Efisyàns 5:21 - The New Testament in the Babanki language

²¹ Ghə̀ŋ ne gumlə təwenə tyəŋtə byìʼì ando ghə̀ŋ kuʼsə Klistò.

Efisyàns 5:21 ပူးပေါင်းရင်းမြစ်များ

1 Kolìntyàns 16:16

ghə̀ŋ ə nzhʉ fa viʼi alə to nə̀ vəwenə no tèbe nə̀ ndò ə tsen yi a ghə̀ shwèʼè wenə vəwenə.

2 Kolìntyàns 5:11

Yès ə fwaynə Bobo byìʼì ando və kɨli la kə bòŋ la və nfwaynə wen. A le kənyʉ̀ ki a yès ə sensə viʼi la və vi a wen. Nyìngòŋ kɨ no tèbe ghò kumə yès, ma be kwoʼtə la ghə̀ŋ be shətə kɨ yès a ghə̀ŋ a tətyɨm.

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

Efisyàns 5:22

Ki, ghə̀ŋ ə̀ nshiʼsə̀ təwenə tyəŋtə a vəlɨm ə vəŋə ndə̀ŋndəŋ ando ghə̀ŋ shiʼsə̀ a Bobo.

Efisyàns 5:24

Kə le diʼi la ki diʼ ə ngumlə̀ lyʉmə ə vəwenə to nyʉ̀ ə tsèm ndə̀ŋndəŋ ando ngə̀ŋ Nyìngòŋ ə gumlə Klistò.

Filìbàyns 2:3

Kə ghə̀ŋ a nkwòʼtə̀ tò byìʼì təwen ə təŋtə, kə wìʼ a ə nè kənyʉ̀ ə kuʼsə wèn ə wen. Ghə̀ŋ ə mbòŋsə̀ kiʼ ə shiʼsə wèn à ghə̀ŋ ə ntìntìn be lyɨ̀ la viʼi vətsenvə chò ghə̀ŋ.

1 Timotì 2:11

Ki diʼ zhʉtə ənyʉ̀ vyi a və ziʼi à vəwenə tò achi achi, nə̀ shiʼsə wen.

1 Timotì 3:4

Ghə̀ di ndiʼ wìʼ a ghə̀ shətə ghaʼ ngwaʼa ə ngə̀ŋ ə wen no a nkàyn. Ghə̀ diʼ ə ne la vunə wen ə zhʉmə wen bè gumlə.

Hibùlù 13:17

Ghə̀ŋ nzhʉ to fa viʼi vyi a və tisə ghə̀ŋ, kə ghə̀ŋ nə̀ to kətʉ a vəwenə. Vəwenə tuʼmə nə̀ ghə̀ŋ, diʼ lù taŋ əchʉ̀ vəwenə a Nyìngòŋ kumə shwèʼè a ghenə. Ghə̀ŋ sətsen ə̀ nzhʉ to fa vəwenə, kə a gyàmtə̀ vəwenə nè shwèʼè nə̀ saŋlə, kə be a boŋ ə gyàmtə̀ ghə̀ŋ.

1 Bità 2:13

Ghə̀ŋ ə nshiʼsə təwenə təŋtə a no ndò yi a və ghʉ la ghə̀ ə nsoʼo ghə̀ŋ. Ghə̀ŋ ə nè alə̀ byìʼì ando ghə̀ŋ əfwanə Nyìngòŋ. Ghə̀ŋ be ə zhʉ fa fòyn ə ghoʼo yi a ghə̀ soʼo viʼi və tsèm,

1 Bità 2:17

Ghə̀ŋ ə gumlə viʼi vətsèm no nkayn, kòŋ vəlemə vəŋə ə viʼi və byɨməvə, fwaynə Nyìngòŋ, be gumlə fòyn ghoʼo yi a ghə̀ soʼo ghə̀ŋ.

1 Bità 5:5

Mbvòʼò ə wìʼ, ghə̀ŋ ə be zhʉ to fa vəchəʼ və ngə̀ŋ Nyìngòŋ. Ghə̀ŋ nò vətsèm mòʼ gumlə a ghə̀ŋ wèn a nə̀ ndisə ə gumlə təwen ə təŋtə. Ghə̀ŋ kɨli la Nyìngòŋ ə baynə viʼi vyi a və ghaŋsə əwen, ali tùʼmə̀ nə̀ viʼi a və shiʼsə təwen tə vəwenə.