɨvə na venə, mu ghə̀ ko lu be pfʉ. Ə fozhɨvə na venə diʼ wen ə ghomə yi a ma ne kù ndiʼ viʼi mbyi ə kiʼi ntsìnə̀ yi a ghə̀ faŋ to ghayn ə mùʼ.”

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Gàlesìyà 1:4

Yesò ə nku li wen ə wen ə pfʉ byìʼì mbyɨsə vəghəŋ ə bwoŋsə vəghəŋ fa mbyi ghèn a mbyɨ ə ghoʼ tsu lə̀. A diʼ to kənyʉ̀ ki a Nyìngòŋ ə Tìʼ vəghəŋ ə nkəŋə.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Efisyàns 5:24

Kə le diʼi la ki diʼ ə ngumlə̀ lyʉmə ə vəwenə to nyʉ̀ ə tsèm ndə̀ŋndəŋ ando ngə̀ŋ Nyìngòŋ ə gumlə Klistò.

Efisyàns 5:28

Kə diʼ la wulɨm diʼ ə kòŋ wì wen to ndə̀ŋndəŋ ando ghə̀ kòŋ wèn ə wen. Wulɨm sətsen ə kòŋ wùwì wen, kə a ndiʼ la ghə̀ kòŋ əwèn ə wen.

Efisyàns 5:33

Luwen le no wulɨm ko kòŋ wi wen ndə̀ŋndəŋ ando ghə̀ kòŋ wèn ə wen. No wùwì ko be gumlə lɨmə wen.

Kòlòsyàns 3:19

Ghə̀ŋ diʼ ə kòŋ ki vəŋə a lʉ̀mə və lamkəvə. Kə ghə̀ŋ ə fwàynsə a vəwenə.

1 Timotì 2:6

Ghə̀ nku li wen ə wen ə pfʉ ə zen kətʉ kə viʼi və tsèm. Nyìngòŋ ə ne kənyʉ̀ a kenkə tò a yi zhʉ a ghə̀ ə kəŋ ə diʼ a nə̀ kəchwitəkə la ghə̀ kòŋ ə bwòŋsə viʼi və tsèm.

1 Bità 3:7

Nkàyntə̀ ghə̀ŋ a lʉmə be diʼ ntsi ətsìnə̀sə jùŋsə a ki ə vəŋə, kɨ la vəwenə bwaʼa chò ghə̀ŋ. Kə le diʼi la ghə̀ŋ diʼ ə tuʼmə nə̀ vəwenə byìʼì ando Nyìngòŋ ə lu tsèntə ku ə ntsìnə̀ yì a ghə̀ ko lu mè to a ghə̀ŋ və tsèm. Ghə̀ŋ ə tsi to alə ndiʼ ghə̀ŋ ne sə əzhʉsə jɨ̀m, ko to kənyʉ̀ kə a taʼsə əjɨ̀m ə ghəŋə.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.